Bir adamdi bir adam

BIR ADAMDI BIR ADAM

Qanday jaqsi biradar

Adamzattin’ ju’regi

Bir adamdi bir adam

Janday jaqsi ko’redi.

Bir adamdi bir adam

Su’yip qalar tanissa

Bir adamdi bir adam

Sag’inadi alista.

Ketse birew aradan

Birew joqlap jilaydi

Bir adamnan bir adam

Barip ken’es soraydi.

Oq atilsa birewge

Jan tigip girewge

Jetip barar su’yewge

Bir adamdi bir adam.

Na’psin tiyip nan berer

Tamirinan qan berer

Kereginde jan berer

Bir adamg’a bir adam.

Okeannan armaga’an

Azap shekse Korvalan

Gu’res penen qorg’ag’an

Bir adamdi bir adam.

Jaqsiliq o’sip o’nerme

Milliondi million su’yerme

Su’ymegende egerde

Bir adamdi bir adam.

Iship miyrim kasasin

Tas ju’rekler bosasin

Ba’rhama su’yip jasasin

Bir adamdi bir adam. Ibrayim Yusupov