E berdimuratov, Q. Allanazarov, G. Patullaeva qaraqalpaq tili

E. BERDIMURATOV,
Q. ALLANAZAROV,
G. PATULLAEVA
QARAQALPAQ
TILI
5-KLASS USHÍN SABAQLÍQ
Qaraqalpaqstan Respublikası Xalıq bilimlendiriw ministrligi tárepinen tastıyıqlanǵan
Qayta islengen hám tolıqtırılǵan basılımı

NÓKIS
«BILIM» 2020

UOÊ 811.512.121(075.3)
KBÊ 81.2 Kar
B 64

Sabaqlıq Qaraqalpaqstan Respublikası Xalıq bilim- lendiriw ministrliginiń 2002-jılǵı tańlawında jeńimpaz dep tabılǵan.

Pik i r bildiri w s h iler :


M. Dáwletov Filologiya ilimleriniń doktorı.
Z. Ismaylova Respublikalıq oqıw metodikalıq orayı metodisti.
R. Niyetova Nókis qalalıq 31-sanlı qánigeles-
tirilgen mámleketlik ulıwma bilim beriw mektebiniń qaraqalpaq tili hám ádebiyatı páni muǵallimi.


S. Kadirimbetova Nókis rayonı 22-sanlı ulıwma orta
bilim beriw mektebiniń qaraqalpaq tili hám ádebiyatı páni muǵallimi.


SHÁRTLI BELGILER

• 
  Sorawlar
  

• 
  Tapsırmalar — Bilip alıń
  

Respublika maqsetli kitap qorı qarjıları esabınan basıp shıǵarıldı.

ISBN 978-9943-4461-4-4

© «O‘zbekiston» ÂÐDÚ 2015

© «Bilim» baspası, 2015, 2020

1-SENTYÀBR — ÓZBEKSTÀN RESPUBLIKÀSÍNÍŃ ǴÁREZSIZLIK KÚNI

1-shınıǵıw. Tekstti oqıń, ondaǵı milliy qádiriyatqa óz pikirlerińızdi bildiriń. Teksttiń mazmunı boyınsha sorawlar dúziń.
BESQALA
Túrkstan, Xorezm— máskanım menen, Besqala, teńizdiń átirapı elim,

• 
  dep Berdaq shayırdıń táriyiplegenindey Aral teńizi átirapında qala salıp, imarat qurǵan miynetkesh qaraqalpaq xalqınıń ózine tán milliy ózgeshelikleri kóp. Qaraqalpaqlardıń keyingi áwladları da usı úrdisti dawam ettirip kent salıp, óz úlkelerin baǵı- bostanǵa aylandırıp kelgen. Qaraqalpaq jerindegi sonsha qala qaldıqları hám kentlerdiń tariyxı bul pikirdi tastıyıqlaydı.
  

Aral teńiziniń qubla jaǵalawlarına ornalasqan Qaraqalpaqstan Respublikası orta ásirlerden bas- lap-aq óziniń Qońırat, Xojeli, Shımbay, Shabbaz (házirgi Beruniy) hám Tórtkúl sıyaqlı iri qalaları menen belgili bolǵan. Bul úlke «Besqala alabı» dep te atalǵan. Usıǵan tiykarlanǵan halda tariyxıy
«Besqala» bes sháhárdiń rámziy kórinisi sıpatında Qaraqalpaqstan Respublikasınıń mámleketlik bay- raǵında bes juldız túrinde sáwlelengen.
Qaraqalpaq xalqı «Jaqsı júrgen kent saladı, ja- man júrgen jerine órt saladı» degen danalıq sózi sıyaqlı házirgi dáwirde de ata miyrastı dawam ettirip jerin gúllendirmekte. (Ǵ.X.)
Kent — qala, sháhár; alap— keńislik, may- dan, keń dala, dalalıq.