E-qaror gov uz 98-11-156-Q/23

aloqa, xabar berish va axborotlashtirish xizmati — boshqaruv organlarini
barqaror va uzluksiz aloqa bilan ta’minlash, aloqa va xabar berishning turg’un
vositalariga foydalanish-texnik jihatdan xizmat ko’rsatishni tashkil etish va ularni
nazorat qilish, shuningdek, ularni doimiy tayyor holatda saqlash, hududiy
favqulodda vaziyatlar boshqarmalarining ko’rsatmalariga binoan xabar berish
signallarini uzatish va qabul qilishni texnik jihatdan ta’minlash;
jamoat tartibini saqlash xizmati  — favqulodda vaziyatlardan muhofaza
qilish tadbirlarini o’tkazishda jamoat tartibini saqlash;
qo’riqlash xizmati — favqulodda vaziyatlar zonalarida ob’ektlar, hududlar,
moddiy va madaniy qimmatliklarni, shuningdek, aholi evakuatsiya qilingan joylarni
qo’riqlash;
yong’in xavfsizligini ta’minlash xizmati  — yong’inlar profilaktikasini
o’tkazish va yong’in xavfsizligi talablariga rioya qilinishi ustidan nazoratni amalga
oshirish, yong’inlarni o’chirish, yong’in zonasida qolgan odamlarni hamda yuridik
va jismoniy shaxslarning mol-mulkini qutqarish;
texnik xizmatlar  — texnikani texnik jihatdan soz holatda saqlash va
favqulodda vaziyatlarni bartaraf etish uchun jalb etiladigan avtotransport vositalarini
texnik ta’mirlash, shikastlangan va nosoz texnikani qutqarish ishlari yo’nalishlari va
uchastkalaridan shikastlangan mashinalarni yig’ma punktlarga va ta’mirlash
korxonalariga evakuatsiya qilish, ta’mirlash korxonalari va tuzilmalarini ehtiyot
qismlar va anjomlar bilan ta’minlash hamda ularning zaxirasini shakllantirish;
qishloq xo’jaligi mahsulotlari hamda oziq-ovqat bilan ta’minlashni
tashkil etish xizmati — qishloq xo’jaligi mahsulotlari hamda oziq-ovqat zaxirasi
g’amlanishini va muhofaza qilinishini tashkil etish, favqulodda vaziyat zonasidagi
aholini hamda jalb etilgan tuzilmalarni oziq-ovqat, issiq ovqat bilan ta’minlash;

---