Belgilab qo‘yilishicha

Sog‘liqni saqlash vazirligi tuzilmasidagi tashkilotlarda autsorsingga o‘tkaziladigan xizmatlar ro‘yxati
1. Notibbiy xizmat turlari:
mijozlarni ovqat bilan ta'minlash;
kir yuvish xizmati;
bino va inshootlarni saqlab turish, shuningdek, ularni muhandislik- texnik tizimlariga xizmat ko‘rsatish va ta'mirlash.
2. Tibbiy xizmat turlari:
tibbiy buyumlarni zararsizlantirish.
Sog‘liqni saqlash vazirligi tuzilmasidagi tashkilotlarda autsorsing xizmatlari ko‘rsatish tartibi to‘g‘risidagi nizomga ko‘ra, buyurtmachi xizmatlarini autsorsingga o‘tkazishda quyidagi shartlarga rioya qilishi shart:
autsorserni qonun hujjatlari asosida tanlab olish;
autsorserga o‘tkaziladigan ishlar (xizmatlar) sifatini oshirish;
buyurtmachining autsorserga beriladigan ishlar (xizmatlar)ni bajarish bilan band bo‘lgan xodimlar sonini (shtatini) qisqartirish.
Sog‘liqni saklash vazirligi tuzilmasidagi tashkilotlar xizmatlarini autsorserga o‘tkazilishida ularning iqtisodiy samaradorligini oshirish va xo‘jalik faoliyati xarajatlarini qisqartirish, faoliyatining asosiy bo‘lmagan turlarini rivojlantirish uchun investitsiyalarga bo‘lgan ehtiyojini kamaytirish hamda autsorserga berilgan ishlar (xizmatlar)ning sifatini oshirishi lozim.
Autsorser xodimlarining buyurtmachiga tegishli hududga belgilangan tartibda oldindan taqdim etilgan ro‘yxat asosida kirishiga ruxsat beriladi.
Autsorsing xizmatini ko‘rsatish jarayonida maxfiylik tartibiga rioya etish buyurtmachi tomonidan ta'minlanadi.
Autsorsing xizmatlariga (mijozlarni ovqat bilan ta'minlash xizmatidan tashqari) haq to‘lash miqdorlari Sog‘liqni saqlash vazirligi tuzilmasidagi tashkilotlar tomonidan tegishli xizmat tannarxiga (ish haqi, ish haqiga ajratma, moddiy xarajatlar, bilvosita xarajatlar) autsorserning xarajatlarini qoplash maqsadida 20 foizgacha ustama haqni hisobga olgan holda belgilanadi.
Autsorsing bo‘yicha ovqatlanishni tashkil etish xizmati narxi Sog‘liqni saqlash vazirligi tomonidan belgilangan bir bemorga bir kunlik ovqatlanishning normasidan kelib chiqqan holda Qoraqalpog‘iston Respublikasi Vazirlar Kengashi, Toshkent shahar va viloyatlar hokimliklari tomonidan belgilanadigan oziq-ovqat mahsulotlarining eng yuqori narxlardan oshmaydigan narxlariga autsorserning xarajatlarini qoplash maqsadida 20 foizgacha ustama haqni hisobga olgan holda belgilanadi.
Maktabgacha ta'lim vazirligi
Танловда иштирок этиш учун умумий овқатлантириш корхоналари қуйдаги ҳужжатларни илова қилган ҳолда ариза бериши талаб этилади:
1. Бюджетдан қарздорлиги бор йўқлиги тўғрисида маълумот;
2. Банкдан айланма маблағлари тўғрисида маълумот;
3. Корхонанинг балансида (бино иншооти, авто машиналари, санитария талабларига жавоб берадиган озиқ-овқат маҳсулотларини ташиш учун мўлжалланган машиналари, ишлаб чиқариш жиҳозлари) агар ижарада бўлса ижара шартномаси;
4. Корхонанинг куз-қиш мавсумига асосий турдаги қишлоқ хўжалиги маҳсулотларини заҳира қилишга имконияти (омборлар ва совутгичли сиғимлари) мавжудлиги;
5. Корхонанинг озиқ-овқат маҳсулотларини сақлашга мўлжалланган омборхонаси, гўшт маҳсулотлари, сут ва сут маҳсулотларини сақлаш учун совутгичлар билан таъминланганлиги;
6. Мактабгача таълим муассасасида аутсорсинг усулида соғлом овқатлантиришни ташкил этиш юзасидан лойиҳавий таклиф. Бунда аутсорсинг усулида шу кунгача фаолият юритиб келаётган бўлса қилинган ишлар бўйича тақдимот, агар аутсорсинг усулида фаолият юритмаган бўлса келажакда қилинадиган ишлар бўйича истиқболли режа тақдимоти. Тақдим этилган маълумотлар хаққонийлиги комиссия томонидан ўрганиб чиқилади;
7. Таомлар тайёрлаш технологияси бўйича мутахассислар (умумий овқатлантиришни ташкил этиш бўйича инженер– технолог, диетолог) мавжудлиги, 3-7 ёшли тарбияланувчиларга мўлжалланган 10 кунлик намунавий таомнома ва таомномада келтирилган таомлар технологик харитаси мавжудлиги;
8. Ошпазлар малака разрядлари сони (энг камида 3 разрядли) билан таъминланганлиги тўғрисида маълумотлар;
9. Умумий овқатлантиришни ташкил этиш бўйича инженер– технолог, диетолог ҳамда ошпазлар корхонда фаолият юритишини тасдиқловчи ҳужжатлар (буйруқ дафтари, буйруқдан кўчирма);
10. Санитария қоидалари, нормалари ва гигиена нормативларига амал қилинишини таъминлаш бўйича белгиланган тадбирлари;
11. Лотда белгиланган мактабгача таълим ташкилотларидаги тарбияланувчилар сонидан келиб чиқиб, уларни овқатлантириш учун бир ойлик харажатлар (бизнес режа);
12. Ошхона ва ошхона жиҳозларини таъмирлаш, майда инвентарлар, ошпазлар униформаси, ошхонада ишлатиладиган зарарсизлантириш ва ювиш воситалари учун харажатлар сметаси.

Қайта ташкил этилаётган, тугатилаётган ёки банкрот бўлаётган, мол-мулки хатланган даъвогарларнинг танловда иштирок этишига йўл қўйилмайди.

Корхоналар тақдимотида болалар таомлари тақдимоти, ошпазларнинг униформалари, ошпазларнинг таом тайёрлаш технологияси бўйича билимлари алоҳида баҳоланади.
Танловда қатнашиш учун таклифлар 2019 йилнинг 1-10 июль кунлари соат 10:00 дан 17:00 гача Мактабгача таълим вазирлигининг мактабгача таълим муассасаларида соғлом овқатлантиришни ташкил этиш бўлимида қабул қилинади (белгиланган муддатда берилмаган таклифлар инобатга олинмайди).
Танлов Мактабгача таълим вазирлигининг Мажлислар залида 2019 йил 12-15 июль кунлари Танлов комиссияси томонидан ўтказилади.

Манзил: Тошкент шаҳри, Юсуф Хос Ҳожиб кўчаси, 76-уй.

Телефон: [phone].
Электрон манзил: [e-mail]
Веб саҳифа манзили: www.mdo.uz