Банкларда фойда ва зарарлар ҳисоби

Bankning operatsion xarajatlari tarkibiga quyidagilarni kiritish mumkin; 
bank xizmatchilarining ish haqi va ular uchun qilingan boshqa xarajatlari, ijara va 
ta’minot xarajatlari, xizmat safarlari va transport xarajatlari, ma’muriy xarajatlar, 
reprezentatsiya va xayriya xarajatlari, eskirish xarajatlari, sug’urta, soliq va boshqa 
xarajatlar va ko’rilishi mumkin bo’lgan zararlarni baholash xarajatlari hamda 
daromad solig’ini baholashdan iboratdir. 
Banklar o’z operatsion xarajatlarini ularning bosh banki tomonidan bir yil 
uchun tasdiqlangan va xabar berilgan smeta assignovaniyalari doirasida amalga 
oshiradilar. Bankning operatsion xarajatlari uchun ajratilgan smeta assignatsiyalari 
hisobot yilining 31 dekabrigacha amal qiladi. Tugagan yilda amalda qilingan 
barcha xarajatlar 31 dekabrgacha o’tkazilishi lozim. 
Tijorat banklar o’z operatsion xarajatlarini bank Boshqaruvi tomonidan bir yil 
uchun tasdiqlangan va xabar berilgan smeta doirasida amalga oshiradilar. 
Bankning operatsion xarajatlari smetasi bo’yicha mablag’larni bank rahbari 
tasarruf etadi. Bank rahbari bank bo’yicha buyruq chiqarib, smeta xarajatlarini 
tasarruf etish huquqini o’z o’rinbosariga ishonib topshirishga haqlidir. Bank 
Boshqaruvi raisi ham buyruq chiqarib smeta bo’yicha xarajatlarni tasarruf etish 
huquqini o’zining birinchi o’rinbosariga berishi mumkin. Biroq, smeta bo’yicha 
xarajatlarni tasarruf etish huquqini boshqa shaxsga berib qo’yish bilan bank 
Boshqaruv raisini uning smeta intizomi ahvoli uchun qonunda belgilangan shaxsiy 
javobgarlikdan ozod qilmaydi. 
Tijorat banklarining xarajatlari, bank faoliyatini amalga oshirish jarayonida 
amalga oshirilgan foizli va foizsiz hamda bank operatsion xarajatlaridan tashkil 
topadi. Ushbu xarajatlarning barchasi buxgalteriya hisobvaraqlari rejasidagi 
50000- «Xarajatlar» hisobvaraqlarida hisobga olib boriladi. 
Bank o’z faoliyatini to’laqonli yuritishi uchun xarajatlar qiladi. Tijorat