Ёки ҳурматли эркаклар, сизчи? Шундай яхши куёвингиздан нега қизингиз, синглингизни ажратиб оласиз

Икки кун! Икки кундан бери ёмон аёл, ёмон она бўлиб телефондан, интернеттан ортмаямман! Бу ердан чиқсам, ярам янгиланаверяпти. Мен дин бўйичи Ислом динига эътиқод қиламан. Ислом динидаги аёлларга маълумки биз учун оиламизда эркакларимиз устун қилинган. Яъни менинг оиламда гендер тенглик, феминизм деган тушунчалар йўқ ва мен шусиз ҳам бахтлиман. Бу гапларим бироз эриш туйилар. Аммо бекорга эмас. Сабаби мақоланинг давомини ўқиётганингизда "Вой бу Феминист" дейишингизни хохламайман.
2023 йил, 3-апрель! Биз учун мудхиш кун! Бир она, бир ўзбек аёли бир эмас нақд учта боласини 9-қават ойнасидан бирма-бир улоқтирди. Мени икки кундан бери қийнаётган нарса шуки, мен ҳам ОНАман! Фарзандларимнинг ҳар кўзига қараганимда, "У аёл болалари шундай қараб турганида, олиб отиши учун бошидан нималар ўтказиши мумкин эди?" деган савол тинч қўймаяпти. Мен шунчаки у жинни, носоғлом, ёмон дея қўл силтаб кета олмаяпман. Сабаби, тушунарсиз нарсалар жуда кўп. Хўп бу аёл руҳий носоғлом, тентак, жинни ё енгил табиат ва иродасиз бўлсин. Унда нима учун эрига битта хотин тушмаяпти? Нега биринчи аёл билан ажрашган? Нега бу аёлини шу ҳолатгача олиб келган? Балки сиз ўта бахтли бўлгани учун эри билан ажрашиб кетган ёки эрининг зўрлигидан сармаст бўлиб ақлини йўқотиб қўйган аёлларни кўргандурсиз. Аммо мен бундан мустасноман. Яъни ундай аёлларни шу кунгача кўрмадим. Келинг тафаккур қилиб кўрамиз. Нега оилавий шароити зўр, яъни қисқа қилиб халқ тилида айтганда бой, илмли, кўркам, руҳан ва жисмонан соғлом, зиёли, иймонли эркакдан ҳурматли аёллар нега кетар эдингиз? Нима сабабдан ажрашиб, бошқа бировга тортиқ этар эдингиз?
Ёки ҳурматли эркаклар, сизчи? Шундай яхши куёвингиздан нега қизингиз, синглингизни ажратиб оласиз???
Мен масалан бундай куёвдан ё эрдан кечар эдим. Айтайми қандай? Масалан мени ҳижобим учун айблайдиган эрдан киприк қоқмай кечар эдим. Мени урадиган, азоблайдиган, арзимаган нарсалар учун уни омборхонага қамаб уриб, оч қолдириб қўядиган "Садист" эрдан қочиб кетар эдим. Болаларимни олиб қўйиш билан таҳдид қилиб мени индамай юришга мажбурлайдиган эрдан вос кечар эдим. Кетар эдим, қолмас эдим, ҳатто ўлигимни ҳам унга раво кўрмас эдим. Аммо, бунга сиз тушунмас эдингиз. Сабаби сизнинг кўз олдингизда мен юқорида тасвирлаган кўринишгина намоён. Кўкарган жойларим беркитилган, бақирсам омборхонадан сиз эшитмайсиз. Чиқиб гапирай, органларга мурожаат қилай десам йўқ, оёқ-қўлим "Болаларни ўйла" деган гаплар билан боғланган. Қочай десам, орқамдан бориб ўзим майлику, болаларимни ҳам жувормаг қилсачи деган тассавурим бор. Сабаби менгина у билан яшайман. Унинг асл юзини фақатгина мен кўраман. Уни қўли ва пули ҳамма ерга етишидан менгина хабардорман! Келинг, болаларигиз кўзига қаранг! Дилдора бўлишга ҳаракат қилинг! Сиз шу мурғакинани олиб отиш учун бошингиздан нималар ўтиши керак эди! Бундай нарса бўлмайди деманг. Ҳаёлингизга ҳам келтира олмайдиган дахшатларни келтиринг! Нима учун оғир-босиқ, руҳан соғлом, кам гап аёл бу ишни қилиши мумкин? Бу ишни қилиши учун қанчалар алам керак? Илтимос, буни кўп ва хўп тарқтинг! Бу ишлар пул билан ёпти-ёпти бўлиб кетса эртага навбатдаги Дилдора сиз ё сиздан бўлиши мумкин! Бу иш шундай қолмасин. Биз бу иш бўйича ўрганяпмиз. Ишонинг! Буни хеч қайси дин ва тузум оқламайди! Инсонийлик оқламайди. Илтимос сиз ҳам ушбу мажруҳ эрни оқлашга урунманг!