Buxoro davlat tibbiyot instituti ichki kasalliklar va endokrinologiya kafedrasi

Fan bo‘yicha talabalarning tasavvur, bilim, ko‘nikma va malakalariga qo‘yiladigan talablar
Talabalar:

• 
  Endokrin bezlarni funksional-tarkibiy tuzilishining zamonaviy savollari hakida, endokrin kasalliklarni zamonaviy funksional diagnostik usullari haqida, endokrinologiya fani va uning masalalari, , endokrinologiyani tarixi, perspektiv yo‘nalishi haqida tasavvurga ega bo‘lishi kerak. Talabalar:
  
• 
  Endokrin sistemaning anatomik-fiziologik tuzilishi haqida,
  

organizmda endokrin sistemasining boshqaruv turlari, o‘zaro bog‘liqligi va boshqarilishi haqida, asosiy endokrin kasalliklarni etiologiyasi, patogenezi, klinik kechishi haqida, keng tarqalgan endokrin kasalliklarni etiologiyasi va patogenezi, klinik va laborator - instrumental tashxisi, oqibati, asoratlari; endokrinologiyada shoshilinch holatlarda tez yordam ko‘rsatishni; homiladorlik davrida endokrin kasalliklarning kechishini bilishi kerak.

• 
  Kasallik tarixini tuzish va endokrin tizimini to‘liq baxolay bilish, qalqonsimon bez xajmlarini VOZ tasnifi orqali aniqlash, yoduriya buyicha endemiya og‘irlik darajalari bilish, turli sinamalar, rentgen, skannogrammalarni to‘g‘ri interpretatsiya qilish;
  
• 
  qalqonsimon bezni paypaslash, qonda va peshobda qand va atsetonni aniqlash, insulinni sutkalik dozasini hisoblash, semizlik darajasi va turini bilish uchun tana vazni indeksini hisoblash, bel aylanasini son aylanasiga nisbatini aniqlash, semizlikda va qandli diabetda parhezni ishlab chiqish, glyukoza-tolerantlik testini baholash malaka va ko‘nikmalariga ega bo‘lishi kerak.
  

Fanning o‘quv rejadagi boshqa fanlar bilan o‘zaro bog‘liqligi
va uslubiy jihatdan uzviyligi
Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviy ketma-ketligi Endokrinologiya fani klinik fan hisoblanib, 7-8 semestrlarda o‘qitiladi. Dasturni amalga oshirish o‘quv rejasida rejalashtirilgan tibbiiy-ilmiy (tibbiy biologiya va genetika, odam anatomiyasi, normal fiziologiya, patologik fiziologiya, gistologiya biologik kimyo) fanlardan etarli bilim va ko‘nikmalarga ega bo‘lishlik talab etiladi.