Barkamol avlod
Download 420.97 Kb. Pdf ko'rish
|
- Bu sahifa navigatsiya:
- “Folklor” to‘garagi o‘tilishining dolzarbligi.
- To‘garakning ahamiyati.
- To‘garakning maqsadi
- To‘garakning vazifalari: 1.
- 2. Folklor. Xalq og‘zaki ijodi.
- Xalq og‘zaki ijodi namunalari
1
O‘ZBEKISTON RESPUBLIKASI XALQ TA’LIMI VAZIRLIGI “BARKAMOL AVLOD” RESPUBLIKA BOLALAR BADIIY IJODIYOT MARKAZI
“FOLKLOR” TO‘GARAGI O‘QUV QO‘LLANMASI TOSHKENT-2016
2
Muallif: T.Sapaeva - “Barkamol avlod” respublika bolalarbadiiy ijodiyot markazi to‘garak rahbari
M.Ilyasova – “Barkamol avlod” respublika bolalar badiiy ijodiyot markazi o‘quvchilarni ijodiy kamol toptirish guruhi uslubchi
Taqrizchilar: N.Shomansurova - “Barkamol avlod” respublika bolalar badiiy
ijodiyot markazi
direktor o‘rinbosari
artist
A.Yuldoshev – O‘zbekiston Respublikasi Davlat konservatoriyasi qoshidagi akademik litseyi direktori
Ushbu qo‘llanma Xalq ta’limi vazirligining 2016 yil 1 avgustdagi 194-sonli buyrug‘i bilan tasdiqlangan “Folklor” to‘garagi o‘quv dasturiga muvofiq ishlab chiqildi.
Ushbu qo‘llanma “Barkamol avlod” bolalar markazlari, ta’lim muassasalari, mehribonlik uylari va mahallalar qoshida tashkil etilgan “Folklor” to‘garak rahbarlari uchun tavsiya qilinadi.
“Barkamol avlod” respublika bolalar badiiy ijodiyot markazi huzuridagi Uslubiy kengashining 2016 yil 10 oktyabrdagi Navbatdan tashqari yig‘ilish qarori bilan foydalanishga tavsiya etilgan. 3
(birinchi o‘quv yili uchun)
“Folklor” to‘garagi maqsadi o‘quvchilarga folklor qo‘shiqlari va ularning yaratilish tarixini, folklor qo‘shiqlarining turlarini, uslublarini, namoyondalarini, hududda yashab o‘tgan madaniyat namoyondalari, folklorga xos bo‘lgan liboslar turlarini, xududlarga xos bo‘lgan milliy raqs yo‘nalishlarini: xususan Farg‘ona- Toshkent raqs maktabi, Xorazm raqs maktabi, Buxoro raqs maktabi, folklor qo‘shiqlarida foydalaniladigan milliy xalq cholg‘u asboblarini ijro yo‘llarini, ota- bobolarimizdan avloddan–avlodga o‘tib kelayotgan folklor qo‘shiqlarini o‘rgatishdir. Folklor (ingl. Folk-xalq, lore-bilim, donolik)- xalq ijodini ifodalovchi atama. Fanga 1846 yilda ingliz arxeologi U.J. Toms olib kirgan. XIX asrning 80-90 yillardan Folklor atamasi ko‘plab mamlakatlarda qo‘llanila boshlangan. Shu yillardan boshlab bu atama keng ma’noda xalq ijodining barcha sohalarini – xalq poeziyasi, xalq nasri, musiqasi, raqsi, rassomlik, o‘ymakorlik, diniy e’tiqodi va odatlarini ifodalasa, tor ma’noda faqat so‘z san’atini – xalq og‘zaki poetik ijodi tushunchasini ifoda etadi. “Folklor” to‘garagining vazifasi turli mavsum va milliy marosimlarda folklor qo‘shiqlarini ijro etish, folklor qo‘shiqlarida unga xos bo‘lgan liboslarni tanlash, folklorga xos bo‘lgan turli mavsumiy va marosim qo‘shiqlariga xos raqslarini ijro etish, folklor qo‘shiqlarida foydalaniladigan milliy xalq cholg‘u asboblarini turli usullarda qo‘shiqlarga mos ravishda chalish malakalarini hosil qilishdan iborat. Turkiy xalqlarda folklor materiallarini yozib olish bo‘yicha dastlabki tajribalar XI asrdan boshlab ko‘zga tashlanadi. XVIII - XIX asr boshlarida folklorga nisbatan qiziqishning kuchayishi natijasida xalq og‘zaki ijodini to‘plash va nashr etish jadal rivojlandi. XX asrning 20-yillari 2-yarmidan boshlab yutuqlar qo‘lga kiritildi. Ergash Jumanbulbul o‘g‘li, Fozil Yo‘ldosh o‘g‘li, Muhammadqul Jonmurod o‘g‘li Po‘lkan shoir kabi atoqli dostonchilar maydonga chiqdi. 1925 yildan o‘zbek xalqi tarixida birinchi marta yangi dostonlarning to‘liq matnlarini xalq shoirlari og‘zidan bevosita yozib olish ishlari boshlanib ketdi. Qisqa bir davrda “Alpomish”, “YOdgor”, “SHayboniyxon”, “Yusuf bilan Ahmad”, “Alibek bilan Bolibek”, “Rustam”, “Go‘ro‘g‘lining tug‘ilishi”, “Yunus pari”, “Misqol pari”, “Gulnor pari”, “Avazxon”, “Hasanxon”, “Dalli”, “Ravshan” kabi yirik asarlar yozib olindi. Folklorning asosiy xususiyati ijodiy jarayon-yaratuvchilik va ijrochilik jarayoning og‘zakiligi va jamoalik xarakteriga egaligidadir. Uning an’anaviylik, o‘zgaruvchanlik, variantlilik, ommaviylik, anonimlik kabi belgilari folklorga xos ana shu ijodiy jarayonning bosh xususiyati doirasida namoyon bo‘ladi. Folklor asari ko‘pchilik tomonidan, ajdodlar va avlodlar aloqadorligida yaratilgan poetika elementlari, an’anaviy uslub vositalari asosida yuzaga keladi, u muayyan eshituvchilar guruhiga mo‘ljallangan va xalq ommasi tomonidan e’tirof etilgandagina ijtimoiy va tarixiy axamiyat kasb etadi. Folklor namunalari og‘zaki yaratilib, og‘zaki tarqalishi, ommaviy repertuardan keng o‘rin olishiga poetik shakllarning barqarorligi, matndan–matnga o‘tuvchi umumiy o‘rinlarning qat’iylashganligi, o‘xshash syujetlarning ko‘pligi imkoniyat yaratadi.
4
Har bir ijod va ijroda an’anaviy asardagi ayrim unsurlar o‘zgaradi yoki tushib qoladi. Bunday o‘zgaruvchanlik ijtimoiy-maishiy sharoit, eshituvchilar talabi, ijodkor salohiyatiga bog‘liq. Lekin har qanday o‘zgarish sayqal topgan qat’iy an’analar doirasida sodir bo‘ladi. Badihago‘ylik folklor asarlarining ko‘p variantlarda tarqalishiga olib keladi. Folklorning jamoalik xarakteri yakka ijodchilar faoliyatini inkor etmaydi. Iste’dodli ijodkorlar og‘zaki an’analar doirasida uni yanada mukammallashtiradilar, yangilarini yaratadilar. To‘garak raxbarining tashkilotchilik qobiliyati, bilimdonligi aloxida axamiyat kasb etadi. “Folklor” to‘garagi bevosita Xoreografiya oliy maktabi, san’at kollejlari bilan xamkorlikda ish olib boradi. To‘garak faoliyati davomida mazkur oliy dargoxlarga tashriflar uyushtirib, folklor san’atining bugungi kundagi namoyondalari bilan uchrashuvlar uyushtiradilar. Mashg‘ulotlar amaliy va nazariy qismlardan iborat, amaliy mashg‘ulotlar kengroq o‘tiladi. Qo‘shiq, topishmoq, afsona, rivoyat, lof, latifa, ertak, doston, askiya, og‘zaki drama va boshqa folklorning asosiy janrlaridir. “Folklor” to‘garagi o‘tilishining dolzarbligi. “Kadrlar tayyorlash milliy dasturi”ning umumiy qoidalari bo‘limida ko‘rsatib o‘tilgan “Xalqning boy intelektual merosi va umumbashariy qadriyatlar asosida kadrlar tayyorlashning mukammal tizimini shakllantirish O‘zbekiston taraqqiyotining muhim sharti” ekanligi bilan belgilanadi. Ota – bobolarimizdan qolgan, saqlanib kelayotgan urf-odatlar, milliy qadriyatlarimizni bizgacha etib kelishida albatta turli xil manbalar, kitoblar, turli hil video tasmalar, kino, jurnal va gazetalar orqali biz o‘tmishimiz xaqida bilimlarga ega bo‘lib kelmoqdamiz. Hozirgi kunda fan texnika jadal rivojlanayotgan vaqtda barcha yoshlarimiz o‘z bilimini yanada boyitishda yangi va zamonaviy axborot texnologiyalari hayotimizning ajralmas qismiga aylanib ulgurdi. Qariyib har kuni ahborot portallarida joylashgan yangiliklardan bohabar bo‘lishga odatlanmagan, kundalik faoliyatida ish “quroli” day bo‘lib qolgan kompyuterlardan foydalanmagan kishini topish qiyin. Bu o‘rinda barchamiz istemolchilarmiz. Xoh kundalik hayotda bo‘lsin, xoh o‘qish va ish faoliyatida bo‘lsin insonni har doim qiziqtiradigan savollar yuzaga kelaveradi. Bu savollarga javobni esa internet tarmog‘i orqali bemalol topish imkoni bor. Rus ziyolilaridan biri “Internet bu - tarvaqaylagan jungli” unda faqat kompas bilan najot topish mumkin. Kompas esa “Mafkuraviy imunitetdir” degan edi. Internetga hamma kirishi mumkin, uning eshiklari doimo ochiq turadi. Butunjahon o‘rgimchak to‘ri”ning qidiruv sistemasi har bir zamonaviy inson uchun zarur bo‘lgan aqlbovar qilmas va juda ko‘p axborotlarni qamrab oladi. Uning qulaylik jihati shundaki inson istagan mavzudagi axborotni hech qanday qiyinchiliksiz topishi mumkin. Buning uchun internetga ulanish, qidiruv sistemasini tanlash va uning satriga kerakli ma’lumot nomini yozish kifoya. Internet orqali odam har kuni turli mafkuraviy (fikrni o‘zgartiruvchi) ta’sirlarga duch keladi. To‘garakning ahamiyati. O‘zbek xalq og‘zaki ijodi milliy qadriyatlarning tarkibiy qismi ekanini tasdiqlash, o‘zbek mentalitetining shakllanishi bevosita xalq 5
dostonlari, ertaklari, qo‘shiqlari, maqollari, musiqa va raqslari kabi janrlarda aks etgan hayot ifodasi bilan bog‘liqligiga ishonch hosil qilish, milliy o‘zlikni anglashning o‘sib borishida xalqimizning intelektual merosiga hurmat tuyg‘usini shakllantirishdan iborat.
xususiyatlari mukammal uyg‘unlushganini, unda o‘zbek xalqining asrlar davomidagi ijtimoiy, maishiy, madaniy hayoti o‘zining badiiy ifodasini topganini, xalqning o‘z vatani uchun iftixor tuyg‘usi aynan og‘zaki ijodi zaminida tashkil etishini to‘garak a’zolariga anglatish.
ilmiy ma’lumot berish; 3. Xalq hayoti va badiiy to‘qima tushunchalarining mohiyatini anglatish; 4. Xalq og‘zaki ijodi millat farzandlarining ma’rifiy dunyoqarashi, estetik didini shakllantirishda muhim tarbiyaviy asos vazifasini bajargani haqida tasavvur hosil qilish; 5. Xalq og‘zaki ijodidagi janrlar haqida ma’lumot berish, ularning janr xususiyatlarini aniq ko‘rsatish, janrlararo munosabat mezonlarini belgilash; 6. O‘zbek xalq og‘zaki ijodining, umuman, o‘zbek milliy san’ati taraqqiyotidagi ahamiyatini ko‘rsatish; 7. O‘zbek folklorining jahon xalqlari og‘zaki ijodi rivojidagi o‘ziga xosligi va insoniyat madaniy merosida tutgan o‘rni haqida ma’lumot berish.
Har bir xalqning og‘zaki ijodi, o‘sha xalqning bo‘y bastini va an’analarini, tabiatini ro‘y-rost aks ettirib turuvchi boqiy ko‘zgudir. Biz ana shu ko‘zgu orqali har bir xalq o‘tmishini, bugunini, orzulari va vositasida olamshumul ezgu niyatlar, odamiy va olamiy fazilatlar, vahshiylik va yomonlikka nafrat kabi mushtarak tuyg‘ular dunyoning barcha xalqlari uchun aziz va qadrli ekanligini ko‘rib, quvonamiz. Dunyo xalqlarining og‘zaki ijodinini bezab turgan, bir-biridan qadimiy doston va ertaklar, askiya va laparlar, qo‘shiq va topishmoqlar odamlarni, bashariyatni nurafshon kunlar sari etaklaydi. To‘y marosimlari tadbirlariga har xil aytimlar ham kirgan, jumladan, “Kelin yig‘isi” qo‘shiqlar to‘y ma’rakalarni, ulug‘lash, madhiyalar, tabriklar, pand nasihat, alyorlar aytishdan iborat bo‘lgan, ular yakka-yolg‘iz, musiqa asbobi bilan ba’zan usiz guruh bo‘lib ijro etilgan. Ular orasida barcha xalqlarda ommalashgan qo‘shiq “Yor-yor” dir. U naqorat to‘rtlik uslubida tarkib topgan. To‘y marosimlarida qo‘shiqlar voqea tasnifining va badiiy ifodaning zarur vositasi sanalgan. Ular ko‘pincha kelin va uning dugonalari tomonidan kuyov uyiga borish vaqtida jamoaviy bo‘lib cholg‘u asboblari- doira jo‘rligida va cholg‘u asboblarisiz yoki qarsak chalgan holda ijro etiladi. Ba’zi bir xalqlarda erkaklar tomonidan “Yor-yor”, kabi qo‘shiqlar cholg‘u asboblari jo‘rligida yoki duet-aytishuv shaklida kelin va kuyov vakillari ikkita ayollar guruhi tomonidan ijro etilishi keng tarqaldiki, bu ijrolarda ma’lum ma’noda qochirim-kinoyalar aks etadi. Xalq ijodi tushunchasi g‘oyatda keng, u folklor, xalq musiqasi (musiqa folklori), xalq teatri (tomosha san’ati), xalq o‘yinlari, qo‘g‘irchoq o‘yin, xalq tasviriy 6
va amaliy san’atini o‘z ichiga oladi. Folklor asarlar katta hayajonlantiruvchi kuchga ega, adabiyot va san’at uchun tuganmas manbadir. Inson nutqi shakllanishi bilan og‘zaki so‘z san’atining qadimiy tur va janrlari ham qorishiq holda yuzaga kela boshladi. Kishilik badiiy tafakkurining turli shakllarini o‘z ichiga olgan bu ijod namunalari ibtidoiy odamlar maishati va faoliyatining barcha jihatlari bilan uzviy bog‘langan bo‘lib, qadimiy kishilarning diniy, mifologik va e’tiqodiy qarashlari, boshlang‘ich ilmiy bilimlari, tabiat va jamiyat haqidagi tasavvurlarini aks ettirgan. Biroq qadimiy folklorning bunday namunalari bizgacha etib kelmagan. YOzuvning yuzaga kelishi natijasida folklor bilan tarixan bog‘liq bo‘lgan adabiyot ham paydo bo‘ldi. Adabiyot o‘zining taraqqiyoti davomida folklordan deyarli barcha estetik tushunchalar va poetik shakllarni oldi. So‘z san’atining mustaqil turi sifatida folklor ham adabiyot birgalikda yonma-yon yashab keldi. Folklor va adabiyot asarlari yaratilgan ijtimoiy muhitdagi farqlar, ijodiy jarayonning xilma xilligi ularning o‘zlariga xos xususiyatlarini yanada kuchaytirdi. Natijada folklor va adabiyot og‘zaki hamda yozma tur sifatida shakllandi va rivojlandi. Ergash Jumanbulbul o‘g‘li, Fozil Yo‘ldosh o‘g‘li kabilar folklorning xalq og‘zaki ijodi, baxshi qo‘shiqchilarining namoyondalarilardir.
A) qo‘shiqlar; YO) olqishlar; B) maqollar; J) qarg‘ishlar; V) dostonlar; I) mahalliy uyinlar; G) topishmoqlar; Y) tez aytarlar; D) ertaklar; K) askiyalar; E) laparlar; L) latifalar.
Ergash Jumanbulbul o‘g‘li 1868 yilda Nurota tumaniga qarashli Qo‘rg‘on qishlog‘ida tug‘ilgan. Shoir ota bobolari shu qadar doston aytishga mohir edilarki, ularning ijro usulida o‘ziga xoslik Ergash tug‘ilgan qishloq nomini o‘zbek dostonchiligidagi alohida maktab sifatida tan olinishiga sabab bo‘ldi. Ergash Jumanbulbul o‘g‘li esa bu maktab nomini abadiylashtirishga munosib hissa qo‘shdi. 1875-76 yillarda Jumanbulbul o‘g‘lini qishloq masjidi huzuridagi maktabga o‘qishga beradi. O‘qishga bo‘lgan havasini ota Buxoro madrasasida o‘qitadi. Natijada, Ergash shoir o‘z davridagi o‘nlab baxshilardan farqli ravishda o‘qish yozishni o‘rgandi. Nizomiy, Navoiy, Mashrab kabi shoirlar asarlarini mutolaa qildi, hatto keyinchalik mirza kotib bo‘lib ishladi. Ergash shoirning shaxsiy hayotida oilaviy musibatlar ko‘p bo‘ldi. 18 yoshida uning otasi vafot etgan. Ukalari Abduhalil, Abdujalil, singlisi Mahkamoy yosh paytlarida dunyodan ko‘z yumganlar. Shuning uchun shoirning termalarida oilaviy baxtsizlik haqidagi misralar ijodining salmoqli qismini tashkil etadi. Xususan, ukasi Abduhalil o‘limi bilan bog‘liq aytgan yig‘ida shunday deyiladi.
Emrandi tanimda jonim, Hazon bo‘ldi gulistonim, Yig‘lashib yor-yoronim, 7
Bemahal qurib bo‘stonim, Qo‘ldan uchdi bo‘z tarlonim, Eshitinglar qadrdonim, Yolg‘iz inim suyanganim, Shunqorimdan judo bo‘ldim.
Oilaviy qiyinchilik va tashvishlar baxshining umr bo‘yi Samarqand, Zarafshon atrofida qishloqma-qishloq doston, terma aytib yurishga majbur qildi. Ammo shu bilan birga bu muttasil safarlar uni odamlarga tanitdi, mashhur baxshi sifatida nom qozonishga olib keldi, baxshilik san’atining mukammal egasi, ustoz shoir bo‘lib etishishiga sabab bo‘ldi. Ergash shoir umri davomida yana o‘qituvchilik, dehqonchilik bilan shug‘ullandi. Hayotining so‘nggi yillarida asosan dostonlarni yozdirdi, doston aytdi, termalar yaratdi. Ergash Jumanbulbul o‘g‘li Ravshan Kuntug‘mish dostonlarini ana shunday muxabbat bilan ijro etgan. Shuningdek baxshi Alpomish, Qunduz bilan Yulduz, Dalli, Xushkeldi, Avazxon, Xasanxon kabi o‘nlab dostonlarni maroq bilan ijro etgan. Shoir ijodiga xos xusuiyatlardan biri ijrosidagi dostonlarning syujet va kompozitsiyasidagi mukammallik edi. Yozma adabiyot namunalaridan yaxshi xabardor bo‘lgani sababli baxshi Alisher Navoiy dostonlaridagi mukammallikni og‘zaki ijodga tatbiq etadi. Professor Hodi Zarifov shoir hayotining so‘ngi haqida hikoya qilib, baxshi o‘z yurtiga borib, bir qator qo‘lyozmalarni topmoqchi bo‘lganini, yangi yangi termalar, dostonlar aytib berishga va’dalar qilganini yozadi. Biroq og‘ir kasallikdan shoir 1937 yil 12 may kuni vafot etadi. Zukko baxshidan qolgan badiiy meros bugungi kunda yurtimiz kelajagi uchun xizmat qilmoqda. Fozil Yo‘ldosh o‘g‘li 1872 yilda Samarqand viloyati, Bulung‘ur tumaniga qarashli Bo‘dana hududidagi Loyqa qishlog‘ida tug‘ildi. Uning oilasi asosan dehqonchilik, qisman chorvachilik bilan shug‘ullanardi. Taqdir Yo‘ldoshni juda yoshligidan sinovdan o‘tkaza boshladi. 1877 yilda 5 yoshli Yo‘ldosh otasidan etim qoldi. Qayta-qayta baxshilar davrasida ishtirok etish esa ko‘p o‘tmay o‘z davrining eng mashhur ustoz baxshilardan Yo‘ldoshbulbulning e’tiborini o‘ziga tortdi. YOsh ijrochi o‘z ustozi va hamyurtlaridan qirqdan ortiq dostonni o‘rgandi, ijod etdi. Yo‘ldoshbulbul o‘z shogirdi Fozil Yo‘ldosh o‘g‘lini baxshilikning katta sinovidan o‘tkazdi. Fozil shoir dostonida ko‘rgan kechirgan azob uqubatlarini oddiy xalq tilidan sodda va ravon tarzda ifoda etgan. U “Alpomish”, “Yodgor”, “Shirin bilan Shakar”, “Murodxon”, “Rustamxon” kabi dostonlarning mohir ijrochisidir. Har bir inson bolaligidan boshlab o‘zi bilmagan holda katta odamlarning e’tibori qaratilgan mo‘‘jizaviy mavjudotga aylanadi. Kattalar unga ism qo‘yadilar, beshikka belaydilar,allalar aytadilar,qo‘lchalariga ovoz chiqaruvchi o‘yinchoqlar tutqazishadi. Bir oz gap eshitadigan bo‘lgani zahoti ovunmachoqlar aytishadi. Keyinchalik esa farzand topishmoqlar, ertaklar, qo‘shiqlar olamiga kirib xalq rasm – rusumlari, og‘zaki ijodi og‘ushida ulg‘aya boradi. Xalq qadim zamonlardan farzandlarning ma’naviy va jismoniy tarbiyasiga alohida e’tibor bilan qaragan. Agar allalar,ertaklar uning ma’naviy dunyosini boyitsa, turli o‘yinlar: quvlashmachoq, bekinmachoq, chillak, varrak uchirish kabilar
8
jismonan chiniqtirgan. Yosh bolalar alohida e’tiborga loyiq xalqlarda esa ular uchun maxsus so‘z namunalari yaratilgan. O‘zbeklar ana shunday xalqlar qatoridan munosib o‘rin oladilar. Tez aytishlardan tortib allalargacha, topishmoqlardan tortib sanamachoqlargacha bevosita yosh avlod tarbiyasiga bag‘ishlangan bolalar folklori janrlarini, namunalarini tashkil etadi.
Mahalliy uslubida ijro etishda hududga xoslikga amal qilinadi. Qo‘shiqlar va harakatlarda shevaga xos so‘zlarni ishlatish, qo‘shiqqa va mahalliy uslubga xos bo‘lgan raqslarni sahnalashtirish, mahalliy liboslarni tanlash, liboslar turlarini ajrata olish, mehnat kiyimlari, bayram va sayl kiyimlari, mavsumiy kiyimlar orasidagi farqlarni bilish va tahlil eta olish tavsiya etiladi. Har bir hududning o‘z uslublari mavjud. Ularning kiyimlari yoki qo‘shiqlariga qarab qaysi uslubda kuylashgani va qaerdan ekanliklarini bilib olsa bo‘ladi. O‘rta Osiyo xalqlarining kiyim-kechaklari ko‘p asrlik tarixga ega.Xar bir elat va etnik guruxlarning o‘ziga xos xususiyatli bosh oyoq kiyimlari bo‘lsada mintaqada yashovchi entoslar umumiy xarakterdagi sarpo mavjudligi, ularning tarixiy taqdiri madaniyati uzoq davr bilan o‘zaro yaqin bo‘lganligidan dalolat beradi. Mehnat va bayram kiyimlari. Ayollar ko‘ylagining yoqasi vertikal yirmonchi kesilgan bo‘lib, ko‘p joylarda butun bo‘yiga gulli jo‘yak tikilgan. Mahalliy uslublarda “Folklor” qo‘shiqlarini kuylaganda Xorazmda “Akardion”, “Dutor”, “Shiqildoq”, “Doira” kabi milliy cholg‘u asbobolaridan foydalanilsa, Buxoroda “Qayroq”, “Qoshiq”, “Angishvona”, “Tarelka” va turli xil shiqildoqlar, Surxondaryo va Qashqadaryo tomonlarda “Chanqovuz”, “Karnay”, “Surnay” va shu kabi milliy cholg‘u asboblaridan foydalaniladi. Shu bilan bir qatorda har bir hududning o‘z bayram kiyimlari bo‘ladi. Bayram kiyimlari, Sayl kiyimlari, Mavsumiy kiyimlar, Ularning farqi, kiyimlarning vazifalari, mehnat va bayram kiyimlari, ayollar ko‘ylagining yoqasi vertikal yirmonchi kesilgan bo‘lib, ko‘p joylarda butun bo‘yiga gulli jiyak tikilgan.
Download 420.97 Kb. Do'stlaringiz bilan baham: |
ma'muriyatiga murojaat qiling