Бухгалтерия хисоби

Мулкнинг бутлигини таъминлаш. Бухгалтерия ҳисобини тўғри йўлга қўйиш мулкнинг бутлигини таъминлаш, турли хилдаги йўқотишлар ва талон-тарожларнинг олдини олишга олиб келади. Бунинг учун корхонада барча шарт-шароитларни яратиш лозим: омборхоналар, назорат-ўлчаш асбоблари, ўлчаш идишлари ва бошқалар.
Ушбу функцияни амалга оширишнинг асосий омили бўлиб, ўз вақтида ва белгиланган тарбида инвентаризация ўтказиш, уларнинг натижаларини бухгалтерия ҳисобда акс эттириш ҳисобланади.
Таҳлилий функция. Ишончли ва ҳуқуқий асосланган ахборот корхона молия-хўжалик фаолиятини таҳлил қилишда ишлатилади. Таҳлил бу қабул қилинган қарорлар натижасида эришилган ютуқ ва камчиликларни ўрганиш ҳамда у орқали натижаларни янада яхшилаш мақсадида ички–ташқи омилларни излаш жараёнидир.
Ҳисоб функцияси корхона хўжалик фаолияти ҳужжатлар асосидаги ялпи, узлуксиз ва ўзаро боғланган ифодасидир.
Бухгалтерия ҳисобига бир нечта талаблар қўйилади, улар қуйидагилардан иборат:
Ҳисобнинг содда ва тушунарли бўлиши. Содда ва ҳамма учун тушунарли ҳисобни ташкил этишдан асосий мақсад уни мураккаблашувига йўл кўймаслик, ҳамда ҳисоб маълумотларидан кенг халқ оммаси фойдалана олишини таъминлашдан иборат.
Ҳисобнинг режалилиги. Бу талаб юқорида айтиб ўтилган соддалик талаби билан чамбарчас боғлиқдир. Ҳисобда албатта зарурий маълумот ва кўрсаткичларга эга бўлган ҳолда, ҳисоб юритиш харажатларини иложи борича камайтириб бориш лозим.
Ҳисобнинг аниқ ва тўғрилиги. Бу талаб негизида хўжалик фаолиятларида кузатиш натижасида олинган маълумотларни ҳужжатларда аниқ ва тўғри қайд этиш тушунилади.
Ҳисоб ишларини ўз вақтида амалга ошириш, яъни ҳисоб ишларига тааллуқли ҳар қандай ҳодиса содир бўлганда, албатта ўз вақтида ҳужжатларда акс эттирмоқ зарур.
Ҳисоб кўрсаткичлари билан режа кўрсаткичлари бирлиги. Корхона, муассаса, ташкилотларда мулкчилик шаклидан қатъий назар ўз олдига жорий ва келгуси режа кўрсаткичларини тузиб олади. Худди шу кўрсаткичлар билан ҳисоб кўрсаткичлари бирлиги катта аҳамият касб этади.

4.