Defektologiya fani haqida. Defektologiya fanining predmeti. Defektologiya fanining maqsadi va vazifalari

24-Mavzu: Daun sindromi kassalligiga uchragan bolalarga ilk pedagogik yordam
Bolaning Daun sindromi bilan tug‘ilishining asosiy omili onaning yoshi hisoblanadi. Bu haqda Rossiya Fanlar akademiyasining Tibbiy-genetik ilmiy markazi matbuot xizmati ma'lum qildi.
Mutaxassislarning aytishicha, irqiy kelib chiqish yoki iqtisodiy-ijtimoiy sharoitlar homilaning ushbu irsiy chetlashish bilan tug‘ilishiga ta'sir qilmaydi. Biroq hududning an'anaviy va diniy xususiyatlari ahamiyatga ega bo‘lishi mumkin, chunki homiladorlikni tugatish qabul qilinmagan hududda bu chetlashishga ega bolalar soni oshib boradi. 
Ayollarda 40 yoshiga kelib Daun sindromi bilan bola tug‘ilishi ehtimoli 30 yoshlilarga nisbatan 9 marta yuqoriroqdir. 
Ko‘plab davlatlarda homilador ayollarning yoshidan qat'iy nazar, ularda homilada 21-xromosoma trisomiyasini aniqlash bo‘yicha tug‘ruqqacha skrining o‘tkaziladi.
Bu sindromni topishning eng samarali usuli noinvaziv prenatal test, ya'ni ona qonidan ajratilgan homila DNKsining tahlili hisoblanadi. Bunday tahlilni homiladorlikning 9-haftasidayoq o‘tkazish mumkin. 
Oxirgi tadqiqotlarga ko‘ra, Daun sindromiga ega odamlarning umr ko‘rish davomiyligi tibbiyot rivojlanishi evaziga oxirgi o‘n yilliklarda ancha uzaygan.
21 mart Xalqaro Daun sindromiga ega odamlar kuni sifatida nishonlanadi. Ushbu kasallik irsiy chetlashish natijasida yuzaga keladi. Bunda yana bir xromosoma paydo bo‘ladi.
Sindrom 1866 yilda birinchi bo‘lib uni ta'riflab bergan ingliz shifokori Jon Daun sharafiga shunday nom olgan.
Daun sindromi... Kelib chiqishi bo‘yicha aniq bir sabab mavjud bo‘lmagan kasallik. Kasallik hujayralarning bo‘linish jarayonidagi tasodifiy buzilishi natijasida kelib chiqishi aniqlangan. Demak bolaning ushbu sindrom bilan tug‘ilishida hech kim aybdor emas. Ammo shunga qaramay, aksariyat holatlarda oilada kasallangan bolaning tug‘ilishi bir-birini ayblash, qiyinchiliklarga dosh bera olmaslik oqibatida, ayniqsa, erkaklarning oilani tashlab ketish holatlari ko‘plab kuzatiladi. Oila – jamiyatning negizi, sog‘lom bola esa eng katta boylikdir. O‘zbekistonda ushbu kasallikka qarshi kurashish borasida qator islohotlar amalga oshirilmoqda.
Joriy yilning 24 oktabr kuni “Yoshlar ijod saroyi”da O‘zbekiston yoshlar ittifoqi, Imkoniyati cheklangan yoshlar va bolalar markazi hamda “Bilimdon” nodavlat ta'lim muassasasi bilan hamkorlikda “Dunyo — quyosh bolalari nigohida!” shiori ostidagi mahorat darslari tashkil etildi. Tadbirning ochilish marosimida O‘zbekiston yoshlar ittifoqi Markaziy Kengashi, Respublika skrining markazi hamda Daun Sindiromi Amerika Milliy Jamiyati vakillari ishtirok etdi. Tadbir 26 oktabrga qadar davom etadi.