Bitiruvchilarga tabrik

БИТИРУВЧИЛАРГА ТАБРИК

Ассалому алайкум унитилмас, фарахбахш кунинг азиз меҳмонлари. Йиллар одимлаб ўтиб бораяпди. Бу бизнинг босажак қадамларимизни фақат яшилик манзили томон босмоғимиз белгисидир.

Инсон туғилиб вояга етиш билан биргаликда ўз орзу-мақсадлари оғушида яшайди. Мана бугун ҳам энг катта ҳаёт йўлига кузатиш мақсадида “Битирувчи ёшларимиз”ни қутлаб турибмиз.
Азиз битирувчи ёшлар! Сиз оқ йўлли тилаклар билан оқ қуш бўлиб парвоз қилмоқдасиз. Биз катталар сизлардан фақат езгуликни кутиб яшамоқдамиз. Коллежда олган билим ва кўникмаларингизни Ватанни улуғлашга, инсон қадр-қимматини қадрлашга, ҳалол меҳнат қилишга сарфлайсиз деган ишончдамиз. Умидли ёшлар сиз буюк юрт фарзандисиз. Келажак албатта сиз ёшларни қўлида. Бунинг натижаси албатта садоқат билан ўлчанади. Ўз Ватанига, яқинларига, ҳамда ўз касбига садоқатли бўлиб яшаш ҳар биримизнинг садоқатли бурчимиз еканлигини унутмайлик! Азиз битирувчиларим! Қанотли кабутарларим! Бугунги битирув оқшомингиз муборак бўлсин! Сизга ҳаёт йўлингизда ОҚ ЙЎЛ тилаймиз. Барча орзу умидларингизга албатта етинг! Соғ-омон, бахтли ҳаёт егаси бўлиб яшанг.

Қутлайман беғубор битирувчиларим,

Орзулар бугундай йўлдош бўлади.
Парвозлар доимо юксакда бўлсин,
Бу йўлда ҳамроҳинг бардош бўлади.

Дилимда борини айтайин тилда,

Шу азиз даргоҳда олгансанг билим.
Иқболинг офтоби чарақлаб доим,
Олгину олдирма синглиму-иним.

Порласанг порлайди устозинг кўзи,

Бу ҳаёт жумбоғин ечмоғинг керак.
Сарҳисоб бўлади уч йилинг бугун,
Бесамар онлардан кечмоғинг керак.

Умидли ғунчасан суяр тоғинг бор,

Болажон султоннинг еркаси ўзинг.
Устозлар дуоси қўллар туну-кун,
Мустақил ватаннинг ертаси ўзинг.