Dásturiy injiniringi baǵdari 2-kurs 304-22 topar studenti Bazarbayeva Muxaddastıń Maǵlıwmatlar strukturası hám algoritmler páninen

ÓZBEKSTAN RESPUBLIKASÍ
SANLI TEXNOLOGIYALAR MINISTRLIGI


MUHAMMED AL-XOREZMIY ATINDAǴÍ
TASHKENT INFORMACIYALÍQ TEXNOLOGIYALARÍ UNIVERSITETI NÓKIS FILIALÍ


Kompyuter injiniringi fakulteti
Dásturiy injiniringi baǵdari
2-kurs 304-22 topar studenti
Bazarbayeva Muxaddastıń
Maǵlıwmatlar strukturası hám algoritmler páninen


Ózbetinshe jumısı

Tema: Terek tarizli maǵlıwmatlar strukturaları. Tariypler hám ayrıqshalıqları
Tayarlaǵan _________________ Bazarbayeva.M
Qabıllaǵan _________________ Esbergenov.H

Nókis –2023

Terek tarizli maǵlıwmatlar strukturaları. Tariypler hám ayrıqshalıqları

Jobası
I Kirisiw

1. 
   Maǵlıwmatlar strukturası tuwralı túsinik
   

II Tiykarǵı bólim
2.1 Terek tarizli maǵlıwmatlar strukturaları
2.2 Terek tarizli maǵlıwmatlar strukturalarınıń tiykarǵı xizmeti hám ayırmashılıqları
III Juwmaq
IV Paydalanılǵan ádebiyatlar

Kirisiw
“Jaman programmistler ózleriniń kodları haqqında qayǵılanadı, jaqsı programmistler bolsa maǵlıwmatlar strukturaları hám olardıń baylanısıwları haqqında bas qatıradı.” (Linus Torvalds)
Barlıq programma yamasa programmalıq ónimniń tiykarında eki birlik jatadı maǵlıwmatlar hám olar ústinde qanday da ámeller atqaratuǵın algoritmler. Algoritmler maǵlıwmatlardı biz yamasa programma ushın paydalı bolǵan informaciya kórinisine keltirip beredi. Algoritmler sol maǵlıwmatlar ústinde ámellerdi (oqıw, jazıw, jańalaw, óshiriw) nátiyjeli hám tez atqara alıwı ushın biz sol maǵlıwmatlardı málim bir strukturaǵa salǵan halda saqlawımız kerek boladı.
Maǵlıwmatlar strukturası — bul maǵlıwmatlardı nátiyjeli oqıw hám ózgertiw imkaniyatın beretuǵın, maǵlıwmatlardı saqlaw hám basqarıwdıń bir formatqa salınǵan forması bolıp tabıladı. Ápiwayı etip aytqanda, maǵlıwmatlar strukturası bul maǵlıwmatlardıń málim bir strukturaǵa salınǵan, olar ortasında málim bir baylanısıwlar jaratılǵan hám olar ústinde málim ámeller orınlawshı funksiyalardan shólkemlesken topar. Eń ápiwayı maǵlıwmatlar strukturasına mısal etip dızbek (array) di kórsetiwimiz múmkin.
Tómende keltirilgen maǵlıwmatlar strukturaları programmalastırıwda eń kóp qollanılatuǵın strukturalar bolıp tabıladı. Olarǵa :
1. Dizbek (Array)
2. Baylanısqan keste (Linked List)
3. Náwbet(Queue)
4. Stek (Stack)
5. Hesh kesteler (Hash tables)
6. Terekler (Trees)
7. Graflar (Graph)
Bunnan tısqarı barlıq strukturalardıń barlıq jerde anglichan tilindegi atı isletiledi.