Elektron o’quv adabiyoti loyhasini ishlab chiqish

Gipermedia, flesh texnologiya, visual dasturlash muhiti, boshqa dasturiy ta’minot vositasida

MAVZU: Elektron o’quv adabiyoti strukturasini ishlab chiqish
Elektron o’quv adabiyoti strukturasi – unga kiruvchi barcha o’quv materiallari joylashtiriladigan mantiqiy qismlar va ular orasidagi bog’lanishlarni ifodalovchi tuzilma. Elektron o’quv adabiyoti tuzilmasini ishlab chiqish quyidagi bosqichlardan iborat bo’lishi mumkin:

1. 
   Elektron o’quv adabiyoti mantiqiy tuzilishini ishlab chiqish(masalan, nazariya, amaliyot, adabiyotlar, testlash tizimi glossariy va b.)
   
2. 
   Har bir mantiqiy bo’lim ichki tuzilishini ishlab chiqish(masalan, nazariya qismi mundarija, alohida mavzular, qo’shimcha ma’lumotlar, asosiy termin va tushunchalar va b.)
   
3. 
   Eng kichik elementlar tuzimasini ishlab chiqish.
   

Quyidagi tasvirda yaratilajak elektron o’quv adabiyotining namunaviy strukturasi ifodalangan:
Amaliy qism:

1. 
   Tanlangan mavzu bo’yicha yaratilajak elektron o’quv adabiyoti tarkibiy qismlarini belgilab chiqing..
   
2. 
   Tanlangan mavzu bo’yicha yaratilajak elektron o’quv adabiyotida mavzular mundarijasini ishlab chiqing. Bunda yoritiluvchi soha mazmunidan kelib chiqiladi.
   
3. 
   Mundarijaga kiruvchi mavzularning tarkibiy qismi ishlab chiqilsin.
   

MAVZU: Elektron o’quv adabiyoti kontentini tashkil qiluvchi o’quv materiallarini yig’ish, tanlash va saralash ysullari

Elektron darslik kontentini tashkil qiluvchi materiallr matn, grafika, audio, video, dasturiy ob’ektlar va boshqa formatdagi ma’lumotlardan iborat bo’lishi mumkin. Ushbu materiallarni yig’ish, tanlash, saralash va qayta ishlashda ba’zi qoidalarga rioya qilish zarur bo’ladi.

1. 
   Materiallar elektron darslik mavzusi va maqsadiga mos bo’lib, barcha talablar asosida tanlanishi va tayyorlanishi zarur.
   
2. 
   Tanlangan materiallar strukturalanish, mavzuga qarashli tugallangan mantiqiy bo’laklardan iborat bo’lmog’i lozim.
   
3. 
   Har bir mantiqiy bo’lak matndan tashqari grafik, audio yoki video ma’lumotlarni saqlashi lozim.
   
4. 
   Matnlarda va grafik illyustratsiyalarda kursor buyrug’iga javoban chiqariluvchi yordam matnlari chiqarilishi maqsadga muvofiq.