Buxoro Davlat Universiteti Filologiya va tillarni o`qitish (o`zbek tili) III “D” guruh talabasi Moxigul Qurbonovaning Iqtisodiyot nazariyasi fanidan tayyorlagan mustaqil ishi

O`zbekiston va Ispaniya

• O`zbekiston – Ispaniya o`rtasida 15-asrdayoq xalqaro aloqalar o`rnatilganligi, 1404-yilda Kastiliya qirolining elchisi Rui Gonsales de Klavixo Samarqandga kelgani va Amir Temur saltanati haqida esdaliklar yozgani tarixdan ma`lum.
• O`zbekiston mustaqillikka erishganidan keyin Ispaniya bilan savdo-iqtisodiy va madaniy-ma`rifiy sohalarda hamkorlik yo`lga qo`yila boshlandi. Ikki mamlakat rasmiy delegatsiyalarining o`zaro tashriflari chog`ida hamkorlikning shartnomaviy-huquqiy negizini yaratuvchi bir qancha hujjatlar kelishib olindi.

Savdo aloqalari

• Ikkala mamlakatning savdo-iqtisodiy aloqalari O`zbekistonning Yevropa Ittifoqi bilan munosabatlari doirasida rivojlanyapti. O`zaro Tovar aylanmasi 2000-yilda 1999-yilga nisbatan 1.9 baravar oshdi. O`zbekiston Ispaniyaga paxta tolasi, gazlama, kalava ip eksport qilsa, Ispaniyadan elektrotexnika va mexanika asbob-uskunalari, dori-darmon, qora metallar, plastmassa, keramika mahsulotlari sotib oladi.

Xalqaro aloqalar

• Ispaniya kompaniya va firmalari bilan hamkorlik sohasida Buxoro viloyati suv ta`minoti tizimini takomillashtirishga kirishildi. 15mln yevro qiymatiga ega bo`lgan bu loyiha Ispaniya hukumatining imtiyozli va tijorat krediti hisobidan amalga oshiriladi.
• “O`zmevasabzavotuzumsanoatholding” kompaniyasi bilan “Altiyeri Vinikola” firmasi O`zbekistonda vino ishlab chiqaradigan “YANIS” qo`shma korxonasini barpo etdi. “O`zfarmsanoat” konserni bilan Ispaniyaning “Krupak” kompaniyasi bint va jarrohlik dokasi ishlab chiqaradigan korxona barpo etish uchun 7.9 mln yevro miqdorida pul sarfladi. O`zbekiston Respublikasida Ispaniya sarmoyasi ishtirokidagi 11 ta korxona tashkil etilgan.

 

Rasmiy ma`lumotlarga qaraganda ayni paytda Ispaniya aholisining har to`rtinchisi, ya`ni 5mln 700ming kishi ishsiz. Joriy yilning aprel oyidan iyun oyigacha bo`lgan muddatda mamlakatdagi ishsizlik darajasi 24% ga oshgan. Bunday record ko`rsatkich mamlakatda so`nggi 40yildan buyon kuzatilmagandi. Mamlakatdagi yirik bank-moliya muassasalari qiyin ahvolga tushib qolgan. Masalan,joriy yilning dastlabki olti oyi davomida yuqori mavqega ega bo`lgan “CaixaBank” daromadlari 166mln yevroga, “Santander” bankining daromadlari esa 330mln yevroga qisqargani aytilmoqda. Ispaniya iqtisodiyoti ana shunday og`ir inqiroz holatini boshidan kechirayotgan paytda mutaxassislar vaziyatning yanada yomonlashishini taxmin qilishmoqda.