Parallel o’lshem siziqlari o’lshem sizig’inda og’an parallel bolg’an kontur, oq, oray ha’m shig’ariw siziqlarina shekem bolg’an araliq 6/10 mm (5 mm den kem emes) boliwi za’ru’r. 4. O’shem sanlari sizilmanin’ qanday masshtabta ha’m qanshelli aniq siziliwina qaramastan, su’wretlengen buyimnin’ haqiyqiy o’lshemin bildiriwi kerek. Sizilmada siziqli o’lshemler millimetr esabinda, o’lshem birligi ko’rsetilmegen halda ko’rsetiledi. O’shem sanlari ushin apiwayi bo’lshekler isletilmeydi. 5. Mu’yeshlerin o’lshewde o’lshem sizig’i sipatinda sol mu’yesh ushinan sizilatug’in dog’adan paydalaniladi, shig’ariw siziqlari bolsa radial qilip siziladi. Shen’ber yaki o’shemin ko’rsetiw ushin o’lshem u’stine ∩ belgi qoyiladi. 6. Profili iymek siziqli detallardin’ o’lshemleri to’mendegi sizilmada ko’rsetilgendey qoyiladi. 7. Shen’ber toliq yaki derlik sizilg’anina qaramastan, onin’ o’lshem sizig’in shen’ber orayinan bir az o’tkizip u’zip ko’rsetiw mu’mkin. Sizilmada buyimnin’ bir bo’legi u’zip ko’rsetilse, o’lshem siziqlarin u’zbesten toliq ko’rsetiledi. 8. O’lshem sanlari o’lshem sizig’i u’stine, ilaji barinsha onin’ ortasina qoyiladi. 9. Diametr o’lshemin ko’rsetiwshi san aldinda ha’mme jag’daylarda Øbelgisi ko’rsetiledi. 10. Diametr o’lshemi shen’ber ishinde ko’rsetilgen jag’daylarda o’lshem sani o’shem sizig’i ortasinda birar ta’repke jiljitilip siziladi. 11. Siziqli o’lshemlerdin’ o’lshem siziqlari ha’r qiyli qiyaliqta sizilg’an bolsa, o’lshem sanlari to’mendegi sizilmada ko’rsetilgendey jaziladi. 12. Mu’yeshlerinin’ o’lshemi joqaridag’i su’wrette ko’rsetilgendey qoyiladi. Bunda o’lshem sani o’lshem u’stine ha’m sol siziqqa parallel qilip, ortasina jaziladi. 13. Strelkalardi qoyiw ushin jay jeterli bolmag’an jag’daylarda o’lshem sizig’ina ko’rinetug’in noqat yaki 45 gradus astinda o’tkiziletug’in shtrixlar menen belgi qoyiladi. Radius o’lshemi sani aldinda R bas ha’ribi qosip jaziladi.
Do'stlaringiz bilan baham: |
