Erkaklar Nega "yomon"

Maftunkorlik omili №32 
Erkak hamma narsani o`z qo`lida deb o`ylay qolsin. Shunda u o`z-o`zidan hamma 
ishni siz istagningizdek qila boshlaydi, chunki sizning nazaringizda u “qirol”dek 
bo`lishni istaydi. 
Haftada ikki marta u o`zini saxiy va mehribonligini namoyon etganda, bu dunyoda 
undan zo`ri yo`qligini e`tirof eting. U o`zini yo`lboshchi, buyuk va qudratli qahramon 
deb his etsin. Qani endi ayting-chi, uni kim boshqarayapti? 
Mening dugonam Annet o`zining achchiq tajribasida bunga guvoh bo`ldi. U turmush 
o`rtog`i bilan suhbatlashib orqa hovlida nogohon ilon paydo bo`lganini va uni qanday 
o`ldirganini aytib berdi. U so`radi: ”Sen uni qanday o`ldirding?” Annet esa bo`lgan 
voqeaning ipidan ignasigacha aytib berdi. Qanday qilib uzun tayoq olib butun hovlida 
ilonni quvgani va uni urib-urib o`ldirganini hikoya qildi. Er o`z dahshatini yashirolmay 
unga tikilib, etlarni jimirlatadigan voqeani eshitardi. Shu tunda esa erning erkakligini 
namoyon etishga na majoli keldi va na xohishi.
Bo`lib o`tgan voqeani tushuntirish juda oddiy: siz o`zingizni Tarzandek tutsangiz, 
yoringiz o`zini Jane deb his etadi. Erkak zotining oldida hattoki chivinniyam o`zingizcha

---

58 
o`ldirmang. Hech narsani tuzatmang, kuygan lampochkaniyam almashtirmang (bunday 
ehtiyotsizlikdan Allohning o`zi asrasin). 
Har qanday kuchli erkak uchun muhimi o`zini erkak deb his etishi. Bu hamisha 
itoatkor bo`ling degani emas. Ayni vaqtda aqlni shoshiradigan
bo`lishingiz kerakligini 
ham unutmang. Ammo uni alqash ham esdan chiqmasin. Uni e`tirof etish bu unga tobe 
bo`lish degani emas. Bularning orasida katta farq bor. Unga quyidagilarni deb muhtoj 
ekaningizni ko`rsatmang: 
- kundalik muammolarni yechishda; 
- emotsional muvozanat topishda; 
- o`zingizga beradigan bahoyingizni oshirish uchun; 
- o`zingizning ahamiyatli ekaningizga ishonch hosil qilish uchun; 
- o`zingizni to`laqonli shaxs deb his etishingiz uchun. 
Bularning bari emotsional tobelikdan darak. Biroq siz uning jasoratiga ehtiyoj 
sezishingizni va qadrlashingizni ko`rsatishingiz mumkin. Agar uni erkak sifatida 
qadrlashingiz va u bilan faxrlanishingizni sezsa, mutlaqo taslim boldi deyavering.