Диазобирикмалар

ДИАЗОБИРИКМАЛАР — диазогуруҳли органик моддалар. Фақат бир органик радикал билан богланган икки атом азот диазогуруҳ деб аталади. «Диазобирикмалар» термини турли бирикмалар туркумига тааллукли. Диазобирикмалар алифатик ва ароматик Диазобирикмаларга бўлинади. Алифатик Диазобирикмалар қиздирилганда, ультрабинафша нурлар ва кислоталар таъсир эттирилганда парчаланади, шунингдек, катализатор (мис ва унинг тузлари) иштирокида карбенлар ҳосил қилади. Диазометан ва диазосирка эфири алифатик Диазобирикмаларга ми-сол бўла олади. Ароматик Диазобирикмалар беқарор, қуруқ, портловчи, реакцияга киришувчан модда, ишқорлар таъсирида диазотатлар ҳосил қилади. Ароматик Д. азо-бўёқлар олишда, диазотипияда ишлатилади. Алифатик Д. — алкилловчи моддалардир.