Berkinov b. B., Yakubov I. O., Sunnatov m. N. Institutsional iqtisodiyot

 
 

---

93 
10 bob. DAVLAT INSTITUTSIONAL TASHKILOT SIFATIDA 
ASOSIY KO’RILADIGAN MASALALAR: 
1. Davlatning funktsiyalari 
2. Davlatning institutsional tabiati 
3. Davlatning mohiyati va uning ta’rifi 
4. Davlatning shartnomaviy va ekspluatatorlik kontseptsiyasi 
5. Davlatning “muvaffaqiyatsizliklari” 
6. Davlat va “printsipal-agent” muammosi 
7. “Shartnomaviy” davlat tushunchasi 
8. “Ekspluatatorlik” davlati tushunchasi 
9. Davlat xususiyatini baholash usullari va mezonlari 
10. Korruptsiya muammosi 
MAVZUGA DOIR TAYANCH IBORALAR 
 Ushbular mavzu mohiyati, uning o’rganilayotgan kursdagi o’rni va 
ahamiyati haqida aniq tasavvurga ega bo’lishingizga yordam beradi.
 Esda tuting! 
Davlat – bu chegaralari uning fuqarolarga soliq solish qobiliyati bilan 
belgilangan jug’rofiy hududga joylashgan, hukmini amalga oshirishda qiyosiy 
ustunlikka ega bo’lgan tashkilot. 
Byurokratik renta – bu o’zining lavozim mavqeidan noqonuniy tarzda 
daromad olish uchun foydalanuvchi davlat amaldori tomonidan olingan daromad 
(masalan, pora, sovg’alar va h.k.). 
Byurokratiyaning iqtisodiy nazariyasi – bu ijtimoiy tanlov nazariyasining 
yo’nalishlaridan biri bo’lib, u qimmatbaho ne’matlarni ishlab chiqarmaydigan va 
daromadlari o’z faoliyatining natijalarini sotish bilan bog’liq bo’lmagan 
tashkilotlarning faoliyat ko’rsatishini o’rganadi. 
Davlat buyurtmasi – davlat tomonidan muayyan maxsulot turini
tayyorlash va uni iste’molchiga yetkazib berish, ishlab-chiqarish va
ilmiy tadqiqot xarakteridagi ma’lum ishni bajarish bo’yicha korxona va
xo’jaliklarga beriladigan topshiriq. 

---

94