E berdimuratov, Q. Allanazarov, G. Patullaeva qaraqalpaq tili

Qaratpa sózler gáptegi basqa sózlerge qaraǵanda kóterińki intonaciya menen aytıladı. Jazıwda qaratpa sózler gáptiń basında kelgende qaratpa sózden keyin útir belgisi qoyıladı. Mısalı: Balam, men sizlerdi qaladan izlep keldim. Anajanım, men seni janımday jaqsı kóremen.
Qaratpa sózler gáptiń ortasında kelse, qaratpa sózdiń eki jaǵınan útir qoyıladı. Mısalı: Keliń, ullarım, oylasıp alayıq. Meyli, Dáwlet, seniń aytqanıńdı orınlayman.
Qaratpa sózler gáptiń sońında kelse, onda aldına útir, al qaratpa sózden keyin ya noqat, ya úndew belgisi qoyıladı. Mısalı: Gápimdi tıńla, qızım. Meni durıs túsiniń, xalqım! Jańalıqqa jar salıń, doslar!

349. 
     shınıǵıw. Tekstten tek qaratpa sózleri bar gáplerdi kóshirip jazıń. Qaratpa sózlerdiń irkilis belgilerin qoyıń.
     

• 
  Balam, aman keldiń be?
  
• 
  Sálem, sheshe. Ishte kimler bar?
  
• 
  Qızlar. Balam, jolda sharshap qalǵanıń joq pa?
  
• 
  Joq.
  
• 
  Balam-aw, ushıp keldiń be? Ishi, qalay jaqsı ma?
  
• 
  Awa, samolyot penen.
  
• 
  Haw, onda adamnıń miyi aylanadı deydi ǵoy?
  

(S. X.)

IS QAǴAZLARÍ ÚLGILERI

Nókis qalalıq 6-sanlı ulıw- ma bilim beriw mektebiniń 5-klass oqıwshısı Aysánem Jumamuratovadan

Túsinik xat

2020-jıldıń 6-sentyabr kúni jol transportınıń kesh keliwine baylanıslı birinshi sabaqqa keshigip keldim. Bul jaǵdaydı endi tákirarlamawǵa háreket etemen.
06.09.2020 (qolı) A.Jumamuratova
* * *
Nókis qalalıq 32-sanlı ulıwma bilim beriw mektebiniń direktorı G.Dáwletovaǵa
usı mekteptiń 5-klass oqıw- shısı Qumarxan Medetbae- vadan

Arza

Meni mektebimizde dúzilgen «Jas dóretiwshi» ádebiy dógeregine aǵzalıqqa alıwıńızdı sorayman.
15.09.2020. (qolı) A. Jumamuratova