Jahondagi moliyaviy globallashuv sharoitida muhtaram Prezidentimiz tomonidan ishlab chiqilgan rivojlanishning “Harakatlar strategiyasi” asosida amalga oshirilayotgan progressiv makroiqtisodiy va faol investitsiya siyosatini amalga oshirish, shuningdek O’zbekiston moliya bozorining iqtisodiyotdagi rolini yanada oshirish natijasida, jahon iqtisodiyotida yuz berayotgan inqiroz holatlariga qaramasdan, mamlakatimiz iqtisodiyotining yuqori barqaror o’sish sur’atlari va makroiqtisodiy mutanosiblik ta’minlanmoqda.
O’zbekiston Respublikasi ham rivojlanayotgan, bugungi kunda xalqaro moliya tizimiga ixtisoslashuv jarayoni olib borilayotgan davlat. Keyingi yillarda London fond birjasiga yevro obligatsiyalarning chiqarilishi, tijorat banklari tomonidan xalqaro fond birjalari savdosida qatnashish, xalqaro moliya institutlari bilan aloqalarni yanada kuchaytirish masalalarini qayta ko’rib chiqish integratsiya jarayonlarini kuchaytirish borasida qo’yilgan muhim qadamlardir.
Ammo, O’zbekiston Respublikasining xalqaro moliya tizimiga sekin kirib borayotgani, integratsiya dasturlarini amalga oshirishda vujudga kelayotgan tushunmovchiliklar, monopollarning yopiq moliya tizimini yoqlashi ushbu sohada bir qancha muammolarni keltirib chiqarmoqda. Yuzaga kelayotgan muammolarni bartaraf etish, ushbu muammolar yuzasidan ilmiy asoslangan taklif va tavsiyalar ishlab chiqish, eng maqbul variantlarda xalqaro tizim elementlarini qabul qilish masalalarini ko’rib chiqish bugunning dolzarb ishlaridan biridir.
|
