Berdaq nomidagi qoraqalpoq davlat universiteti tulepbergen qayipbergenov hayoti va ijodi

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI
BERDAQ NOMIDAGI QORAQALPOQ DAVLAT UNIVERSITETI


TULEPBERGEN QAYIPBERGENOV
HAYOTI VA IJODI


Bo‘yicha dastur va uslubiy qo‘llanma


Nukus- 2020
Ushbu fakultativ o‘quv dasturi O‘zbekiston Qahramoni, O‘zbekiston va Qoraqalpog‘iston Xalq yozuvchisi To‘lepbergen Qayipbergenovning hayoti va ijodini oliy ta’lim muassasalarida o‘qitish uchun ishlab shiqilgan. Dasturda T.Qayipbergenov hayoti va ijodining barcha jabhalari qamrab olindi. Uning qismlarida T.Qayipbergenov hayoti va faoliyatiga doir ma’lumatlar aniq manbalar asosida yoritib berilgan. Shuningdek yozuvchining ilk hikoyalaridan tortib qissa, roman, roman-diologiya, roman-trilogiya, esse, drama yaratishdagi mahorati, poetik olami tadqiq qilingan. Qo‘llanma nofilologik guruhlarda ta’lim olayotgan talabalarning o‘quv dasturlariga mos ravishda ixcham va sodda shaklda yozilgan.
Mazkur dastur Prezident Sh.Mirziyoyevning ko‘rsatmasiga muvofiq Toshkent shahrida “Adiblar xiyoboni”da byusti o‘rnatilgan T.Qayipbergenovning hayoti va ijodini o‘rganish yuzasidan o‘quv mashg‘ulotlarini olib boruvchi oliy ta’lim muassasalarining professor-o‘qituvchilari uchun mo‘ljallangan.


Tuzuvchi: P.Nurjanov
Berdaq nomidagi Qoraqalpoq davlat
universiteti dotsenti, f.f.d. (DSc)
Mas’ul muharir: Sh.Sirojiddinov, f.f.d., prof.


Taqrizchilar: Q. Jarimbetov,
filologiya fanlar doktori, professor,
Qoraqalpog‘iston Respublikasida xizmat
ko‘rsatgan fan arbobi
M.Bekbergenova
filologiya fanlari nomzodi,
Ajiniyaz nomidagi Nukus davlat pedagogika
instituti dotsenti


I. KIRISH

Tulepbergen Qayipbergenov hayoti va ijodini o‘qitish bo‘yicha dastur oliy ta’lim muassasalari uchun mo‘ljallangan. Unda mazkur kursning maqsadi, vazifalari va mazmuni ifodalangan bo‘lib, T.Qayipbergenov hayoti va ijodi, siyosiy-ijtimoiy faoliyati, uning badiiy saviyasi yuqori qissalari, romanlari, dramalari, publitsistik faoliyoti va hakozo ishlari yoritilgan. Ularni talabalarning ongiga singdirish dasturda belgilangan mavzular bo‘yicha o‘tiladigan turkum mashg‘ulotlar orqali amalga oshiriladi.