Фалсафа 2021 №3. p65

51
Philosophy and life / ¹ 3 (14) 2021
Bu yerda, “aqliy” va “naqliy” ilm tarafdorlari o’rtasida katta ziddiyat maydonga kelganini
ko’rish mumkin va ixtilof hozirgacha davom etib kelmoqda.
“Vahdatul vujud” - bu dunyodagi jami yaralgan mavjudod Àllohning zotini
bildiradigan falsafiy tasavvufiy tushunchadir. Unda ikki arabiy so’z, - “vahdat”, ya’ni,
birlik, butunlikni, “vujud” so’zi, tana, moddiylik, ya’ni moddiy borliqni anglatgani
uchun ko’proq bu o’rinda tana, tiynat ashyolarning moddiy qismi “vujud” deb
tushuniladi. Bu tushuncha g’arb falsafasida “materiya” tarzida, rus tilida “telo” so’zlari
ashyolarning moddiy jihatini anglataldi. Butun olam, koinot, borliq Ollohning vujudidir,
borliqning substantsiyasi, mohiyati Ollohdir degan ta’limot hisoblanadi. Barcha ashyolar,
butun olam, koinot – bu Ollohdir, uning vujudidir, uning o’zidir degan talqin. Lekin,
bu masalada bir-biridan farq qiluvchi ikki yondashuv bor. Àyrim tasavvuf faylasuflari
“hamma narsa Uning O’zi” yoki “hamma narsa Udir” deyishgan bo’lsa, boshqa bir
faylasuflar, “hamma narsa Undan” deyishgan. Ya’ni, olamdagi hamma ashyolar, butun
borliq uning O’zi, uning vujudi, tabiat borliq Uning vujudi, olam vahdat Olloh bilan
bitta butunlikni, yagonalikni, butun vujudan iborat degan bo’lsa, ikkinchi guruh
mutasavvufchilar hamma narsa undan, yoki hamma narsa uning hukmi, irodasiga bog’liq,
u hech narsani jismi, vujudida yo’q, balki hamma narsa uning hukmi, amri bilan bor
yoki yo’q bo’ladi, U ya’ni, Olloh alohida bir Halloqi, mo’jiza manbai degan ilohiy
qarashni ilgari surishgan.
Olamni Olloh yaratgan yagona xoliq, mohiyat, sabab ekanligi “Lisonut-tayr”ning
debochasida quyidagicha ifodalanadi:
Ulki maxluqot xalloqidur ul,
Ondin o’zga foniyu boqiydur ul.
Soni’ikim chekti chun sun’i qalam,
Ofarinish tarhini qildi raqam.
Àylagach doyir to’quz aflokni,
Qosir etti fahmidin idrokni [À.Navoiy, 2011: b.3]
Bu majoziy-falsafiy tasvirda Navoiy: U (Olloh) butun maxluqotni yaratgandir, boshqa
ashyolar foniydir, faqat Ugina boqiydir, Olloh mu’jizali qalami bilan, butun borliqni,
undagi ashyolarni yaratdi, xususan to’qqiz falakni yaratdi, lekin uning sir-asrorini idrok
doirasidan tashqari qildi.
Nazmu nasridin tahrir aylabon,
Vahdat asrorini tafsir aylabon
Sendadur ham birliku ham borlig’,
Haylig’u qodirlig’u g’afforlig’ [À.Navoiy, 2011: b.3].
Shuningdek, vahdat ahli deb, xudoni yolg’iz, yagona deb taniganlar, oriflar tarzida
talqin qilingan. Ollohning yagona mohiyat sifatida esa:
Vahdati zotiga quyoshdek tanuq,
Zarradin afzunu quyoshdin yoruq [À.Navoiy, 1991. b. 9]
degan, misollari keltirilgan. Bu satrlarning mazmuni, - Ollohning olamni, borliqni
yaratuvchi yagona mohiyat ekanligi, uning vujudi mavjud bo’lgan olam ashyolari zarradan
ko’pligi esa qo’yoshdek ravshandir.
Navoiy o’zigacha bo’lgan mutafakkirlardan Muhammad G’azzoliy ta’limotida olamning
yaralishi ibtidosi, mavjudligi va intihosiga oid qarashlarini o’z qarashlarida davom ettiradi.
Garchi uning davrida muammo vahdatul vujud tarzida aytilmagan bo’lsada, aynan, moddiy
va nomoddiy borliq, ularning vahdoniyat ya’ni birlik, umumiylik tarzida talqini bor edi.
“Nasoyim ul-muhabbat”ning “Hujjat ul-islom Muhammad b. Muhammad G’azzoliy

---