E berdimuratov, Q. Allanazarov, G. Patullaeva qaraqalpaq tili

Kerekli sózler: 1. Qara úy keregelerin baylanıstırıwshı túyme. 2. Qaraqalpaq hayal-qızlarınıń milliy kiyimi. 3. Zatlardıń túr-túsi. 4. Erte báhárde kógerip shıqqan shóp. 5. Aspan keńisligi. 6. Adam denesine túsirilgen daq.
Úlgi: 6 _~ 3. 6. Kók kepterim júdá shıraylı.
Kók. Zatlardıń túr-túsi.

TIL ÓSIRIW

Tapsırma. Tekstti oqıń. Mazmunın sóylep beriń hám sorawlar dúziń. «Sawap isti hárkim hár kúni islew kerek» degen temada bayan jumısın jazıń.


«Ózbekstan Qaharmanı» Allaniyaz Óteniyazov 14 jasında ákesinen ayrıldı. Ákesi urısta qaza bolıp, urısqa birge ketken jorasınıń ákelip bergen xatında mınaday sózler jazılǵan edi:
«Balam, Allaniyaz! Adam eki maqset penen dúnyaǵa keledi: birinshisi, izinde jaqsı zúryad qaldırıw, ekinshisi, izińde jaqsı isiń menen at qaldırıw. Men sol maqsettiń ekewin de orınladım, sebebi men watan qorǵaw jolında janımdı qurban ettim. Bul, álbette, jaqsı is. Tiykarǵısı, men heshqashan ólmeymen, sebebi izimde sendey hadal perzentim qalıp atır. Endi saǵan aytarım: «Bárqulla anańnıń aytqanın qıl! Heshqashan dúnyanı ózińe dos bilme! Qolıńnan kelse jetim-jesirge, ǵárip-qáserge járdem et! Ótirik sóyleme, kisiniń haqın jeme! Usı násiyatlarımdı orınlasań, men sennen ırzaman, qulınım! Ákeń Óteniyaz».
Mine, usı xattaǵı áke násiyatına sadıq qalǵan Alla- niyaz bir ómir anasına súyenish boldı, adamlarǵa jaqsılıq isledi, atın tariyxta qaldırıp «Ózbekstan Qaharmanı» ataǵına iye boldı.
(«Jetkinshek» gazetasınan)

4. 
   shınıǵıw. Dástan qaharmanları bolǵan qırq qızdıń obrazın qısqa gúrriń etip jazıń.
   

«QÍRQ QÍZ» DÁSTANÍ
Arıslanday aybatlı, Jolbarıstay ǵayratlı, Palwan batır qırq qız, Tóbege shashın túyedi, Ílaqtı alıp qashqannıń, Bir shetinen túyedi, Qashqanlar keyin qaladı, Shıday almay jigitler, Qurı shawqım saladı.	Quwıp jetip ılaqtı, Qızlar tartıp aladı, Batır degen jigitler, Sol jerde hayran boladı, Surtayshaday zalımxan, Sawashlı ullı maydanǵa, Shırshıqtan sızıp ótedi. Ertip qırq qız láshkerin, Sarkovta sapar etedi.