Defektologiya asoslari 1-Mavzu: Defektologiya fani,uning predmeti, maqsadi va vazifalari Reja

Oktyabr — Daun sindromi bilan tug‘ilgan bolalar bilan ishlash oyligi
O‘zbekiston yoshlar ittifoqi bosh mutaxassisi Hayotbek Qosimov oktabr oyi – Daun sindromi bilan tug‘ilgan bolalar bilan ishlash, ularning oilasi, turmush tarzi bilan yaqindan tanishish oyligi ekanligi, shuningdek, O‘zbekiston yoshlar ittifoqi, Imkoniyati cheklangan yoshlar va bolalar markazi qator tashkilotlar bilan hamkorlikda 3 kunlik maxsus o‘quv-seminarlar tashkil etilganligini ma'lum qildi. Tadbirda kasallikning kelib chiqishi, uning belgilari va davolash profilaktikasi doirasida ikki nufuzli davlat o‘rtasidagi tajriba almashinuvi va muzokaralar olib borilishini ta'kidladi.
Maxsus treninglar davomida Respublika skrining markazi vakillari “Quyoshli xromosoma” mavzuida o‘z taqdimotlarini namoyish qildi. Ishtirokchilar uchun o‘tkazilgan mahorat darslarida “Daun sindromi”ning kelib chiqish sabablari va ushbu sindrom bilan tug‘ilgan bolalar bilan ishlash tizimi hamda “Daun sindromli” bolalarning erta rivojlanishi uchun kerakli amallar to‘g‘risida to‘xtaldi.
Daun sindromiga chalinganlar uchun ta'lim muassasasi bormi?
— Daun sindromi bilan tug‘ilgan bolalarda boshqa bolalarga nisbatan aqliy va jismoniy ortda qolish kuzatiladi. Ular o‘z oila a'zolariga o‘xshagani bilan yuz tuzilishi jihatidan hammadan ajralib turadi. Kasallikni davolab bo‘lmasa-da, Daun sindromi bilan tug‘ilgan bolaga maxsus jismoniy va aqliy muolajalarni o‘tkazib, uning rivojlanishini yaxshilash, jamiyatda o‘z o‘rni bo‘lishi uchun imkoniyat yaratib berish mumkin deydi, —“Bilimdon” nodavlat ta'lim muassasasi logoped-defektologi Muhayyo Saidova. — Ayni shu kasallik bilan tug‘ilgan bolalarning ijtimoiy moslashuviga ko‘maklashish maqsadida «Bilimdon» nodavlat ta'lim muassasasi tashkil etilgan. Bugungi kunda mazkur muassasa Daun sindromiga ega bo‘lgan bolalar bilan muntazam ravishda faoliyat olib boradi. Bizda chaqaloqlikdan boshlab 7-8 yoshgacha bo‘lgan barcha bolalar to‘lov asosida qabul qilinadi.
Amerikada bu sindromga chalingan juftlikdan sog‘lom farzandlar dunyoga keldi
“Daun sindromi Amerika Milliy Jamiyati” vakili Sara Jo Solderi “Daun sindromli bolalarni dastlabki rivojlanish va inklyuziv ta'limga tayyorlash dasturi” mavzuida Amerika tajribasidan kelib chiqqan holda maxsus o‘quv darslarini o‘tib berdi. Daun sindromli bolalar bilan ishlashning zamonaviy usullari xususida fikr-mulohazalar yuritildi. Bunday sindromga ega bolalarning kelajagi borligi ular ham oila qurishga haqliligi bilan birga bu toifadagi insonlardan sog‘lom farzandlar dunyoga kelishi mumkinligi aytildi. Mahorat darslarida Amerika davlatidagi xuddi shu dard bilan kasallangan insonlar turmush qurgani, ulardan sog‘lom farzandlar dunyoga kelgani dalil sifatida keltirildi.