Берилган топшириқнинг рақами ва бино бўлинмаларининг жойлашиш тарҳи бўйича икки қаватли бинонинг конструктив қисмларини мукаммал таҳлил қилган ҳолда архитектуравий–конструктив лойиҳасини тузиш керак.
Заводларда тайёрланган намунавий ва стандарт конструкциялар ва деталлардан (қаватлараро ёпмалар, сарбасталар, пардадевор панеллари, дераза ва эшик блоклари ва б.) фойдаланиб, бинони ғишт ёки майда донали тошлардан иборат юк кўтарувчи деворли бикр каркассиз конструктив схемада лойиҳалаш керак.
Бинони лойиҳалашда қурилиш ҳудудининг табиий-иқлимий шароитлари хусусиятларини ҳисобга олиш зарур.
|
Бино ва унинг баъзи элементларининг зилзилабардошлигини таъминлашга (чокларнинг борлигига, кўндаланг деворлар ёки уларни темирбетон рамалар билан алмаштириш ва улар орасидаги масофаларга, эшик ва дераза ўринларининг кенглиги ва простенкалар ўлчамларига, деворнинг дўнг жойларига, бўғотнинг чиқишига ва б.) алоҳида эътибор бериш керак.
Чизмалар ва шартли график белгиларни расмийлаштириш ва тушунтириш хатини тузишда курс ишини услубий кўрсатмада баён қилинган топшириқ ва талаблар асосида таёрлаш керак.
|
График қисми:
1. Қаватлар тарҳлари М1:100 ёки М1:200. Агар тарҳлар М1:200 масштабда бажарилса, унда тарҳлар фрагментларини мукаммал ишлаб ҳамма зарур ўлчамларни қўйган ҳолда алоҳида чизиш керак (масалан, санузел тарҳи ёки бошқа кичик хоналар ва б. М1:50) .
2. Кўндаланг қирқим М1:100.
3. Олд ва ён тарзлар М1:100, варақга сиғмаган ҳолда фақат олд тарз чизилади.
4. Қаватлараро ёпма, том ва том қопламаси тарҳлари М1:100 ёки М1:200.
5. Бош тарҳ М 1:500 ёки М 1:1000
|
6. Бинонинг конструктив элементлари учун қабул қилинган антисейсмик чоралар кўрсатилган ишчи чизмалари (3 – 4 та деталлар ва тугунлар) М1:10 ёки М1:20 масштабда бажарилади.
Лойиҳанинг график қисми А2 (594х420мм) форматда 3-4 (А1 2 та) та варақ ватман чизма қоғозига чизмачилик қоидаларига асосан қалам билан ёки AutoCAD дастурида чизилади.
|
