Dinamikalıq basımǵa

1
Suyıqlıq tınısh halatta turǵanına salıstırǵanda qozǵalıs halatında basım ózgeriwin kórdik. Bul basım dinamikalıq basımǵa baylanıslı delinedi. Dinamikalıq basım suyıqlıq yamasa gazdıń tezligine baylanıslı bolıwın baqlaw ushın tómendegishe tájiriybe ótkereyik. Eki bet qaǵaz alıp, tik halatta uslayıq. Soń qaǵazdıń arasına úpleyik. Sonda qaǵazlar bir-birine qaray umtılıp jaqınlasadı.

Izge qaytiw



Samolyottıń qanatın kóteriwshi kúsh. Samolyotlardıń párwazı da usı qubılıstı úyreniw sebepli ámelge asırıldı. Bul samolyot qanatınıń arnawlı dúzilisi menen túsindiriledi. Samolyot qanatı «súyir» formada jasalıp, oǵan kelip urılıp atırǵan samal, qanattıń tómengi hám ústingi tárepinen ótedi. Ústingi bóliminde samal ótiwi kerek bolǵan jol tómengi bóliminen kóbirek. Sol sebepli ústingi bóliminde samaldıń tezligi tómengisinen úlkenlew bolıwı kerek.


Magnus effekti. Futbol maydanında múyeshten tebilgen toptıń burılıp dárwazaǵa kirgenin televizorda yamasa stadionda baqlaǵanlar kóp. Toptıń burılıwına ne májbúrleydi? Buǵan sebep sol, toptıń ortasına emes, al biraz shetiregine tepken sheber futbolshı tuwrı qozǵalısı dawamında aylanıwǵa májbúrleydi.