Ellikqala pedagogika fakulteti

Juwmaq

Qaraqalpaq tili páni bilimlendiriw basqıshlarında úyreniledi, sonlıqtan mektep, kásip-óner kolledji ham akademiyalıq liceylerde qaraqalpaq tilin oqıtılıw zárúrliligin, ózgesheliklerin hám til bilimin oqıtıwdıń maqset hám wazıypaların belgilep alıw, baǵdarlamada berilgen materiallardıń mazmunın anıqlaw, oqıw baǵdarlamadaǵı materiallardıń izbe-izligi hám mazmunına tiykarlanıp oqıwshılar ushın jaratılatuǵın, dúziletuǵın sabaqlıq, oqıw qollanbalarına qoyılatuǵın talaplardı úyreniw, oqıwshılardıń belgilengen oqıw basqıshlarında ózlestiriwi kerek bolǵan bilimler, solarǵa baylanıslı qáliplesitiriwi kerekli bolǵan bilim hám kónlikpelerdiń nátiyjeleri belgilenip, arnawlı sabaqlardı shólkemlestiriw zárúr.
Qaraqalpaq til bilimi tarawları fonetikadan baslap sintaksiske shekem mektep sabaqlıqlarında basqıshpa-basqısh úyrenilip barıladı.Biz bul jumısımızda jay gáplerdi oqıtıw metodikasın kórip shıqtıq. Sintaksistiń bir bólimin qurawshı jay gápler hám olardıń túrlerin oqıwshılarģa úyretiw mektep sabaqlıqlarında birneshshe temalardı qamtıydı hám hár sabaq barısında temalar pedagogikalıq sheberlik penen oqıtıwdı talap etedi. Bul jumısımızda jay gáplerdi, bir bаs aģzal hám eki bas aģzalı gáplеr,feyil bir bas aǵzalı hám atawısh bir bas aǵzalı gáplеr,tolıq hám tolıq emes gápler hám qospalanģan jay gáplerdi oqıtıw metodikasın kórip shıqtı