Bap new indd

QOSÍMSHA SORAWLAR
 
1. Eki birdey qayıqtıń birinde otırǵan bala ekinshi qayıqtı arqan menen 
tartsa, qayıqtıń ekewi de birdey bolıp jılısa ma? Eger juwap teris bolsa, onda 
qayıqtıń qaysısı kóbirek jılısadı?
2. Aspanda tırnalar toparı ushıp baratır. Olardıń bir-birine salıstırǵandaǵı 
qozǵalısı haqqında ne dep aytıw múmkin?
3. Ne ushın orın awıstırıw basıp ótilgen aralıqqa teń yamasa onnan kishi 
bolıwı múmkin, biraq úlken bola almaydı?
4. Poyezddıń aynasınan qaraǵanda, sırttaǵı terekler, úyler aynanıń qasınan 
ótip turadı. Bul jaǵdayda aynaǵa jaqın predmetlerdiń tezligi, aynadan alıstaǵı 
predmetlerdiń tezliginen úlken boladı? Ne sebepten?
5. Avtomobildiń aynasınan baqlap baratırǵan adamǵa basqa avtomobildiń 
dóńgelekleriniń qozǵalısı qanday bolıp kórinedi?
6. Avtomobildiń oń hám shep táreptegi dóńgelekleri burılıwda birdey 
jollardı basıp óte me?
7. Jerde 5,6 m uzınlıqqa sekiretuǵın adam Ay yamasa Marsta neshe metr 
uzaqlıqqa sekiriwi múmkin? Eger Jerdiń massası Quyashtıń massasınday bol-
sa, bul uzınlıq ózgere me?
8. Velosipedshi burılıp atırǵanda ne ushın burılıp atırǵan tárepke qaray 
awadı?
9. Normal atmosfera basımı barlıq qalalarda birdey me? Birdey bolmasa, 
onıń sebebi nede?
10. Jerdiń orbitası boylap qozǵalatuǵın kosmoslıq kemeniń ishinde shırpını 
jaǵıw múmkin be?
11. Paydalanılıp atırǵan jarǵı qanday maqsette maylap turıladı?
12. Ne ushın muzdıń ústinde tayıp ketkenimizde arqaǵa jıǵılamız?
13. Parashyutlı adam parashyutsız adamǵa salıstırǵanda jerge ásten túse-
di. Ne ushın?
14. Mayatnikli, qumlı hám prujinalı saatlar Ayda isletilse, Jerdegidey bolıp 
isley me? Ne ushın?
15. Ótmishte elimizde «Qoqand arbası» dep atalatuǵın belgili arbalar 
soǵılǵan. Olardıń dóńgeleklerin attıń boyınan da biyik etip soqqan. Onıń 
sebebi nede?
16. Ádette, atqa jegetuǵın arbanıń artqı dóńgelegi aldınǵı dóńgelekke 
salıstırǵanda úlkenirek etip soǵıladı. Ne ushın?

---

147