22-statya. Jetim balalardı hám ata-analarınıń yamasa olardıń basqa nızamlı wákillikleriniń qáwenderisiz qalǵan balaların oqıtıw
Jetim balalardı yaki ata-analarınıń yamasa basqa nızamlı wákillikleriniń qáwenderisiz qalǵan balalardı oqıtıw hám olardı baǵıw mámlekettiń tolıq támiynleniwi tiykarında nızam aktlerinde belgilengen tártipte ámelge asırıladı.
23-statya. Fizikalıq yamasa ruwxıy rawajlanıwında kemisligi bolǵan balalar hám óspirimlerdi oqıtıw
Fizikalıq yamasa ruwxıy rawajlanıwında kemisligi bolǵan, sonday aq uzaq waqıt emleniwge mútáj balalar hám óspirimlerdi oqıtıw, olardı tárbiyalaw, emlew ushın arnawlı bilimlendiriw mákemeleri shólkemlestiriledi. Balalar hám óspirimlerdi usı bilimlendiriw mákemelerine jiberiw yaki olardan shıǵarıw ata-analarınıń yamasa basqa nızamlı wákilleriniń ırazılıǵı menen
psixologiyalıq-medicinalıq-pedagogikalıq komissiyanıń juwmaǵına muwapıq ámelge asırıladı.
Arnawlı bilimlendiriw mákemeleriniń oqıwshıları jartılay yamasa tolıq túrde mámleket támiynleniwinde boladı.
24-statya. Sociallıq járdemge hám tikleniwge mútáj bolǵan adamlar ushın oqıw-tárbiya mákemeleri
Ayrıqsha sharayatlarda tárbiyalanıw hám oqıwǵa mútáj balalar
menen óspirimler ushın olardıń bilim alıwın, kásipke tayarlıǵın, sociallıq tikleniwin támiynleytuǵın arnawlı oqıw-tárbiya mákemeleri shólkemlestiriledi.
Erkinliginen ayırılǵan túrdegi jazanı orınlaw mákemelerinde saqlanıp atırǵan adamlardıń bilim alıwı hám óz betinshe bilim alıwı ushın nızam aktlerinde belgilengen tártipte sharayatlar jaratıladı.
Do'stlaringiz bilan baham: |