Ер миллий бойлигимиздир, ундан ноқонуний фойдаланманг, жавобгарлиги бор

Ер миллий бойлигимиздир, ундан ноқонуний
фойдаланманг, жавобгарлиги бор


Ер азалдан халқнинг энг асосий ва бебаҳо бойлиги ҳисобланади.
У мамлакатимиз миллий бойлигининг энг муҳим қисми, ишлаб чиқаришни юритишнинг асосий негизидир.
Шуни алоҳида таъкидлаш керакки, Республикамиз иқтисодиёти барқарорлигини таъминлашда, аҳолини озиқ-овқат маҳсулотларига бўлган эҳтиёжларини янада тўлароқ қондиришда ер ресурсларидан унумли ва оқилона фойдаланиш муҳим аҳамиятга эга.
Ерга хўжасизларча муносабатда бўлиш, ерларни яхшилаш ва яроқли ҳолга келтириш мажбуриятларини бажармаслик, ерларни ўзбошимчалик билан эгаллаш ва ўзбошимчалик билан эгалланган ер майдонида ноқонуний қурилишлар амалга ошириш каби ҳолатлар, энг аввало, ер тўғрисидаги қонун ва қоидаларни яхши билмаслик ёки унинг нормаларига лоқайдлик билан қараш ҳамда бажармасликдан келиб чиқади.
Ердан оқилона, самарали фойдаланиш ва уни муҳофаза қилишни таъминлашда Ўзбекистон Республикаси Президентининг 2022 йил
21 февралдаги “Ер участкаларидан фойдаланишда давлат назорати самарадорлигини ошириш чора-тадбирлари тўғрисида”ги 138-сонли қарорининг аҳамияти жуда каттадир.
Ушбу қарор билан “Е-YER NAZORAT” автоматлаштирилган ахборот тизими ишга туширилиб, ерга оид ҳуқуқбузарликларнинг мониторинги юритиб борилмоқда.
Шунга кўра, ерларни муҳофаза қилиш, ундан илмий асосланган тарзда оқилона фойдаланиш ва ерга оид ҳуқуқбузарликларга йўл қўймаслик мақсадида Кадастр агентлигининг туман бўлими ер ва кадастр назорати инспекторлари томонидан жойларда профилактик ва назорат тадбирларини мунтазам олиб борилиб, аниқланган қонунбузилиш ҳолатларини “Е-YER NAZORAT” автоматлаштирилган ахборот тизимига киритиб борилмоқда.
Уйчи туманида 2022 йил давомида бўлим томонидан 271 та маъмурий ҳуқуқбузарликлар аниқланиб, шундан Ўзбекистон Республикаси Маъмурий жавобгарлик тўғрисидаги кодекснинг 60-моддаси 2-қисми бўйича 60 та,
3-қисми бўйича 5 та, 68-моддаси 1-қисми бўйича 4 та, 68-прим-1-моддаси бўйича 202 та ҳуқуқбузарлар маъмурий жавобгарликка тортилган.
Шунингдек, Кадастр агентлиги Уйчи туман бўлими томонидан ер участкаларининг ўзбошимчалик билан эгаллаб олишини олдини олиш мақсадида ер ва кадастр назорати тадбирлари давомида туман бўйича 65 та ҳолатда 3,93 гектар ер майдони ўзбошимчалик билан эгаллаб олинганлиги аниқланган.
Шу ўринда эслатиб ўтамизки, Ўзбекистон Республикаси “Ер кодекси”нинг 91-моддасида ўзбошимчалик билан эгаллаб олинган ер участкалари уларга ғайриқонуний равишда эгалик қилинган ва фойдаланилган вақтда қилинган сарф-харажатлар қопланмаган тарзда тегишлилигига кўра қайтариш, ер участкаларини фойдаланиш учун яроқли ҳолатга келтириш, шу жумладан ундаги иморатларни бузиш, ер участкаларини ўзбошимчалик билан эгаллаб олган шахслар ҳисобидан амалга оширилиши белгиланган. Ўзбошимчалик билан эгаллаб олинган ер участкасини ер эгасига, ердан фойдаланувчига, ер участкаси ижарачисига ёки мулкдорига қайтариш суднинг ҳал қилув қарорига кўра амалга оширилади.
Бундан ташқари, Маъмурий жавобгарлик тўғрисидаги кодекснинг: