Elektr yuritma asoslari

1. UMUMIY QOIDALAR.

1.1. "Elektr yuritma asoslari" fanidan kurs loyihasi quyidagi maqsad va vazifalarga ega;

– talabalarga sanoat elektr jihozlarini loyihalash qoidalari va usullarini o'rgatish, fan bo'yicha talabalarning nazariy bilimlarini kengaytirish va chuqurlashtirish;
– talabalarda muhandislik hisob-kitoblarini amalga oshirish va loyihaviy qarorlar uchun texnik-iqtisodiy asoslarni tuzish bo'yicha zarur ko'nikmalarni rivojlantrish, loyihaning grafik qismini loyihalash uchun zarur ko'nikmalarni shakllantirish;
– talabalarni maxsus va texnikaviy adabiyotlardan, kataloglardan, ma'lumotnomalardan (справочник), standartlardan mustaqil foydalanishga o'rgatish;
– nazariy bilimlardan foydalanish va loyihalash masalalarini hal qilishga mustaqil yondashishni o‘rgatish;
– talabalarni o'quv jarayonining yakuniy bosqichining yanada murakkab vazifasi - bitiruv loyihasini bajarishga tayyorlash.

1.2. Kurs loyihasini ishlab chiqish uchun topshiriqlar (tavsiya etilgan jadval 1.1), talabaga rahbar tomonidan beriladi.

Kurs loyihasining maqsadi sanoat korxonasining kran mexanizmlari, aravachasi yoki ko'prigini harakatlantirish uchun elektr yuritmani hisoblash va tanlash, ish rejimlaridagi energiya samaradorligini o'rganishdan iborat.