Davolash ishi fakulteti

5.2. Modul bo’yicha talabalarda amaliy ko’nikmalarni egallashni nazorat qilish va bilimini baholash mezonlari
Talabalarning amaliy ko’nikmalarini nazorat qilish joriy nazorat davomida amalga oshiriladi va har bir ko’nikma bo’yicha o’zlashtirish darajasi 100 ballik tizimda baholanib boriladi. Semestr yakunida jami ballar yig’indisi amaliy ko’nikmalar soniga bo’linib o’rtacha ball bo’yicha qayd qilinadi.


JORIY NAZORAT (JN)
Joriy nazoratda talabaning modul mavzulari bo’yicha bilim, amaliy ko’nikma va kompetentsiyalarni egallash darajasini aniqlash va baholab borish ko’zda tutiladi. Umumiy fizika. Biofizika moduli bo’yicha joriy nazorat, amaliy ko’nikma, masalalar yechish shakllarida o’tkaziladi.
Baholashda talabaning bilim darajasi, amaliy mashg’ulot materiallarini o’zlashtirishi, nazariy material muhokamasida va ta’limning interaktiv usullarida ishtirokining faollik darajasi hisobga olinadi.
Har bir amaliy mashg’ulotda barcha talabalar baholanadi. Maksimal ball 100, o’tish bali 55 ball bilan baholanadi..
Joriy nazoratda saralash (o’tish) balldan kam ball to’plagan va uzrli sabablarga ko’ra nazoratlarda qatnasha olmagan talabaga qayta topshirish uchun, navbatdagi shu nazorat turigacha, so’nggi joriy nazorat uchun yakuniy nazoratgacha bo’lgan muddat beriladi. Joriy nazoratda talaba ajratilgan kreditni to’liq to’plashi shart, shundagina u YaN kiritiladi.
Kasalligi sababli darslarga qatnashmagan hamda belgilangan muddatlarda joriy nazoratni topshira olmagan talabalarga fakulьtet dekani farmoyishi asosida, o’qishni boshlaganidan so’ng ikki hafta muddatda topshirishga ruxsat beriladi.
Semestr yakunida modul bo’yicha joriy nazoratda saralash balidan kam ball to’plagan talaba akademik qarzdor hisoblanadi.
Akademik qarzdor talabalarga semestr tugaganidan keyin qayta o’zlashtirish uchun bir oy muddat beriladi. SHu muddat davomida modulni o’zlashtira olmagan talaba fakulьtet dekani tavsiyasiga ko’ra belgilangan tartibda rektorning buyrug’i bilan talabalar safidan chetlashtiriladi.