Bilimlendiriw ministrligi ájiniyaz atíndaǵÍ NÓkis mámleketlik pedagogika institutí magistratura bólimi

3-bap. Ámeliy bólim

MSOffice 2013programmasın ornatıw hám programma imkaniyatları

3. 1. Microsoft Office 2013 - «MsOfficeTutor» — ınteraktiv, multimedialı oqıtıw sistemasın qollanıw

«MsOffice Tutor» programmalıq támiynatı kompyuter paydalanıwshılarınıń «Microsoft Office» programmalar paketine kiretuǵın programmalardıń házirgi kúnde eń ǵalabalıq — 2013 versiyasın operativ hám nátiyjeli úyreniwinde zárúrli qural wazıypasın alıp baradı. Sonday-aq, «Microsoft Office» ofis programmaları bul baǵdardaǵı zamanagóy talap hám standartlarǵa juwap bere alatuǵın programmalar bolıp tabıladı.

Ózbekstan Respublikasında jeke kompyuterlerdiń kópshiliginde áyne «Microsoft Office» ofis programmalarınan paydalanıladı. Bul programmalar paketiniń standart kórinisi (Oǵan Ms Office Visio hám Ms Office SharePoint Designer kiritilmegen) járdeminde ápiwayı tekstli hújjet jaratıwdan baslap, paydalanıwshı maǵlıwmatlar bazası, elektron keste, veb-xızmetler ushın formatlar, statikalıq veb saytlar hám quramalı multimedialı prezentaciyalarǵa shekem jaratıw múmkin.
Sonday eken, hár bir kompyuter hám informaciya resursları paydalanıwshısı aldında bul ofis programmaları paketin úyreniw hám onıń múmkinshiliklerinen óz maqsetleri jolında ónimli paydalanıw maqseti turadı.
Házirgi kúnde qandayda bir programmalıq támiynat, atap aytqanda, Microsoft Officening múmkinshilikleri, funkciyaları menen tanısıw hám paydalanıwdiń bir neshe usılları bar.
1-usıl. Programmada islewdi Ózbekstanda iskerlik júrgizip atırǵan kóplegen kompyuter kursları yamasa oqıw oraylarında arnawlı sabaqlarǵa jazılǵan halda, háptede bir neshe kún qatnap úyreniw.
Ádetde, úyrenilip atırǵan programma quramalılıǵı hám kólemine baylanıslı túrde, kurslar 2-4 ay dawam etedi.
Qolaylıqları:
1. Tuwrıdan-tuwrı kompyuterde islegenińiz ushın temanı túsiniwińiz ańsat boladı.
2. Sabaq processinde qandayda bir soraw tuwılsa, biymálel oqıtıwshınan sorap, anıqlıq kiritip alıwıńız múmkin.