Buxoro Davlat Universiteti q ayd raqami Tasdiqlayman O‘quv ishlari bo‘yicha prorektor М. I. Daminov

Бошқарув психологияси фанининг предмети ва таркибий қисмлари
схемаси:

Буйсунувчилар, ҳодимлар имижини (образини) шакллантириш

Бошқарув мақсадлари ва функциялари.

Бошқарув психологияси фанини ўрганиш объектлари

Муассасалар ташкилий фаоли-ятининг психологик жиҳатлари, жабҳалари

Менежер ёки раҳбар ўрнини ва ролини баҳолаш



И жрони назорат қилиш-нинг психологик усуллари

Ташкилот бошқаруви бўйича қарорларни қабул қилиш моделлари ва услублари

Бошқарув фаолиятини режалаштириш ва уни мувофиқлаштириш

Ташкилот фаолиятининг самарадор-лигини оптималлаштириш

Бошқарувни оптималлаштириш

Бошқарув психологияси фани

Биринчидан, бошқарувлик маҳорати ва етакчилик юксак касбий камолот, мураббийлик ва педагогик талант, инноваторлик, нотиқлик қобилияти, санъати ва муомала кўникмалари ҳамда маромини ўзлаштириш орқали узлуксиз жараёндаги муносабатлар мажмуасини эгаллайди.
Иккинчидан, ҳозирги замон бошқарув асосини ташкил этувчи “инсон муносабатларининг доктринаси” иқтисодий ривожланиш жараёнидаги қийинчиликларни, ижтимоий психологик муаммоларни ечиш, бартараф этишни ишбилармонлик руҳидаги ёндашув ёрдамида амалга оширади ёки уларнинг олдини олади.
Учинчидан, у субъектнинг фаолияти, жамоавий муносабатидан келиб чиққан ҳолда бошқарувнинг асосий жараёнларининг табақаларини тадқиқ этиш усуллари, қонуниятлари ва механизмларини тадқиқ этади, ўрганади.
Тўртинчидан, у ҳар қандай, яъни ижтимоий, иқтисодий, сиёсий, маънавий муносабатлар шароитида оқилона, одилона, омилкорлик билан мақбул қарорни қабул қилиш ва уни муваффақиятли амалга ошириш ҳақидаги назарий ва амалий билимлар мажмуасидан иборатдир.
Бошқача сўз билан қисқа ва содда қилиб айтганда, Бошқарув психологияси фани - объект-субъект муносабатларининг барча жиҳатларини бошқаришни эгаллаш, шунингдек, самарали фаолият негизидаги назарий ва амалий билимларни мажмуасини ўрганишдан иборатдир.
Юқорида таъкидлаб ўтилган ҳолатлардан келиб чиққан ҳолда, бу фаннинг таркибий қисмлари қуйидагилардан ташкил топган:
1) бошқарув назарияси ва амалиёти иерархияси;
2) бошқариш объектлари ва субъектлари орасидаги муносабатлар хусусиятлари ва уларни бошқариш услублари тавсифи;
3) бошқарув тамойиллари ва усулларининг ижтимоий психологик асослари;
4) ташкилий фаолиятларнинг жиҳатлари ва тузилиши;
5) бошқарув тизимида менежернинг, яъни раҳбарнинг ўрни, роли ва функцияси;
6) бошқарув объекти ва субъекти тизимнинг тобе кишилар, ходимлари ва уларни бошқаришнинг ўзига хослиги;
7) ташкилот, муассаса бошқаруви бўйича қарор қабул қилишнинг моделлари ва уни усуллари тавсифи;
8) топшириқлар ижросини (бажарилишини) назорат қилишнинг психологик усуллари;
9) бошқарувни самарали ташкил этишнинг ижтимоий психологик асослари;
10) бошқарувнинг ўзини-ўзи ташкиллаштиришнинг қарор топтириш механизмлари талқини.