Buxoro davlat pedagogika instituti n. A. Baxriyeva umumiy psixologiya

 
Taqrizchilar: 
Halimov E.Z. – Psixologiya fanlari nomzodi, dotsent
Muxtorov E.M. – Psixologiya fanlari nomzodi, dotsent 
 
ISBN: 978-9943-9017-9-8 
 
Ushbu darslik O‘zbekiston Respublikasi Oliy va O‘rta maxsus ta’lim 
vazirligining 2022 yil 9-sentyabrdagi 302-sonli buyrug‘iga asosan 
nashr etishga ruxsat berilgan 
 
 
 
© “KAMOLOT” nashriyoti 
© Baxriyeva Nargiza Axmadovna
 
 

---

3 
KIRISH 
 
Respublikamizdagi uzluksiz ta’lim tizimi strategiyasi, taraqqiyoti, 
xalqimizning boy ma’naviy merosi va umuminsoniy qadriyatlari, 
madaniyat, iqtisod va fan-texnikalarda erishilgan yutuqlari negizida 
barcha davlat tuzilmalari va jamiyat tashkilotlari oldiga oliy 
pedagogik maktablar, shuningdek, psixologiya fanlarining ham 
pedagogik kadrlar tayyorlash tizimi va ta’lim islohotlarini hayotga 
tadbiq etishni jonlantiruvchi asosiy vazifalarini belgilab bergan. 
Aynan mazkur masalalarni keng doirada tadbiq qilish zamon 
talablariga javob bera oladigan, raqobatbardosh kadrlarni tayyor-
lashdan iboratdir. Albatta, buning uchun insonlar psixologiyasini 
bilish, ularda kechadigan psixologik o‘zgarishlarni anglagan holda 
yondashishni talab qilmoqda. Bu jarayonda o‘z navbatida psixologik 
bilimlarga bo‘lgan ehtiyojning ortib borishini ko‘rishimiz mumkin. 
Chunki insonlar haqidagi bilimlarni qo‘lga kiritish uchun, avvalo, 
psixologik bilimlardan xabardor bo‘lish lozim. Shu bois yozilgan 
darslik shaxs psixologiyasiga doir dastlabki bilim, ko‘nikma va 
malakalarni tushuncha va tasavvurlarni hosil qilishga yordam beradi. 
Har tomonlama yetuk barkamol avlodni tarbiyalash, ularga 
ta’lim berish ishlarini o‘qituvchilar amalga oshiradilar. Shuning 
uchun bo‘lg‘usi psixologlar hozirgi pedagogika oliy o‘quv yurti 
talabalari umumiy psixologiya, yosh davrlar psixologiyasi, pedagogik 
psixologiya fanlarini chuqur bilishlari maqsadga muvofiq. Umumiy 
psixologiya fanidan yozilgan darslik mazkur masalalarni o‘zida 
qamrab oladi.