Buxoro muxandislik-texnologiya instituti texnologik jarayonlar va qurilmalar

Kamchiliklari: kamerali quritkichlarning ish unumdorligi kichik va mahsulot qurishi bir tekisda emas.

• 4

• Kamerali quritkich.
• 1 - qobiq; 2 - vagonetka; 3 - kalorifer; 4 - ventilyator; 5 – shiber.

• 5

• Tunnelli quritgichlar. Bunday tipdagi quritgichlar to‘g‘ri burchak kesimiga ega bo‘lgan uzun kameradan (koridordan) iborat bo‘ladi. Kamera ichida vagonetkalarning sekin harakatlanishi uchun temir yo‘l izlari o‘rnatilgan. Koridorga kiruvchi va undan chiqadigan eshiklar zich yopiladi. Vagonetkalarning ichiga nam material joylashtiriladi. Qurituvchi agent (havo) kaloriferlarda isitilib beriladi. Havo oqimi ventilyatorlar yordamida nam materialga nisbatan to‘g‘ri yoki qarama-qarshi yo‘nalishda harakatga keltiriladi. Vagonetkalar esa mexanik chigirlar yordamida harakatlanadi. Tunnelning balandligi 2,0—2,5 m bo‘lib, uzunligi 25—60 m gacha yetadi.
• Tunnelli quritkichlarda qurituvchi agent qisman resirkulyatsiya qilinadi. Bunday qurilmalar katta o‘lchamli donasimon materiallarni (masalan, keramik buyumlarni) quritish uchun ishlatiladi.
• Kamchiliklari: quritish tezligi kichik, jarayon uzoq vaqt davom etadi, quritish bir me’yorda bormaydi, qo‘l kuchidan foydalaniladi.

• 6

• Tunnelli quritgich sxemasi:
• 1- kamera; 2- vagonetka; 3- ventilyator; 4- kalorifer.

• 7

• Lentali quritkichlar. Bunday quritkichlarda material uzluksiz ravishda atmosfera bosimida quritiladi. Quritish kamerasi ichidagi ikkita baraban o‘rtasida uzluksiz lenta tortilgan. Barabanlarning bittasi elektrmotor yordamida harakatga keladi, ikkinchisi esa yordamchi bo‘ladi. Nam material lentaning bir uchiga beriladi, quruq material esa lentaning ikkinchi uchidan ajraladi. Quritish jarayoni issiq havo yoki tutunli gazlar yordamida olib boriladi. Bu tipdagi quritkichlar bitta yoki ko‘p lentali bo‘ladi. Sanoatda ko‘p lentali quritkichlar keng ishlatiladi. Ko‘p lentali quritish qurilmalarida qurituvchi agent nam materialga nisbatan perpendikulyar yo‘nalgan bo‘ladi. Material bir lentadan ikkinchisiga tushayotganda uning qurituvchi agent bilan kontakt yuzasi ko‘payadi. Bunday quritkichlarda quritish jarayonining turli variantlarini tashkil qilish mumkin.
• Lentali quritkichlar ko‘p joyni egallaydi va ularni ishlatish ancha murakkab (lentalarning cho‘zilishi va barabanda noto‘g‘ri joylanish holatlari ro‘y berishi mumkin). Bunday qurilmalarning solishtirma ish unumi kichik solishtirma issiqlik sarfi esa katta, pastasimon materiallarni quritish mumkin emas.

•