Kerekli sózler: tal-tal, awılǵa, tal túste, qısı-jazı ılaylanıp,
kem-kem.
§104. Gáptiń birgelikli aǵzaları
shınıǵıw. Gáplerdi oqıń. Birgelkili aǵzalardı terip jazıń. Sorawların qoyıń. Qaysı aǵza ekenligin anıqlań.
Kanaldıń eki jaǵası, birneshe eski lardıń sayları, oy jerler qalıń qamıslarǵa, urıqlar menen ajırıqlarǵa, sútilmek penen pásheklerge, aqbas penen kekirelerge, qańbaq penen jantaqlarǵa, hár qıylı mal otlarǵa bólendi.
Erikkende ermek ushın qus atıp, Talay ǵazdıń may qarmasın asadıq,
Suwda súwen, bekire, sazan, aq marqa, Quw, ǵaz, úyrek, qasqaldaǵın usladıq.
Qay jaqta?
Qazaqdárya, Qaratereń, Moynaqta. (T. J.)
Gápte birneshe baslawısh, bayanlawısh, anıqlawısh, tolıqlawısh, pısıqlawıshlar qatar kele beredi.
Bir sorawǵa juwap berip, gáptiń bir aǵzası menen baylanısıp kelgen aǵzasına gáptiń birgelkili aǵzaları deymiz. Mısalı: Xojalıq atızında qawın, qıyar, ǵarbız, asqabaq, geshir egildi. Ol qaraqalpaqsha, ózbekshe, qazaqsha sóyley aladı.
Dáslepki gáptegi qawın, qıyar, ǵarbız, asqabaq, geshir sózleri ne? degen soraw- ǵa juwap berip birgelkili baslawıshlar, al ekinshi gáptegi qaraqalpaqsha, ózbekshe, qazaqsha sózleri qalay? degen sorawǵa juwap berip pısıqlawısh aǵza bolıp tur.
Do'stlaringiz bilan baham: |
