Ё раб энди яшаяпман Илтимос, мени олма

Ё раб энди яшаяпман
Илтимос, мени олма.
Бир муштипар онам бор
Оғир ахволга солма.
Йиғлаб, йиғлаб чарчади у
Азоблардан чарчади у.
Кетмоқликни истади у
Илтимос, уни олма.
Фарзанд доғин кўтарсинми?
Фарзанд ғамин кўтарсинми?
Хаста бўлган бу танасин
Минг азобла кўтарсинми?
Фарзанд доғин кўтаролмас
Бунга бардош бера олмас.
Учинчи бор кўтаролмас,
Илтимос, мени олма.
Қай бирига берсин бардош
Дунё бўлса бир бағритош.
Яхшиларга бўлгин йўлдош
Илтимос, мени олма.
Онам охи бизни эзди
Фарёдимиз кўкка етди.
Онам учун мени олма
Халқим учун мени олма.