Biokimyo va molekulyar biologiya

Fruktozaga xos bo’lgan Selivanov reaksiyasi. 
Fruktoza xlorid kislota bilan qaynatilganda oksimetilfurfurol hosil bo’ladi va 
bu birikma rezortsin bilan olcha rangli qizil rang hosil qiladi. Aldozalar bilan reaksiya 
juda sekin boradi, shuning uchun Selivanov reaksiyasini ketogeksozalar uchun xos 
bo’lgan reaksiya deb yuritiladi. 
Reaktivlar: a) 0,5% li fruktoza, b) Selivanov reaktivi: 0,05 g rezortstin 100 ml 
20% li xlorid kislotada eritiladi. 
Ishning bajarilishi: 1 ml Selivanov reaktiviga 1-2 tomchi fruktoza eritmasidan 
qo’shiladi va qaynab turgan suv hammomida 1 daqiqa davomida qaynatiladi. 
Natijada olcha rangli qizil rang hosil bo’ladi. 
Ketozalar uchun karbazol bilan boradigan reaksiya 
Ketozalar uchun xos bo’lgan Selivanov reaksiyasi kabi, bu reaksiya ketozalar 
uchun spetsifik xarakterga ega. 
Reaktivlar: a) 2,2% li fruktoza eritmasi, b) L-sistein xloridning 2,4% li 
eritmasi, v) karbazolning 0,1% li spirtli eritmasi, g) sulfat kislotaning 75% li eritmasi 

---

26 
Ishning bajarilishi: 0,1 ml fruktoza eritmasiga 2,4% li sistein eritmasidan va 6 
ml 75% li sulfat kislotadan qo’shiladi. Aralashma yaxshilab chayqatiladi va tezda 0,2 
ml 0,1% li karbozolning spirtli eritmasidan qo’shiladi. Bir necha daqiqadan keyin 
qizil yoki binafsha rang hosil bo’ladi. 
Fruktoza uchun mochevina bilan boradigan reaksiya 
Reaktivlar: a) fruktozaning 2% li eritmasi, b) mochevinaning kukuni, v) 
konsentrlangan xlorid kislota 
Ishning bajarilishi: chinni likopchaga 0,5-1 g mochevina sepiladi va uning 
ustiga 5-6 tomchi konsentrlangan xlorid kislotadan va 2-3 tomchi fruktoza 
eritmasidan qo’shiladi. Mochevinani eritish uchun likopcha sekinlik bilan 
chayqatiladi, keyin qaynab turgan suv hammomiga qo’yiladi. 10-15 daqiqadan keyin 
feruza ko’k rangli halqa hosil bo’ladi. Bu reaksiyada aldogeksozalar qizil rang, riboza 
va boshqa aldopentozalar sariq rang hosil qiladi.