Hisob-kitoblarni va o‘tkazish operatsiyalarini bajarish. O‘zbekiston Respublikasi hududida hisob-kitoblar naqd pulli va naqd pulsiz tarzda amalga oshiriladi. Jami pul aylanishining asosiy qismi naqd pulsiz to‘lovlarga to‘g‘ri keladi. Bunda pulning harakati kredit muassasalaridagi hisobvaraqlariga pul o‘tkazish va o‘zaro talablarni hisobga olish jarayonida sodir bo‘ladi. Mahsulot sotish ishlarini bajarish, xizmat ko‘rsatish yo‘li bilan mablag‘ topish, milliy daromadni taqsimlash va qayta taqsimlash, bankdan qarz olish va uni qaytarish, aholiga pul daromadlarini to‘lash va ulardan foydalanish kabi xo‘jalik munosabatlarining sohalari vositasida naqd pulsiz pul oboroti xo‘jalik yurituvchi subyektlarning hisobvaraqlari amal qilayotgan bank muassasalari orqali o‘tadi. O‘zaro hisob-kitoblar O‘zbekiston Respublikasi Markaziy banki tomonidan belgilangan va hamma bank hamda mijozlar uchun majburiy bo‘lgan qoidalar asosida olib boriladi.
Do'stlaringiz bilan baham: |
