Fan mazmuni Mashgʻulotlarshakli: maʼruza (M)

Nazorat uchun savollari:
XIX asrning oxiri va XX asrning boshlarida vujudga kelgan iqtisodiy ta’limotlarga xos xususiyatlar nimadan iborat?
XIX asrning 70- yillarida shakllangan qaysi nazariy maktablarni bilasiz?
Marjinalizmning iqtisodiy ta’limotlar tarixida tutgan o‘rni haqida aytib bering?
Kembridj maktabining uslubiyatiga xos xususiyatlari nimadan iborat.
A.Marshallning asosiy asari va unda bosh mavzu nimalardan iborat?
Klarkning iqtisodiy nazariyasnga ta’rif bering.

20-BOB. IQTISODIYOTNI DAVLAT TOMONIDAN TARTIBGA SOLISH TA'LIMOTLARI

1929-1933 yillardagi jahon iqtisodiy inqirozi sanoat jihatidan rivojlangan va past rivojlangan mamlakatlarga katta zarba berdi. Avvalgi (klassik, neoklassik) ta'limotlar tadqiqotida mikroiqtisodiy tahlil (alohida korxona) asosiy o`rinni egallagan bo`lsa, inqiroz katta ishsizlik sharoitida boshqacha, makroiqtisodiy tahlil (davlat, jahon) ga zarurat tug`ulgan edi. Fanning bu sohasida hozirgi davrning taniqli iqtisodchisi J.M.Keyns muhim kashfiyotni yaratdi. Xuddi shu davrda ijtimoiy iqtisodiyot masalarida munozara kuchaydi. Unda erkin xo`jalik faoliyati va davlatning iqtisodiyotga aralashuvi, trestlar va sindikatlar, proteksionizm va fritrederlik muomalalari ko`ndalang bo`lib turar edi. Shu davrdagi ilmiy tadqiqotlar muammosi hozirga davrda, hozirgi kunlarda ham nihoyat dolzarb, chunki davlat bozor iqtisodiyotini tartibga solishi kerakligi kerakmi-yo`qmi masalasi uzul-kesil hal etilmagan. Bu borada ikki yo`nalish hukmron. Keyns ta'limotigi to`la asoslanuvchilar - keynschilar va unga qisman qo`shiluvchilar neoliberalllardir.

18.1.J.M.Keynsning iqtisodiy ta'limoti XX asrning birinchi yarmida iqtisodiy inqirozlarning dam-badam takrorlanishi tufayli ko`pgina "kapitalizmni tartibga solishga" oid iqtisodiy g`oyalar soni ko`paydi. Ana shunday yo`nalishning yorqin tarafdori bo`lib ingliz iqtisodchisi Jon Meynard Keyns (1884-1946) shuhrat qozondi. Iqtisodchi, davlat arbobi bo`lgan Keyns Iton va Kembridj universitetlarida iqtisodiyot va matematikadan ta'lim oldi, A.Marshall qo`lida o`qidi (1902- 1906, 1909-1915 yillarda o`qituvchilik qildi, 1920 yildan Kembridj universitetida professor, 1913-46 yillarda iqtisodiy jurnal muharriri bo`lib ishladi. 1909 yil "Indeks uslubi" iqtisodiy maqolasi, 1913 yilda uning birinchi asari - "Pul muomalasi va Hindiston moliyasi" kitobi chop etildi. 1919 yilda "Versal tinchlik shartnomasining iqtisodiy oqibatlari" nashr etilishi bilan u iqtisodchi sifatida ko`pchilikka tanildi. Bu asarida u shartnomaga nisbatan bir qancha tanqidiy fikrlar bildirgan edi. Keyns 20- 30 yillarda iqtisodiyotga oid bir nechta kitoblar yozdi ("Ehtimollik to`g`risidagi risola" (1921), "Pul islohoti to`g`risida risola" (1923), "Mister Cherchelning iqtisodiy oqibatlari" (1925), "Erkin tadbirkorlikning intihosi" (1926), "Pul to`g`risidagi risola" (1930) va boshqalar), ammo unga mashhurlik keltirgan bosh asari - "Ish bilan bandlik, foiz va pulning umumiy nazariyasi" (1936) kitobidir. 1940 yilda "Urush xarajatlarini qanday qoplash mumkin" degan kitobi ham nashr etildi. Bu asarlardagi bosh masala kapitalizmni oqlash, uning inqirozlarsiz rivojini ta'minlashning abadiyligini isbotlashga urinishdir. Uning yaratgan nazariyasi iqtisodiyot ta'limotlari tarixida alohida o`rin egallaydi va bu o`ziga xos inqilob bo`lib, hozirgi davrda ham ahamiyatlidir. Keyns asosiy asarining boshidayoq klassik maktabga qarshi ekanligini bayon etdi. Keyns ta'limotining asosiy va yangi g`oya shuki, bozor iqtisodiy munosabatlari tizimi mukammal va o`z-o`zini avtomatik ravishda tartibga sola olmaydi. Shu sababli maksimal darajada bandlikni va iqtisodiy o`sishni faqat davlatning iqtisodiyotga faol aralashuvi ta'minlay oladi. Bu ish davridagi amaliy iqtisodiyotdagi konkret ahvol bilan chambarchas bog`liq edi. Yetakchi olimlarning ta'kidlashicha (J.K. Gelbreyt, M.Blaug), firmalar, monopoliya va oligopoliyalar faoliyatidagi tengsizlik nisbatan kichik doiradagi odamlarning faoliyati bilan bog`liq, bu tengsizlik prinsipida davlatning aralashuvi bilan tuzatilishi mumkin edi. Aslida u iqtisodchi Alfred Marshallning - Kembridj maktabining davomchisidir, ammo yondoshuv boshqacha. Asosiy nazariy muammolar qiymat, kapital, ish haqi va boshqalar bo`yicha asoslanadi. Psixologik omillarning ustunligiga ishonadi va qiymatning mehnat nazariyasini, qo`shimcha qiymatni inkor etadi, uni ishlab chiqarish omillari konsepsiyasi bilan almashtiradi. Keyns kapitalizm bozor iqtisodi illatlarini to`g`rilash uchun davlatning iqtisodiyotga faol aralashuvi tarafdori bo`lib chiqdi. Vaholanki, avvalgi olimlar (klassik maktab) buni inkor etganlar va inqirozni tasodifiy voqea deb hisoblaganlar. Avvalgi tadqiqotchilardan farqli ravishda "samarali talab"ni, ya'ni iste'mol va jamg`arishni birinchi o`ringa qo`yadi. Yuqorida qarab chiqilgan iqtisodiy ta'limotlardan biri - merkantilizimda davlatning iqtisodiyot (siyosat)ga aralashuvi talab etiladi, proteksionim iqtisodiy siyosati shuni talab etadi. J.M.Keyns u yaratgan konsepsiyaga mekantilistlarning ta'sirini imkor etmaydi. Ikkala ta'limotdagi umumiy g`oyalar quydagilardan iborat: Mamlakatda pul masalasini ko`paytirish uchun intilish (pulning qadrini biroz pasaytirish), va shunga muaofiq ssuda foizini kamaytirish va ishlab chiqarishga investitsiyalarni qo`yishni rag`batlantirish vositasi sifatida, baho (narx-navo)lar oshuvini qo`llash (savdo va ishlab chiqarishni rag`batlantirish usuli sifatida), pulning yetishmasligi ishsizlik sababi deb tan olinadi iqtisodiy siyosatning milliy (davlat) xarakteriga ega ekanligi tushuniladi. U tadqiqotning makroiqtisodiy uslubini, ya'ni makroiqtisodiy ko`rsatkichlar bo`lgan milliy daromad va jamg`armalar o`rtasidagi bog`lanish va nisbatlarni tadqiq qilish g`oyasini ilgari surdi. Bu tadqiqot usuli o`z davrida fiziokratlar (F.Kenye, A.Turgo) K.Marks tomonidan qo`llanilgan Keynsgacha mikroiqtisodiy yondashuv, ya'ni alohida xo`jalik obyektlari bo`lgan firmalar iqtisodiyotini tahlil etish rasm bo`lgan edi. Firmaning rivoji millat mamlakat ravnaqi bilan bir deb qaralar edi. Asosiy e'tibor umumiy iqtisodiyotga emas, balki firmaga qaratilgan edi. Keyns ta'limoti iqtisodiy siyosat bilan chambarchas bog`liqdir. Agar Marks kapitalistik tizimning yemirilishini ba1shorat qilgan bo`lsa, Keyns kapitalizm muhandisi sifatida uni ta'mirlash yo`lini aniqlab berdi. Davlat tomonidan rag`batlantiraladigan talab "samarali talab" konsepsiyasi ilgari suriladi. Kapitalizmning bosh illatlari bu ishsizlik va inqirozlardir, Keyns bularning sabablarini sohibkorlar psixologiyasidan topishga intiladi. Inqirozlar kapitalistning qayfiyatiga qarab ro`y beradi, ya'ni optimizmdan pessimizmga o`tganda bo`ladi. Asosiy e'tibor "iste'molga moyillik" va J "jamg`arishga moyillik"ka qaratiladi. .M.Keyns Keynsning umumiy bandlik nazariyasi quyidagilarga asoslanadi: Ish bilan bandlik ortishi tufayli milliy daromad va, demak, iste'mol ortadi, ammo iste'mol daromadga nisbatan sekinroq ortadi, chunki daromad ortishi bilan "jamg`arishga intilish" kuchayadi. Uningcha, asosiy psixologik qonun shundan iboratki, odamlar odatda daromadlar ortishi bilan iste'molni ham o`stiradi, ammo bu o`sish daromadlar darajasida bo`lmaydi. Oqibatda daromadlar o`sishi bilan jamg`arish ortadi va iste'mol nisbati kamayib boradi. Oxirida esa "samarali talab" kamayadi, talab shunday yo`l bilan ishlab chiqarish hajmlariga va bandlik darajasiga ta'sir etadi. Iste'mol talabining yetarlicha o`smasligi yangi investitsiyalarga harajatlarning oshuvi yo`li bilan qoplanishi, ya'ni ishlab chiqarish iste'molining ishlab chiqarish vositalariga qarab oshuvi yo`li bilan qoplanishi mumkin. Shu sababli investitsiyalarning umumiy hajmi bandlik hajmini belgilashda hal qiluvchi rolni o`ynaydi. Keynsning fikri bo`yicha investitsiyalar hajmi investitsiyalarga bo`lgan intilishga bog`liq. Sohibkor investitsiyalarni kapitalning "eng yuqori samaradorligi" foiz darajasigacha pasaygan paytgacha kengaytiradi (foyda normasi o`lchanadigan rentabellik). Qiyinchilik shundaki, kapitalning rentabelligi pasayadi, foiz darajasi esa mo'tadil bo`ladi. Bu holat yangi investitsiyalar uchun imkoniyatni pasaytiradi, demak, bandlik o`sishi ham kamayadi. Kapital "eng yuqori samaradorligi"ning pasayishi kapital massasining o`sishi, shuningdek, kapitalist-tadbirkorlarning bo`lajak daromadlariga ishonchsizlikka "moyilligi" bilan tushuntiriladi. Keyns ta'limoti bo`yicha bandlikning umumiy hajmi uch omilga - "iste'molga moyillik", "eng yuqori samaradorlik" va foiz normasiga bog`liq. Keyns ochgan "asosiy psixologik qonun" uningcha istalgan jamiyat uchun qo`llanilishi mumkin va iste'mol talabining kamomadi asriy tendensiyaga ega hamda barcha uchun yagona iste'mol qonuni mavjuddir. "Kapitalning eng yuqori samaradorligi", qo`shimcha kapital birligi tomonidan vujudga keltiriladigan bo`lajak foydaning shu birlikka ketgan ishlab chiqarish chiqimlariga nisbatidir. Keynsning fikricha daromad, foyda keltiradigan narsalar kapital hisoblanadi (boshqa omillarda ham shunday). Uningcha, kapital noyobligi, ya'ni cheklanganligi tufayli foyda keltiradi. Kapitalning ko`payishi borasida uning samaradorligi yoki foydaliligi kamayib boradi. Ilmiy-texnika taraqqiyoti sharoitida va kapitalning tez jamlanishi tufayli bir avlod umri davomida "kapitalning eng yuqori samaradorligi" nolga tenglashishi mumkin, deydi u. Kapitalning samaradorligi psixologik omillarga bog`liq ekan, endi kapitalistning o`z korxonasining kelajagiga beradigan bahosi uning qayfiyatiga qarab o`zgaradi. Keyns foizga alohida e'tibor beradi, uni pul qarzi uchun berilgan haq deb hisoblaydi. Foiz uningcha muomaladagi pul miqdoriga va "likvidlilik afzalligi"ga bog`liq (likvidlilik - pulga tez aylana olish, qadrlilik demakdir). Uning miqdori "likvidlilik afzalligi"ga to`g`ri va muomaladagi pul miqdoriga teskari proporsionaldir. Keynsning fikricha, foiz normasi ma'lum davrga likvidlilikdan, ya'ni boylikning likvid, pul shaklidan voz kechish hisobiga beriladigan mukofotdir. Boylikning pul shakli eng harakatchan va qulaydir, shu sababli kapitalist doim o`z boyligini pul shaklida saqlashga va undan ajralmaslikka intiladi. Mana shu niyat, mana shu ishtiyoq Keyns tomonidan "likvidlilik afzalligi" deb ataladi. Bu kapitalist likvid shaklda saqlamoqchi bo`lgan resurslarning miqdori bilan o`lchanadi. Keynsning umumiy nazariyasida investitsiyalarning umumiy bandlik hajmini aniqlashdagi asosiy roli to`g`risidagi tezis muhimdir. Ular iste'mol talabining yetarli emasligini to`ldirishi (kompensatsiyalash) kerak. Bunda ishlab chiqarishni kengaytirish masalasi iste'mol talabi oshuvidan alohida qaraladi. Investitsiyalarning ko`payishi ishlab chiqarishga qo`shimcha ishchilarni jalb etishga olib keladi, bu esa bandlik, milliy daromad va iste'mol o`suvini ta'minlaydi. Yangi investitsiyalar tufayli bandlikning dastlabki o`suvi yana qo`shimcha bandlikni vujudga keltiradi, chunki qo`shimcha ishchilarning talabini qondirish zarurati tug`iladi. qo`shimcha bandlikning o`sish koeffitsientini Keyns multiplikator deb ataydi, u bir tomondan investitsiyalar o`sishi, ikkinchi tomondan bandlik va daromadlarning o`sishi o`rtasidagi nisbatni ko`rsatadi. Multiplikatorning formulasi K=dJw:dYw; bunda, K-multiplikator Yw-daromad o’sishi Jw-investitsiya o’sishi Multiplikator "iste'molga eng yuqori moyillik" bilan bog`liq, chunki, u iste'molga ketgan sarflar o`sishining daromadlar o`sishiga nisbatini bildiradi. "Iste'molga eng yuqori moyillik" qancha yuqori bo`lsa, multiplikator ham shunchalik katta va demakki, bandlik yaxshi bo`ladi. Keyns bir qancha hisob-kitoblarga asoslanib, AQSHning multiplikatorini aniqladi, u 2.5 ga teng ekan. Bu daromadlar o`sishi investitsiyalar ortishidan 2.5 marta ortiq, degani, ya'ni 1 dollar investitsiya 2.5 dollar daromad keltiradi. Olim o`zining iqtisodiy dasturini ilgari suradi. Unga ko`ra Keyns kapitalistik jamiyatda ishsizlik va inqirozlarning muqarrarligini tan olmaydi. Ammo, kapitalistik tizim mexanizmi bu voqealarni avtomatik ravishda hal etish imkoniyatiga ega emas. Hozirgi davrda shaxsiy tashabbus asosida yechiladigan masalalarni markazlashgan nazorat asosida hal qilish hayotiy zaruriyatga aylanmoqda. Bunda davlat soliq tizimi, foiz normasini qisman cheklash, ba'zi boshqa yo`llar bilan iste'molga moyillikni oshirishga yordam berishi kerak, deydi u. Hozirgi davr tili bilan aytganda, Keynsning fikricha, bozor iqtisodiyotida talab va taklif avtomatik tarzda muvozanatga kelmaydi. O`z davrida J.B.Sey va biz yuqorida ko`rib chiqqan boshqa olimlar bu masalada yagona fikrda bo`lib, har qanday taklif o`z-o`zidan talabni yaratadi ("Bozor qonunlari") degan edilar. Keyns "Sey qonuni"ga qarshi chiqadi, uni to`g`ri tanqid ostiga oladi. Xususiy investitsiyalarni rag`batlantirish uchun foiz normasini tartibga solish taklif etiladi. Uningcha, davlat muomaladagi pul miqdorini oshirish yo`li bilan foiz darajasini tartibga solish imkoniyatiga ega. Muomaladagi pul miqdorini oshirish amalda inflatsiya (pulning qadrsizlanishi)ni qo`llash demakdir, ammo bunda ssuda foizi kamayadi va pul ishlab chiqarishga qo`yish uchun rag`batlantiriladi. To`la bandlikni ta'minlash uchun faqat investitsiyalarning emas, balki milliy daromadni ham tartibga solish taklif etiladi. Buni hal qilish vositasi sifatida soliqlarga murojaat qilish kerak deyiladi. Aholining "jamg`armalari"ni muomalaga kiritish maqsadida soliqlarni oshirish talab etiladi va bu omonatlar davlat investitsiyalarini oshirish uchun foydalanilishi mumkin deyiladi. Shu vaqtning o`zida boylarning solig`ini oshirishga qarshilik qilinadi. Keyns o`z taklifini quyidagicha tushuntiradi: Mehnatkashlarning soliqlarini oshirishdan maqsad - ularning "jamg`armalari"ni kamaytirish va iste'molni rag`batlantirishdir. Real ish haqini pasaytirish uchun inflatsiya asosida narx-navoni oshirish yo`li tavsiya etiladi. Real ish haqini pasaytirmasdan to`liq bandlikni ta'minlash mumkin emas, degan fikr ishchilarga uqtiriladi. Daromadlilikning pasayib borishi tufayli bandlikning birmuncha ortishi ilgari band bo`lganlarning real daromadlari qisqarishi bilan bog`liq. Keyns ishchilarga murojaat qilib, ish haqini oshirish uchun kurashish kerak emas, deydi, chunki bu jami real ish haqining ishchilarning turli guruhlari o`rtasida qayta taqsimlanishiga olib keladi, uning o`rtacha miqdori esa o`zgarmaydi. U ish haqini "o`zgartirmaslik" siyosatini o`tkazish va shu yo`l bilan narx-navo o`sishi sababli ish haqini oshirish talablarini yo`qqa chiqarishni taklif etadi. Uningcha, ishchilar real ish haqining pasayishiga chidashlari kerak, chunki shu yo`l bilan ishsizlikning oldi olinadi. Kapitalistlarga esa real ish haqini pasaytirishning ahamiyati tushuntiriladi. Keyns bundan tashqari nominal ish haqini pasaytirishga ham qarshi emas edi. Ishsizlik va inqirozlarga qarshi kurash bahonasida unumsiz iste'molning barcha ko`rinishlari turli yo`llar bilan reklama qilinadi. Iqtisodiyotni harbiylashtirish bilan birga hukmron sinflarning parazitik iste'molini oshirish ana shunday yo`llar guruhiga kiritiladi. Keynsni hozirgi davrda hammaga yaxshi tanish ibora bo`lgan "aralash iqtisodiyot"ning otasi deyish mumkin, bu iqtisodiyotda hukumat hal qiluvchi o`rinni egallaydi. Sof iqtisodiyot deyarli hech qaysi davlatda yo`q. Keynsning iqtisodiy g`oyalari birinchi navbatda "buyuk inqiroz" ta'siri ostida paydo bo`ldi. 1929-1933 yillardagi bu buyuk inqiroz Amerikani larzaga keltirdi, ishlab chiqarish yarmiga (50%)ga qisqardi. 17 mln odam ishsiz edi (25%), 9 mln omonatchi kuyib qoldi. Ana shunday sharoitda iqtisodiyotni qutqarishning muhim yo`li - hukumat harajatlari ekanligi ko`rsatib berildi. Keyns o`zining asosiy asarining birinchi satrlaridan boshlaboq "klassik iqtisodiy maktabga qarshi" ekanligini yozadi (ayniqsa davlatning iqtisodiyotga aralashuvi masalasida turli fikrlar mavjud). Keyns yaratgan sifat jihatidan yangi ta'limotda o`sha davrda aosan shaxsiy xususiy tashabbusga berilgan masalalarni nazorat qilish uchun markazlashgan nazoratni yaratishni hayotiy zarurat ekanligi ko`rsatiladi Davlat iste'molga moyillikni oshirish uchun , qisman , mazkur soliqlar tizimi orqali, qisman foiz normasini belgilash va boshqa mumkin bo`lgan usullar yordamida o`z rahbarlik ta'sirini o`tkazishi kerak bo`ladi. Chunki mavjud sistema (tizim) eng muhimi hozirda ishlayotganlar mehnatini taqsimlashda emas, balki bandlik hajmini aniqlashda yaroqsiz bo`lib qoldi, deb yozadi Keyns. Albatta, to`la bandlikni ta'minlashga zarur bo`lgan markazlashgan nazorat muassasalari tufayli davlatning an'naviy funksiyalarini ancha kengaytirishni talab etadi. Ammo shu bilan birga, shaxsiy tashabbus va ma'suliyatni amalga oshirish uchun keng imkoniyatlar ham doim mavjud bo`ladi, deb o`qtiradi u davlat tomonidan iqtisodiy jarayonlarni tartibga solishning samaradorligi davlat investitsiyalari uchun mablag`lar topish, aholini ish bilan to`la band qilish va foiz normasini qat'iy belgilashga bog`liq bo`ladi.Foiz stavkalari qanchalik past bo`lsa, bu investitsiyalarga rag`batni shunchalik oshiradi, investitsion talab oshadi, bandlik o`sadi, ishsizlik yo`qolib boradi. Ishlab chiqarish omillari (kapital, mehnat, yer) qanchalik to`la jalb etilsa,amalda o`sib boruvchi boholarga ega bo`lamiz (pulning miqdoriy nazariyasi). Resurslar to`liq foydalanilmagan paydo boholarning mo'tadilligi saqlanish mumkin . Keyns nazariyasi bo`yicha massasini 2 marta oshirish boholarning 2marta oshuviga olib kelmaydi. Yetakchi iqtisodchilar fikricha, "Keynscha inqilob haqiqatda ro`y bergan". 18.2. Keynchilar va nokeynschilar J.M.Keyns g`oyalari uning izdoshlari tomonidan .davom ettirildi va uch oqimga ajraldi, biz oqimlarni keynschilik deb ataymiz. Keyns ta'limoti ayniqsa AQSHda katta shuhrat qozondi. Garvard universiteti professorlari E.Xansen (1887-1975), S.Xarris, J.M.Klarklarning asarlarida bu g`oyalar rivojlantirildi va dastlab yangi keynschilik, keyinroq esa ortodoksal keynschilik deb ataldi. Keyns qoidalari asosan to`liq qabul qilindi, ammo masalan, Xansen tomonidan stagnatsiya nazariyasi bilan to`ldirildi. Xansenning fikricha, kapitalizm qiyinchiliklari uning ichki qaramaqarshiliklaridan emas, balki "tashqi impulslar"ning susayganligi tufaylidir. Davlat xarajatlarini o`stirish uchun soliqlarni oshirish taklif etiladi, ularning fikricha, ish haqining 25-30 foizi emas, balki 60 foizini soliq sifatida olish, shuningdek "me'yordagi inflatsiya" ham taklif etiladi. E.Xansen, J.M.Klark va boshqalar multiplikator konsepsiyasini to`ldirdilar. Multiplikatorlar ta'siri keyingi qator davrlarda ham bo`ladi, ya'ni uni uzluksiz jarayon deb qaradilar. Yangi keynschilar samarali talabdan ham yuqori keskin o`sishni tushuntirishga harakat qiladilar. Ular multiplikator prinsipini akseleratsiya prinsipi bilan to`ldirdilar. Bu prinsipga ko`ra, aniq-tiniq sharoitlarda daromadlar o`sishi investitsiyalar o`sishiga olib kelishini ko`rsatuvchi koeffitsiyent (multiplikator tushunchasiga teskari). Multiplikator prinsipiga ko`ra investitsiyaning qanday ishlatilishi juda muhim ahamiyatga ega emas, u ish bilan bandlikni ta'minlab, daromadni oshirishi kerak. Yangi keynschilar esa investitsiyaning qanday ishlatilishiga katta e'tibor berib, industrlashgan investitsiya tushunchasini kiritdilar. Akselerator investitsiya o`sishining daromad o`sishiga, ya'ni investitsiyadan keyingi va undan oldingi daromadlarning farqlari nisbati bilan aniqlanadi. Yangi prinsipning mohiyati shundaki, ba'zi bir asbob-uskuna, mashina va mexanizmlar ishlab chiqarish uchun nisbatan uzoq vaqt talab etiladi, shu muddatni kutish mazkur mashinalar ishlab chiqarishni kengaytirishga psixologik (ruhiy) ta'sir etadi, bu esa real talabdan ortiq bo`ladi va investitsiyaga talab ham ortadi. Multiplikator va akselerator g`oyalariga asoslanib iqtisodiyotning uzluksiz o`sish sxemasi ishlab chiqildi, uning asosida davlat kapital qo`yilmalari yotadi. Davlat budjeti kapitalistik iqtisodiyotda tartibga solinadigan bosh mexanizm hisoblanadi. Soliqlar iqtisodiyot o`sganda oshadi va inqirozlar davrida kamayadi. Davlat to`lovlari esa aksincha, inqiroz davrida oshadi va o`sish davrida kamayadi. Shu yo`l bilan Xansenning fikricha, samarali talab hajmi me'yorlashadi. Bunda xususiy kapital qo`yilmalarini tartibga solish va davlat xarajatlarini sharoitga qarab o`zgartirish chegaralari ham belgilanadi. O`sish davrida davlat xarajatlarini cheklash, inqirozlar davrida uni oshirish va shu yo`l bilan xususiy xarajatlarni kompensatsiyalash taklif etiladi, harbiy iqtisod maqtaladi, uni konyunkturani me'yorlashning eng yaxshi vositasi deb qaraladi (AQSHda harbiy xarajatlar doim yuqori bo`lishiga e'tibor bering). Fransiyadagi keynschilik xususiyatlari. XX asrning 40-yillari Keyns g`oyalari Fransiyada ham shuhrat qozondi. Keyns g`oyalarini to`laligicha (G.Ardan, P.Mendes-Frans) qabul qilganlar ham bo`ldi. Ba'zilari (F.Perru) ssuda foizini tartibga solishni samarasiz deb hisobladilar, bundan ko`ra iqtisodiyotni rejalashtirish taklif etildi. Bunda davlat yo`li bilan tartibga solishni monopolistik kapitalning xususiy manfaatlariga moslashtirish kerak deyiladi. Fransuz olimlari imperativ va indikativ rejalashtirishni ajratishadi. Imperativ rejalar direktiv xarakterga ega (sotsialistik rejalashtirish). Indikativ rejalashtirishda reja markazi asosiy maqsadlarni belgilaydi va turli uslublar bilan tadbirkorlarni ma'lum xatti-harakatlarga yo`naltiradi. Ular faqat davlat sektoridagi korxonalar uchun zaruriy hisoblanadi (Hindiston, Malayziya va boshqa bir qancha kapitalistik mamlakatlarda shu usul qo`llaniladi). Uzoq muddatli prognozlar va rejalar tuzish keng qo`llanilmoqda (bu haqda to`laroq ma'lumot quyida beriladi). Keyns uslubi kapitalizmdagi iqtisodiy inqirozlarning oldini olishga qaratilgan edi, ammo II Jahon urushidan keyin AQSH va boshqa mamlakatlarda bu inqirozlar davom etmoqda. 1948-49, 1953-54, 1957-58, 1960-61, 1967, 1969-71, 1974-75 va 1981-82 yillardagi hamda boshqa inqirozlar bu fikrimizning dalilidir. Bular Keyns ta'limotini tanqid qilish uchun asos bo`ldi. Masalan, S.Xarrisning fikricha, Keyns barcha qiyinchiliklarni hisobga ola olmaganmasalan, to`la bandlikka erishish haqida gap boradi-yu, qanday qilib uni doimo ta'minlash haqida taklif yo`q, inflatsiyaning eng katta darajasi noaniq, davlat qarzlarining chegarasi ham berilmagan. Keyinchalik yangi keynschilik o`rniga postkeynschilik vujudga keldi. Ingliz iqtisodchilari J.Robinson, N.Kaldor, P.Sraffa, amerikalik olimlar A.Eyxner, S.Vayntraub mana shu postkeynschilar guruhiga kiradilar. Ular kapitalistik tizimning ichki turg`unligi konsepsiyasini tanqid qiladilar, Keyns bo`yicha go`yoki asosiy g`oya kapitalistik iqtisodiyotning nostabilligi bo`lgan. Yangi keynschilik g`oyalari ham tanqid ostiga olinar ekan, agar boshqa olimlar Keyns g`oyalarini statik, ya'ni turg`un deb qarasalar, ular bu ta'limotni dinamik, ya'ni harakatchan nazariya deb qaraydilar. Postkeynschilarning avvalgi davrda paydo bo`lgan "yuqori naf", "ishlab chiqarish omillarining eng yuqori unumi" nazariyalarini tanqid qilishi xarakterlidir. Ular o`z g`oyalarini D.Rikardoning qiymat qonuniga asoslanib ilgari suradilar. Ularga polshalik iqtisodchi M.Kalesskiyning taqsimot konsepsiyasi qo`l keldi. Investitsiyalar o`sishi bilan ayrim sinflar iste'molining hissalari o`rtasidagi bog`lanish qonuniyati qarab chiqiladi. Postkeynschilar o`z tadqiqotlariga ijtimoiy-iqtisodiy institutlar, masalan kasaba uyushmalari rolini ham kiritadilar. Bu ta'limotda o`sish va taqsimot muammolari markaziy o`rinni egallaydi. Ishlab chiqarishda o`sish sur'atlari milliy daromadning taqsimotiga bog`liq, daromad va uning o`sishi esa jamg`armaga, umumiy jamg`arma esa ish haqi va foydadan jamg`arilgan jami summaga bog`liq. "Jamg`arishga moyillik" har kimda har xil bo`lgani sababli, taqsimotdagi o`zgarishlar jamg`armaning umumiy summasiga ta'sir etadi. Demak, milliy daromadni taqsimlash uning o`sishiga ta'sir qiladi. Undan tashqari, milliy daromadni taqsimlash kapital jamg`arilishi funksiyasi hisoblanadi. Kapitalning jamg`arilish sur'ati foyda normasini belgilaydi va demak, milliy daromaddagi foyda normasini aniqlaydi. Ish haqi hissasi qoldiq miqdor sifatida qaraladi, ammo ishchilar kurashi bu nisbatga ma'lum o`zgartirish kiritishi mumkin. Bu yo`nalish tarafdorlarining fikri real haqiqatga ancha yaqin g`oyalar hisoblanadi. Postkeynschilar iqtisodiy siyosatlarda kapitalistik iqtisodiyotni tartibga solish mexanizmini yanada takomillashtirish tarafdorlari edilar. Ko`pchilik "daromadlar siyosati"ni oqlaydi, chunki bu yo`l bilan inflatsiyaga qarshi kurashish mumkin. Keyns g`oyalarini neoklassik yo`nalish bilan yaqinlashtirishga intiluvchilar ko`p bo`lgan. Ular orasida A.Piguning xizmatlari katta. Uning fikricha, inqirozlarning asosiy sababi - bu ish haqining kam egiluvchanligidir. Bandlik to`la bo`lmagan holda makroitisodiy muvozanat faqat ish haqi va baholarning elastik (qayishqoq) bo`lmagan holatida mumkin deb qaraladi. Hozirgi davr keynschiligida ikkita tendensiya xukmron blib hisoblanadi: 1) AqShning bir qator iqtisodchilari nomi bilan bog`liq amerika keynschilari va 2) avvalo Fransuz tadqiqotchilari nomi bilan bog`liq Yevropa keynschilari.

18.3. Keynschilikning AQSHdagi xususiyatlari. Iqtisodiy o`sish nazariyalari 50-yillarda keynschilik g`oyalari rivojlantirilib, yangi g`oyalar ilgar surildi. Ularning asosiy mohiyati iqtisodiy o`sish sur'atlari doimligini ta'minlovchi mexanizmlarni aniqlash va isbotlashdan iboratdir. Oqibatda "mulsipirikator-akselerator" sistemasini hisoblashga asoslangan va o`ziga xos keynschilikning o`sish nazariyalari, jamg`arish va iste'mol o`rtasidagi o`zoro bog`lanish xarakteristikalaridan foydalanib iqtisodiy dinamikani modellashtirish yuzaga keldi. Yuqorida tilga olingan iqtisodiy o`sish nazariyalarining asosiy namoyondalari Massachuset texnologiya instituti professor Yevsey Domar (1914) va Oksford universiteti professori Robert Xarrod (1890-1978) hisoblanadi. Ularning nazariyasi (modeli) iqtisodiyotning doim (mo`'tadil) sur'atlarda o`sishi dinamik barqarorlik (ilgarilab borish) ning asosiy sharti sifatida maqsadga muvofiq ekanligining umumiy xulosalarini birlashtiradi. Ularning fikricha, shundagina ishlab chiqarish quvvatlari va mehnat resurslaridan to`la foydalanishga erishish mumkin. Xarrod- Domar modelining boshqa bir qoidasi bo`yicha ayrim parametrlar, chunonchi daromadlardagi jamg`arma hissasi va kapital quyilmalarning o`rtacha samaradorligi uzrq davr mobaynida doim deb tan olinishi hisoblanadi. Mualliflar dinomik barqarorlik va doimiy o`sishga erishish avtomatik ravishda bo`lmasligi, balki davlatning shunga muvofiq siyosati natijasida, ya'ni davlatning iqtisodiyotga faol ishtiroki tufayli ro`y berish mumkinligini ta'kidlaydilar. Domar va Xarrod modellaridagi farq-boshlang`ich pozitsiyalardagi ayrim ko`rsatkichlardir. Masalan, Xarrod medelida investitsiya va jamg`armalar tengligi g`oyasi, Domarda esa pul daromadlari (talab) va ishlab chiqarish quvvatlari (taklif) teng deb qabul qilinadi. Ikkala olim shunga ishonchlari komilki, daromad o`sishini ta'minlashda investitsiyalar roli, ishlab chiqarish quvvatlarining oshirilishi faoldir, bunda shu narsa ko`zda tutiladiki, o`sishi bandlikka yordam beradi, bu esa o`z yo`lida, korxonalarning yarim quvvat bilan ishlashi va ishsizlikning oldini oladi. Bu Keynsning shu sohadagi konsepsiyasini so`zsiz tan olishdir; chunki Keyns bo`yicha, iqtisodiy jarayonlar investitsiya va jamg`armalar orasidagi proporsiyalar xarakteri va dinamikasiga bog`liq, aniqroq aytilsa investitsiyalarning ildam o`sishi, baholar darajasi o`sishiga sabab bo`ladi, jamg`armalar o`sishi esa korxonalarning to`la ishlamasligi va ishsizlikning sababidir.

18.4. Keyns g`oyalarining hozirgi davrdagi ahamiyati Shuni aniq qilib aytish kerakki, Keyns ta'limoti inqirozlar, urushlar va urushdan keyingi davrlar uchun samarali bo`ldi, chunki favqulotta holatlar davrida davlatning roli kuchli bo`lishi kerak. Amalda esa, ayniqsa 2-jahon urushidan so`ng G’arb mamlakatlarini sotsialistik oriyentatsiyasi kuchaydi (davlat mulki oshib bordi), davlat budjeti qarzlari ko`payib, ishsizlik ham o`sgan, inflatsiya kuchli. Bu ijtimoiy ishlarni ko`paytirishga qaratilgan tadbirlar oqibatidir deb tan olinmoqda. Ishsizlikning ish haqini pasaytirish yo`li bilan hal etish tarafdorlari ham mavjud, ammo pul massasini ko`paytirish (inflatsiyaga olib keladi), ya'ni emissiya yo`li ko`pchilikka oson ko`rinadi. Bu konsepsiya ma'lum davr mobaynida inflatsiya bo`lmagan holda minemal ishsizlik darajasini isbotlashga imkon beradi. 70-yillardan boshlab Keyns ta'limotiga nisbatan davlatning iqtisodiyotga aralashuvi bo`yicha neoliberalizm g`oyalari asosiy bo`lib qoldi, chunki bu davrda jahoning ko`pgina mamlakatlarida inqiroz holatlari doim voqeaga aylanib qoldi. Inflatsiya, davlat budjetining kamomadi, ishsizlik toboro kuchaydi. Neoliberallar keynschilarni tanqid qilar ekanlar, iqtisodiyotda davlat sektorining oshuvi, erkin raqobatning kamayishi, iqtisodiyotning muhim tarmoqlariga investitsiyalar kamayganligi ular g`oyalarining sayozligidan dalolat beradi, deb hisoblaydilar. 70-80-yillar neoliberal g`oyalar iqtisodiyotda tobora ustunligini egallay boshladi. Ko`p davlatlarda iqtisodiyotni denatsionalizatsiya qilish kuchaydi (nodavlat shakllariga o`tildi). Buning oqibatida Buyuk Britaniya (Tetcherizm), Fransiya, Yaponiya, Chili (Pinochet), Ispaniya va boshqa mamlakatlarda davlatning iqtisodiyotga aralashuvi minimallashtirildi va iqtisodiy ahvol yaxshilandi.

1.1Keyns ta'limotining mohiyati, "Bandlik, foiz va pulning umumiy nazariyasi" asari to`rsida nima bilasiz?

2.Davlat iqtisodiyotga nima uchun aralashuvi kerak?
3.Keyns ta'limotiga qanday shart- sharoitlar asos qilib olingan?
4.Keynsning "psixolok qonuni" nimani anglatadi?
5.Investitsiya, multiplikator koeffitsienti nima?
6. Foiz , likvidlikning mohiyati nimada?
7. Davlatning iqtisodiyotga arashuvi doiralari qanday?
8. Amerika va Yevropadagi keynschilik xususiyatlari nima?
9. Domar- Xarrodning iqtisodiy o`sish nazariyalari nimani bildiradi?
10.Keyns ta'limotining hozirgi davrdagi ahamiyati nimadan iborat?

Mavzu-21: Hozirgi zamon iqtisodiy ta’limotlarining asosiy yo‘nalishlari (Institutsionalizm)

Asosiy savollar:

1.Iqtisodiy fanda sotsial-institutsional yo‘nalish.
2.T.Veblen – institutsionalizm asoschisi.
3.J.K.Gelbreyt «Yangi industrial jamiyat konsepsiyasi».
4.Iqtisodiy o‘sish bosqichlari
5.Monetarizm konsepsiyasi.

Institutsionalizm yo‘nalishi.

Ijtimoiy-institutsional yo‘nalishning boshlanishi X1X asrning oxirlariga to‘g‘ri keladi va XX asr 20-30 yillarida AQSH da keng tarqalgan.
Iqtisodiy ta’limotlardagi institutsionalizm yo‘nalishi AQShda 20-asrning 20-30yillarida keng tarqaldi. Bu yo‘nalish nomi lotincha «instituto» - urf-odat, ko‘rsatma, muassasa so‘zidan olingan va kapitalizmning imperializm bosqichiga o‘tishi bilan bog‘liq ravishda ro‘y berdi (sanoat va moliya monopoliyalari, korxonalarning yiriklashuvi va b.). Institutsionalistlar moddiy omillar bilan birga ruhiy, ma’naviy, huquqiy va boshqa omillarni iqtisodiyotning harakatlantiruvchi kuchi deb hisobladilar.
Yo‘nalish vakillarining fikricha institutlar jamiyat rivojlanishining harakatlantiruvchi kuchlari bo‘lib xizmat qiladi. Ob’ektiv iqtisodiy qonunlar tan olinmaydi. Xususiy mulk, soliq, pul, kredit, foyda va savdo kabi iqtisodiy kategoriyalar jamiyat ruhining paydo bo‘lishi shakli hisoblanadi.
Bu yo‘nalishdagilar ma’lum guruhlarning odat, an’analari, yurish-turishi, o‘ylash usullari, huquqiy-ahloqiy va boshqa ko‘rinishlar evolyutsiyasini tadqiq qiladilar.
Institutsionalizm evolyutsiyasi uch davrga bo‘linadi.
1. Eski negativ maktab (20-30 yillar) - T.Veblen (1857-1920), J.R.Kommons (1862-1945), U.Mitchell (1874-1948), J.Gobson (1858-1940), U.Gamilton g‘oyalarida namoyon bo‘ldi. Iqtisodiy jarayonlar turli tushunchalar asosida bayon qilinadi. Masalan, Veblen iqtisodiy jarayonlarni ruhshunoslik, biologiya va antropologiya bilan bog‘laydi. Kommons - ruhshunoslik huquqini , Mitchell - antropologiya va matematika hisob-kitoblarini ustun qo‘yadi.
2. Kechki institutsionalizm (1 jahon urushidan keyin) J.M.Klarkning «Iqtisodiy institutlar va insonlar farovonligi» asarlarida, G.A.Berlining «Mulksiz hokimiyat» va «XX asr kapitalistik inqilobi» asarlarida, G.Minzning aksionerlar soni ortishi, kapital mulkning kapital funksiyadan ajralish jarayoni haqidagi maqolalarida qayd etilgan.
3. Neoinstitutsionalizm 60-70 yillardagi ijtimoy institutsional yo‘nalish. Amerikalik nazariyotchi L.Lou, shvesiyalik iqtisodchi G.Myurdal tomonidan ishlab chiqarilgan. J.K.Gelbreyt va R.Xeylbroner tomonidan rivojlantirilgan. Iqtisodiy jarayonlar rivoji industriya va texnokratiya rolining o‘sishi bilan bog‘liq qaraladi. Ijtimoy hayotga asoslanib, iqtisodiy jarayonlar borishi tushuntiriladi.
Birinchi davrdagi iqtisodiy g‘oyalar uch oqimga bo‘linadi.
1.Ijtimoiy-psixologik (T.Veblen).
2.Ijtimoiy-huquqiy (Jon R.Kommons).
3.Emperik yoki kon’yuktura-statistik (U.Mitchell).
Institutsional g‘oyalar evolyutsiyasining birinchi davridagi ijtimoiy-iqtisodiy qarashlarini uchta asosiy oqimlarga ajratish mumkin.
Institutsionalizmning vatani AQSH, uning asoschisi Torsten Veblen (1857-1929) hisoblanadi. Zamonaviy institutsionalizm yo‘nalishining dastlabki ko‘rinishlari T.Veblenning «Bekorchilar sinfi nazariyasi» (1899) asarida izohlab berilgan.
Bu asarda u kapital egalarini bekorchilar sinfiga kiritadi. Kapital egalarini faqat o‘z kapitallariga keladigan foyda qiziqtiradi, ular o‘z kapitallarini ishlab chiqarishga ko‘ymaydilar, balki faqatgina kreditga beradilar. Ularning daromad manbai real sektor emas, balki moliya sohasida aylanib turuvchi qimmatli qog‘ozlar hisoblanadi. Ishchilar va ishlab chiqarishni tashkil etuvchilarni unumli sinfga kiritadi.
Shuningdek, u mavjud tuzumni isloh va modernizatsiya qilishga intiladi, jamiyatda ilmiy-texnika inqilobini kuchaytirish, hokimiyatni texnik intelligensiya qo‘liga berish bilan hal etishni taklif qiladi. T.Veblen Yangi jamiyat qurishni va unda texnika-texnologiya ahamiyatini ustun qo‘yadi.
2. Jon Kennet Gelbreyt (1909 yilda tug‘ilgan) o‘zining «Yangi industrial jamiyat» (1967) nomli asosiy asarini iqtisodiyotda «texnostruktura»ning tahlili va roliga bag‘ishlandi. Texnostruktura deganda, J.K.Gelbreyt fikriga ko‘ra, texnologiyalar bo‘yicha olimlarni, konstruktorlarni, mutaxassislarni o‘z ichiga oluvchi jamiyat qatlamlari, boshqaruv, moliya va umuman olganda, yirik korporatsiyalarning normal ishlashini ta’minlash uchun kerak bo‘lgan barcha narsalar tushuniladi.
Zamonaviy korporatsiyalarda real iqtisodiy hokimiyat kapital egalari va menedjerlarga emas, balki texnologik bilim egalari – texnostrukturaga tegishli bo‘ladi. Chunki zamonaviy jamiyatda eng noyob resurs – bu axborot, Fan-texnika (yer va kapital emas) hisoblanadi. Shuning uchun real hokimiyat texnostruktura qo‘lida. Insonning jamiyatdagi o‘rni, mavqei va nufuzi endi uning mulkiy boyligidan ko‘ra malakasi va bilim darajasiga ko‘proq bog‘liq bo‘ladi.
U shuningdek mayda va o‘rta tadbirkorlarni, uy-joy quruvchilarni, tibbiy xizmat ko‘rsatish bilan shug‘ullanuvchilarni, qishloq xo‘jaligi va san’atda ish bilan band bo‘lganlarni davlat tomonidan qo‘llab-quvvatlashini talab qilib chiqdi. Bu esa ishlab chiqarish va xususiy investitsiyalarning barqarorlashuviga olib keladi. Davlatning aralashuvi inflyatsiyani to‘xtatish uchun ham zarur.

Iqtisodiy o‘sish bosqichlari

Amerika olimi Uolter Rostou (1916) o‘zining «Iqtisodiy o‘sish bosqichlari» (1960) kitobida jamiyatning xo‘jalik rivojlanishi bosqichlarini ko‘rsatib berishga harakat qildi.
U.Rostou iqtisodiy taraqqiyotning beshta bosqichini ko‘rsatib berdi:
1. An’anaviy jamiyat. Nyutongacha bo‘lgan Fan va texnika hamda qishloq xo‘jaligining ustunligi bilan ifodalanadi.
2. O‘tkinchi jamiyat: unda iqtisodiy o‘sish uchun shart-sharoitlar yaratilgan bo‘ladi; Fan yutuqlari ishlab chiqarishga tatbiq etiladi, banklar paydo bo‘ladi, ishlab chiqarishni investitsiyalash kuchayadi.
3. Yuksalish davri (sanoat inqilobi): eski an’anaviy uklad asosan tugatiladi, iqtisodiy o‘sish normal holat hisoblanadi, sanoatning asosiy tarmoqlari jadal rivojlantiriladi, davlat eksportni rag‘batlantiradi.
4. Yetuklik bosqichi: aholining o‘sishiga qaraganda mahsulot ishlab chiqarishning doimo ortiq bo‘lishi ta’minlanadi, milliy iqtisodiyotning jahon xo‘jaligiga integratsiyalashuvi kuchayadi, an’anaviy jamiyat batamom tugatiladi.
5. Ommaviy iste’mol bosqichi: uzoq muddat foydalaniladigan iste’mol buyumlari va xizmat ko‘rsatish asosiy ahamiyat kasb etadi.
Uningcha, kommunizm – bu «o‘tkinchi davrning kasali», «yagona industrial jamiyat»ga o‘tishning mumkin bo‘lgan yo‘llaridan biridir.

Nazorat uchun savollar:

Institutsionalizm so‘zining ma’nosini tushuntirib bering.
Institutsionalizmning paydo bo‘lish tarixiy shart-sharoitlarini tushuntiring.
Institutsionalizmning asosiy nomoyondalarini sanab bering.
Monetarizmning asosiy nomoyandasi va g‘oyalari.

Tavsiya etiladigan adabiyotlar:

1. 
   Karimov I.A. O‘zbekiston buyuk kelajak sari. T., O‘zbekiston, 1998.
   
2. 
   Iqtisodiy ta’limotlar tarixi. T., Fan, 1997.
   
3. 
   Razzoqov A. va boshq. Iqtisodiy ta’limotlar tarixi. Darslik. T., Moliya, 2002. 341-354b.
   
4. 
   Islomov A. va boshq. Iqtisodiy ta’limotlar tarixi. O‘quv qo‘llanma. T., O‘zbekiston, 2003. 187-199b.
   

22- mavzu. Jahon xo’jaligi to'g'risidagi iqtisodiy ta’limotlar

1.Halqaro iqtisodiy integratsiya.

2.Halqaro mehnat taqsimoti to‘g‘risidagi qarashlar.
3.Valyuta munosabatlarining tahlili.
4.Rivojlanayotgan mamlakatlar to‘g‘risidagi g‘oyalar

Halqaro iqtisodiy integratsiya. Xozirgacha biz asosan ayrim mamlakatlardagi milliy iqtisodiyot, iqtisodiy jarayonlar tugpisida fikr yuritdik. Ammo iqtisodiyotga xos bulgan muxim bir xususiyat shuki, u che

gara bilmaydi, baynalmilal xususiyatga ega. Agar bu masalaga tarixan yondashilsa, iqgisodiyotning, xo’jaliklarning yakinlashuv jarayoni ilgaridan ma’lum. Masalan, eramizdan av
valgi II asrdayoq, Buyuk ipak yuli bila.n Xitoy, Yaponiya, Koreya mollari Xindiston, Eron, urta Osiyo Orkali Vizantiya va Ita
liyaga olib kelingan, u yerdan sotib olingan mollar boshka mam
lakatlarga olib borilgan. Tarixiy faktlarga murojaat etilsa, har bir karvonda kup sonli odamlar, yuk ortilgan ot, tuya, xachir va boshkalar bulgan, yul bir necha oylab danom etgan. Bu xalqaro savdo yuli XIV-XV asrlarda Amir Temurning olib borgan iqtisodiy siyosati tufayli keng rivojlandi (kam boj olingan, karvon yullari karokchilardan ximoya kilingan, bir kunlik yul oxirida karvonsaroy bulgan, u yerda suv uchun kuduklar, sardoba
lar kurilgan, ot-ulov, yem-xashak va ozik-ovkatlari saklangan).
Amir Temur «Dunyo savdo bilan obod bulur» degan fikr bildirgan, bu fikrning xozirgi davrda kanchalik dolzarbligi hammaga ayon. Bobur Xindistonda podsholik kilgan davrda ham bu soxada muxim ishlar kilingan. Agradan Kobulgacha bulgan yul buylab har 15 mil (1 mil=I.6 km) masofaga 6 tadan ot va unga karaydigan xizmatchilar kuyilib, ular xalqka xizmat kilgan.
Jahon bozorining vujudga kelishi XV asr oxiri va XVI asr boshi bilan belgilanadi. Chunki buyuk geografik kashfiyotlar tufayli Amerika kit’asi, kuplab yangi orol va mamlakatlar ochildi. Ular bilan dengiz orkali iqtisodiy aloka kuchaydi, mustamlakachilik ti
zimi vujudga keldi. iutisodiyotning baynalmilallashuv jarayoni doim rivojlanishda buldi va ayniksa ikkinchi jahon urushidan keyin bu jarayon mazmun jixatdan tobora chukurlashib, xududi kengayib bormokda. Jahon xo’jaligi, uning paydo bulishi, rivojlanishi va takomillashuv konuiiyatlari, tamoyillari doim olim va mutaxassislarning diqk.at markazida bo‘lgan.
2. Halqaro iqtisodiy integratsiya. Nisbiy afzallik konsepsiyasi.
Xozirgi davrda dunyoda 200 dan ortiq mamlakat mavjud bo‘lsa, ularning tabiiy iqlimiy sharoitlari nixoyatda turli-tuman. Ularning axolisi, xo’jalik faoliyati, turmush tarzi ham xilma-xildir. Tarixiy, an’anaviy sharoit tufayli har bir mamlakatda o‘ziga xos xo’jalik faoliyati, mahsulot turlari yuzaga kelgan. Masalan, bizga yaxshi tanish bo‘lgan kartoshka, makkajuxori, pomidor, tamaki Amerika kashf etilgandan keyin bizga olib kelindi va rivojlandi. Shunday yo‘l bilan o‘zaro savdo-sotiq madaniy aloqalar kuchayib bormoqda. Ayniqsa, xalqaro savdo munosabatlari bu borada yetakchi o‘rinni egallaydi va iqgisodiy ta’limotlarda ham bu soxada muxim yutuqlar mavjud. Xalqaro iqtisodiy integratsiya dastlab savdo soxasida keng tus olgan. Halqaro savdo rivojlanishi jarayonlari iqgisodiyoti allaqachon milliy davlatlar doirasidan chiqqan va bular klassiq neoklassik va neokeynschilik nazariyalar hisoblanadi. Ular XIX-XX asrlardagi iqgisodchilar A.Smit, D.Rikardo, R.Torrens, J.S.Mill, A.Marshall (yuqorida ular bilan tanishganmiz.) J.Vayner,. G.Xaberler, G.Jonson, P.Samuelson lardirA.Smit tomonidan mutlaq afzalluk prinspi ishlab chiqilgan, unga ko‘ra, eng kam harajat talab etuvchi tovarlar ishlab chiqarish va eksport qilish samaralidir va aksincha. Klassik iqgisodiy maktab vakili D.Rikardo birinchilardan bo’lib mexnat taqsimoti faqat ayrim ishlab chiqarish sohasidagina emas (A.Smit fikri), balki xalqaro ko‘lamda ham ob’ektiv zarurat ekanligini isbotlab berdi. Olimning fikri shundan iboratki, prinsipial jixatdan qaralsa, har bir davlat o‘ziga kerakli barcha narsani (tovarlarni) ishlab chiqarishi mumkin, ammo bu iqrisodiy jixatdan qanchalik to‘g‘ri, degan savol turiladi. Unga javob berib, Rikardo aytadiki, har bir davlat ma’lum bir mahsulotlarni ishlab chiqarishga ixtisoslashadi, mexnat unumdorligi bo‘yicha turlicha korsatkichga, demak nusbuy afzallukka, ustunlikka ega bo‘ladi. Solishtirma harajatlar tamoyili ham barcha mamlakatlar uchun tegishlidir va qaysi mahsulotni ishlab chiqarish va eksport qilish muammosini hal etilganda hisobga olinishi shart. Shu sababli ayrim davlatlarda u yoki bu soha «mustaqilligi» uchun kurash e’lon qilinganda bu omil albatta yaxshi o‘pganib chiqilishi maqsadga muvofiqdir «Sof» ta’limot tarafdorlari fikricha, jahon bozorida «mukammal raqobat» mavjud; barcha kontragentlar xalqaro savdoda bir xil imkoniyatlarga ega; taklif doimo talabni vujudga keltiradi; savdo balansida o‘qini –o‘zi tartibga solish xususiyati prinsipi bor. Eksport va import baholari nisbatini tushuntirishda ular uzoq muddatli rejalarda «savdo sharoitlari» industrial davlatlar ziyoniga va agrar mamlakatlar foydasiga o‘zgarmoqdahisoblaydilar va buni yer unumdorligining pasayib borishi qonuni bilan bog‘lamoqdalar. Xalqaro savdoning neokeynschilik ta’limoti vakillarining fikricha, har bir mamlakat ichki bozorda kuproq tovar ishlab chiqari~ga intilgani sababli mex,nat va kapital bilan bandlikning tula ervshsligi tufayli ko‘proq eksport qilishga va kamroq import qilishga intiladi. Shu sababli ham xalqaro savdo uzini-uzi tartibga soluvchi jarayon bula olmaydi, aksincha tovar eksporti kapital chiqarish bilan ragbatlantirilishi keraq import esa protekuionistik choralar bilan cheklanishi zarur. Bu choralar umummilliy manfaatlarga mos kelar emish. Keyingi davrda vujudga kelgan iqtisodiy ta’limotlarda E.Xeksher, B.Olin (Shvesiya), P.Samuelson tomonidan yaratilgan «ishlab chiqarish omillarining halqaro taqsimoti» nazariyasi asosiy hisoblanadi. Ularning fikricha, har mamlakat iqtisodiyoti ishlab chiqarish omillari (kapital, mehnat, tabiiy resurslar) bilan bir xil ta’minlanmaganligi bilan, demaq har bir omilning turlicha bahoga egaligi (ish haqi, foiz, renta) bilan tavsiflanadi.. Har bir mamlakat jahon bozoriga ishlab chiqarish omili nisbatan arzon bulgan yul bilan tayyorlangan tovarlar chiqarladi. Bunday ishlab chiqarish ixtisoslashuvi shunga olib keladiki, barcha davlatlar uziga qulay va foydali bulgan xo’jalik tarmoqlarini rivojlantirib, qulay sharoit bulmagan boshqalaridan voz kechadi. Bu nazariya ishlab chiqarishning chiqimlarini mutlaqlashtiradi va xalqaro ixtisoslashuvning yarona mezoniga asoslanadi. Shu sababli jahon savdosi uyg‘un (garmonik) jarayon deb qaraladi.

Ilmiy-texnik progress bilan bogliq iqtisodiy qarashlar ingliz iqtisodchisi Jon Xiks (1904-1989) tomonidan ilgari surilgan. Uning modeli buyicha texnika progressi neytral, mehnatni iqtisod qiluvchi va kapitalni iqtisod qiluvchi guruhlarga bulinadi. Texnika progresihalqaro savdoga ishlab chiqarish va iste’mol orqali neytral, ishobiy va salbiy ta’sir ko‘rsatishi mumkin.

Halqaro mehnat taqsimotiga tanqidiy yo‘nalish.

Butun jahonda hozirgi kunda halqaro mehnat taqsimoti amal qiladi. Davlat xukumatlari halqaro savdoni tartibga solish uchun tariflar joriy etadilar. Xalqaro mehnat taqsimoti butun jahon xo’jaligining tashkil topishi va rivojlanishining hal qiluvchi omilidir. Bunda kapital chiqarish masalalari ham yetakchi urinni egallaydi. Tarixan birinchi bulib neoklayesik ta’limotlar vujudga keldi. Ulardan B.Olin (Shvesiya), K.Iverson (Daniya), R.Nurkse (Avstriya-AKSH) asarlarida uz aksini topgan. Ularning ta’limotlari kapitalning harakatchanligi, mamlakatlarda kapitalning mul-ko‘lligi bilan izohlanadi. Qaysi mamlakatda kapital kam bo‘lsa, kapital migratsiyasi amalga oshiriladi. Bu jarayon to kapital unumi bir xil bulguncha davom etadi. Bu esa ishlab chiqarish omillari samaradorligining usishi, milliy daromadning ortishi, butun mamlakatlar iqtisodiy rivojlanish darajasining tekislanishiga olib keladi.
Kapital chiqarishning neokeynschilik ta’limoti 30-50 yillarda shakllandi, F.Maxlup, Ye.domar va R.Harrot bu nazariyaning asoschilari hisoblanadilar. Ularning fikricha, kengaytirilgan takror ishlab chiqarishda savdo, tulov balansining o'zgarishi tufayli, ya’ni aktiv savdo balansi bulgan mamlakatlarda kapital ortiqchaligi (jamrarmalarning invecritsiyalardan kupligi), passiv balansli mamlakatlarda esa aksincha, kapital yetishmasligi sababli kapital harakati ruy beradi. 60-70-yillarda kapital chiqarishning «dinamik modeli» ommalashdi, unda Harrotning ik:gisodiy dinamika nazariyasi asosida mamlakatlar urtasidagi uzaro kapital eksporti sabablari va oqibatlarini aniqlashga urinish bor. U kapital eksporti va importini yalpi milliy mahsulot usishi, investitsion daromad va tulovlar bilan bog‘lashga intiladi Bevosita investitsiyalar nazariyasiga ko‘ra kapital chiqarish asosan yirik korporatsiyalar tomonidan amalga oshiriladi va boshqa mamlakat kompaniyalarining raqobatiga duch keladi. Buning sababi shuki, hozirgi sharoitda rentabel ishlab chiqarishni tashkil etish asosan chet eldagi bozorlarni egallash bilan bog‘liq.E.X.Chemberlin monopolistik konkurensiya nazariyasini ko‘ra, monopolistik raqobatga emas balki firmaning bozorga, iste’molchi
larning shaxsiy talablariga muvaffatsiyatli moslashishi deb hisobladi Iqtisodiy integratsiya buyicha ta’limotlarda asosiy e’tibor «bojxona ittifoqi»ga berilib, unda uzaro savdo buyicha har qanday cheklashlar bekor qilinishi va «uchinchi mamlakatlar» uchun yarona bojyuna tarifi joriy qilinishi kerak bo‘ladi. Bunda ayrim iqgisodchilar - B.Belash (AK.Sh), V.Rebke (Shveysariya) va boshqalar bu jarayonni ideal zrkin bozor munosabatlariga qaytish shaklida qaraydilar va avvalgi davr voqealarini hozirgi monopolistik davrga ko‘chiradilar. Boshqalari zsa, masalan Ch.P.Kindleberger (AK.Sh), P.Striten (Angliya), A.Marshall va F.Perru (Fransiya)lar yirik korporatsiyalar mavjudligini tan oladilar, ularning fikricha, jahon bozorini uzaro bulib olib, «bojxona ittifoqi» kartellarga qarshi siyosat tufayli ularning faoliyatidagi salbiy tomonlarni neytralizatsiya qiladi, go‘yoki xalqaro integratsiya antimonopol yo‘nalishga zga. Amaliyotda bu jarayonlar har doim ham nazariyadagidek emas, masalan Yevropa iqtisodiy hamjamiyati (umumiy bozor, hozir Yevropa ittifoqi)da kartellashtirishni taqiqlash to‘g‘isida qonun bulishiga qaramasdan, bu jarayon aksincha tezlashdi, bugungi kunda ko‘ptarmoqli kompaniya-konsernlar vujudga kelmoqda. Olimlarning fikricha, iqtisodiy integratsiyaning asosiy ijtimoiy-siyosiy oqibatlari quyidagilardan iborat bo’ladi: ishlab chiqarishning doimo usishi va iqgisodiy inqirozlarning bulmasligi ta’minlanadi; iqgisodiyotning doimo usishi tufayli aholining turmush darajasi ko‘tariladi; ishchi va kapitalistlar o‘rtasidagi sotsial sheriklikni rivojlantiradi; to‘rtinchidan mamlakatlar o‘rtasidagi qarama-qarshiliklar va siyosiy nifoqlar tugatiladi. Demak iqtisodiy integratsiya kapitalistik jamiyatga xos bulgan illatlarni kamaytirish vositasi sifatida qaraladi. Valyuta munosabatlari taxlili. Iqgisodchi olimlar xalqaro valyuta munosabatlariga alohida z’tibor beradilar. Valyuta bozorida milliy valyuta chet zl valyutasiga almashtiriladi. Almashuv (valyuta) kursi- bu chet el valyutasi birligining milliy puldagi ifodasidir. 30-yillargacha tulov balanslarini tartibga solish mexanizmini tahlil etishda D.Yum, J.Mill tomonidan ishlab chiqilgan «klassik» nazariya ustun mavqega ega bulgan. Bu g‘oyaga ko‘ra, oltinning xalqaro harakati va har bir mamlakatdagi baholarning uzgarishi avtomatik ravishda bir-biri bilan bog‘liq, oqibatda barcha mamlakatlarning tulov balansi barqarorlikka intilish tendensiyasiga ega. Oltin standartining tugatilishi bilan olimlarning ko‘pchiligi neokeynschilik pozitsiyalariga o‘tib oldilar «Oltin standarti» XIX asrda va XX asrning ma’lum davrida amalda bulgan, masalan, Buyuk Britaniyada 1821-31 yillar oltin standartidan foydalanilgan, AQShda 1934 yil dollarni oltinga aylantirish tugatildi). Yangi sharoitda tulov balansini tartibga solishda asosiy z’tibor davlatning hisob stavkasiga ta’siri muhim deb hisoblanadi. Boshqa tartibga solish chorasi sifatida importni kamaytirish va zksportni rag‘batlantirish, buning uchun esa mehnatkashlarning ichki tulov imkoniyatlari talabini pasay
tirish (deflyatsiya yuli) yoki milliy valyutani devalvatsiya qilish usuli taklif etiladi.
60-yillardagi iqisodiy jarayonlar neokeynschilik metod
laridan voz kechishga sabab buldi, yana neoklassik yulga qaytildi, ya’ni davlatning iqgisodiy, shu jumladan valyuta ishlariga aralashuvi cheklandi, valyutalar kursining erkin tebranishiga imkon berildi, bu esa o‘z navbatida avtomatik barqarorlashuviga olib kelishi kerak zdi. Ammo valyuta kursi o‘zgarib turishining tulov balansiga ta’siri cheklangan harakterga ega bo‘ladi (masalan, valyutaning «suzib yuruvchi kursi» paytida bu narsa aniq bulib qoldi), chunki tulov balansining barqaror emasligi muomala sohasiga emas, balki ishlab chiqarish bilan bevosita bog‘liq. Tulov balanslari passivi davlatning chet eldagi harajatlariga, ayniqsa turli harbiy-siyosiy aksiyalarga bog‘liq bo‘ladi. Valyuta kursining qalqib turishining uzi ham xalqaro valyuta tizimining beqarorligini kuchaytiradi. Sunggi yigirma yil ichida industrial rivojlangan mamlakatlar chegaralangan, ammo har xolda tartibga solinadigan kursdan elastik valyuta kursiga o’tib oldilar. Absolyut elastik valyuta kursida almashuv kursi valyuta bozoridagi teng kuchli valyuta bahosida belgilanadi, cheklangan kurs chog‘ida esa valyuta kursi Markaziy bank tomonidan belgilanadi, bunda bank belgilangan kurs buyicha xorijiy valyutani harqancha miqdorda olish va sotish majbu
riyatini o‘ziga oladi. Valyutaning elastik kurs miqdori uch omilga bog‘liq.
1. Ichki va tashqi narxlar darajasi. Boshqa sharoitlar teng bo‘lganda ichki baholarning o‘sishi valyuta kursining pasayishiga olib keladi (harid qilish qobiliyati pariteti nazariyasi);
2. Savdo oqimi bilan bog‘liq omillar; masalan, eksport bozorining kamayishi yoki yuqotilishi, defitsit, ya’ni valyuta arzonlashuvini keltirib chiqarish.
3. Kapital oqib o‘tishi. Mamlakat ichida faiz stavkalarining oshishi kapitalni jalb etadi va bu bilan milliy valyutaning qimmatlashuvini keltirib chiqaradi.
Rivojlanayotgan mamlakatlar iqtisodiyoti to‘g‘risidagi ta’limotlar.
Hozirgi davrda jahonda 200 dan ortiq. davlat mavjud, ulyarning soni sobiq SSSRning parchalanishi, Yugoslaviyaning bulinishi va boshqalar tufayli keskin oshdi. Shundan 188 davlat BMT a’zosidir. Bu tashkilot tuzilganidan buyon (1945 yil 24 oktyabr) quyidagilar e’tirof etildi: BMT a’zolari soni 51 tadan 188 ga usdi, dunyo axolisi esa shu davr mobaynida 2.5 milliarddan 6, 1 milliardga yetdi (usish 3, 5 milliard), yalpi milliy mahsulot 7 trillion AQSH dollaridan 30 trillion dollarga yetdi, ya’ni 4 martadan ko‘proq usdi. Uzaro iqtiodiy va savdo munosabatlarining nafi tufayli keyingi davrda ilgari qoloq bo‘lgan davlatlarning ayrimlari olib borilgan to‘g‘ri iqgisodiy siyosat tufayli rivojlanish, taraqqiyot yuliga kirib oldilar, ularning soni tobora oshib bormoqda. Shu sababli bu sohada iqtisodiy ta’limotlarda ha yo‘nalishlar vujudga keldi. Hozirgi davr iqgisodiyotchilari U.Rostou, R.Emerson, P.Samuelson va boshqalar kolonializmning ijobiy tomonlarini, uning qoloq mamlakatlarga «taraqqiyot» olib borganligini burttirib ko‘rsatishga intulmoqdalar. Guyoki mustamlakalar ilg‘or mamla
katlar yordamida uz mustaqilligini ta’minlashga erishganlar. Bu tuzum ilror va qoloq mamlakatlarga birdek naf ketirgan deb hsoblaniladi. R.Emerson fikricha, kolonializm Sharq xalqlari uchun taraqqiyot yo‘lidan borishga imkoniyat yaratdi.
Farbda «Noiloj rivojlanish», «Tashqi turtki» nazariyalari keng tarqalgan (R.Nurkse, E.Xagen), unda ozodlikka erishgan davlatlar dastlab musibatlarga uchrashi tabiiy, shu sababli ularning bu ahvoldan chiqishining yagona yo‘li «Tashqi turtki his»
«Solishtirma chiqimlar» nazariyasining yangi variantlari J.Vayner, G.Xaberler, Ch.Kindleberger tomonidan har tomonlama ishlab chiqilgan. Bu nazariya tarafdorlarining fikricha, rivojlanayotgan davlatlarda tabiiy resurslar anchagina bulganligini hisobga olib, oziq-ovqat va xom ashyo mahsulotlariga ixtisoslashish ma’qul, sanoatni rivojlatirishga hojat yuq, chunki an’anaviy eksport tovarlari hisobiga xalqaro bozordan kerakli masulotlarni almashib olish mumkin. Bu fikrga qo’shilib bulmaydi, chunki bu usul mamlakat rivojiga olib kelmaydi.
Ba’zi olimlar rivojlanayotgan mamlakatlarni «industrlashtirish» nazariyalarini ilgari surmoqdalar. Masalan, N.Kaldor, J.Meyerlarning fikricha, shaxsiy iste’molni ixtiyoriy qisqartirib, iqgisodiyotni moliyalash uchun jamg‘armalar yetarli emas, davlat soliq tizimi orqali iyete’molni majburiy yo‘l bilan qisqartirish kerak. Ayrim hollarda «me’yordagi inflyatsiya»dan foydalanish taklif etiladi. P.Rouzenshteyn-Rodan, U.Xiller, G.Meyerlar o‘tish davrida chet el mamlakatlari (birinchi navbatda rivojlangan mamlakatlar)tomonidan iqtisodiy va texnikaviy yordam zaruriy chora sifatida ko‘rsatiladi, undan keyin esa bu ishlar «xususiy chet el investitsiyalari» bilan almashadi deb hisoblaydilar. Rivojlanayotgan mamlakatlarni industrlashtirish strategiyasi buyicha ham turli g‘oyalar mavjud. Ba’zilar (V.Lyuis, P.Bauer) faqat qishloq xo’jaligi sohasi bilan yengil sanoatni ustun darajada rivojlantirishni taklif etadilar, boshqalar boshida oddiyroq, keyinchalik texnika va texnologiyasi murakkab bulgan tarmoqlarga o‘tishni lozim deb hisoblaydilar. Qishloq xqjaligini rivojlantirish industrializatsiyaning hal qiluvchi sharti sifatida belgilanadi. Amerika IIhgisodchilari X.Leybenshteyn va V.Ryutenlar qishloq xo‘jaligini texnik rekonstruksiyalashni eng muhim masala deb hisoblaydi. Bu davrda sanoat qishloq xo‘jaligi uchun kerakli tovarlarni ishlab chiqarishi kerakligini ta’kidlaydi. Yana bir eng dolzarb masala bu demografiya muammosidir. Aholining asosiy qismi tez ko‘payayotgan joylarda iqgisodiy usish sust kechmoqda. Davlatning iqgisodiy rivojlanishdagi roli masalasi muhimdir, bu haqda yuqorida fikr yuritilgan edi, ma’lumki, klassik va neoklassik ta’limot tarafdorlari davlatning ishtirokini imkoni boricha cheklashni taklif etsa, Keyns va keynschilar hamda neokeynschilik davlatning roli faol bulishini targ‘ib etadi. Bu holatda ham ana shunday ikki xil qarash xususiyatlidir. Amerikalik iqgisodchi G.Kolm fikricha, kam rivojlangan davlatlarda planlashtirishning maqsadi bozor jarayonini faollashtirishga qaratilishi kerak. Iqgisodiy rivojlantirishni rejalashtirish (plan) xususiy sektorni qo‘llash bozor xo‘jaligi defektlarini tugatish uchun kerak deyiladi. Rivojlanayotgan mamlakatlar iqgisodiyotining g‘arb andozalari asosida olib borish ham taklif etiladi, bu tarixiy jarayon asosida ruy berishi kerak U.Rostou uzining «Ikgisodiy usish bosqichlari» nazariyasida shu qoidani isbot
lashga urinadi. Keyingi davrda BMT tomonidan «Insoniy rivojlanish» konsepsiyasi ilgari surilmoqda. «Insoniy rivojlanish» konsepsiyasiga ko‘ra mamlakatlarning iqtisodiy o‘sishi ular aholisining turmush farovonligi bilan belgilanadi. Bunda iqtisodiy o‘sishni belgilashda qo‘yidagi xususiyatlar hisobga olinadi:
Inson muammolari markaziy muammoga aylanishi.
Insoniy rivojlanish ikki narsani o‘z ichiga oladi: birinchidan – yaxshi sog‘liq, chuqur bilim, xunar kabi insoniy qobiliyatlar majmuasi, ikkinchidan – ish bilan ta’minlanganlik, ishlab chiqarishfaoliyati, siyosiy faoliyat va dam olish.
Iqtisodiy o‘sish odamlar boyitishga nisbatan o‘lchanishi kerak.
insoniy rivojlanishda faqo‘at iqtisodiyotni emas, balki butun jamiyatni qamrab oladi.
Odamlar rivojlanishning maqsadi va erishish omili ekanligi tan olinishi.
Insoniy rivojlanish darajasi insoniy rivojlanish indeksi (INI) bilan o‘lchanadi. IRI qo‘yidagi ucha sosni o‘z ichiga oladi:
Umrboqiylik.
Ta’lim.Yashash darajalari.
«Insoniy rivojlanish» konsepsiyasi BMT Taraqqiyot Dasturi tomonidan izchil targ‘ib qilib kelinmoqda. Bu ezgu ishda BMT Taraqqiyot Dasturi tomonidan «Insoniy rivojlanish bo‘yicha hisobot»lar nashr qilinmoqda. O‘zbekiston Rrespublikasida birinchi marta 1995yil, so‘ngra 2000 yilgi dastur e’lon qilindi. O‘zbekistonda ijtimoiy rivojlanish konsepsiyasining asosini aynan inson va uning manfaatlaritashkil etadi.
O‘zbekiston xukumati islohatlarning insonlar hayoti farovonligiga salbiy ta’sirini imkoni boricha kamaytirish maqsadida Yangi ijtimoiy-iqtisodiy tizimga bosqichma –bosqich o‘tish yo‘lini tanladi. Va bu yo‘lda bir qancha muvaffatsiyatlarga erishildi. 1997 yilda boshlab mamlakatimizda iqtisodiy o‘sish kuzatildi. Ayniqsa so‘ngi yillarda jamiyatning barcha sohalarida o‘sishga erishilmoqda.

Nazorat uchun savollar:

1. Jahon xo‘jaligi deganda nimani tushunamiz va u qachon vujudga kela boshlagan?
2. Xalqaro iqtisodiy integratsiya nima, uning ob’ektiv zaruriyati nimaga asoslanadi?
3. Solishtirma afzallik konsepsyasi, solishtirma harajatlar prinsipi nimani anglatadi?
4. "Ishlab chiqarish omillarinningg xalqaro taqsimoti" nazariyasining asoslari nima?
5. Xalqaro monopoliyalar (transmilliy koorporatsiya) nima? Ular to‘g‘risida qanday ta’limotlar mavjud?
6. Valyuta munosabatlarining mohiyati nima? Valyutaning elastik kursi qaysi omillarga bog‘liq?

Tavsiya etiladigan adabiyotlar:

1. 
   Karimov I.A.O‘zbekiston buyuk kelajak sari. T., O‘zbekiston, 1998.
   
2. 
   Iqtisodiy ta’limotlar tarixi. T.,Fan ,1997 (14-bob, 346-370- betlar).
   
3. 
   Lomakin P.K. Mirovaya ekonomika . M.,F. Yunit, 1998.
   
4. 
   Mayburd Ye.M. Vvedeniye v istoriyu ekonomicheskoy misli. Ot prorokov do professorov. M. , Delo, 1996.
   
5. 
   Makkonell K.R., Bryu S.L. Ekonomiks (v dvux tomax). M. Respublika,1992.
   

O’QUV A D A B I YOTLARI RO‘YXATI

.

1. 
   I.A.Karimov. Tarixiy xotirasiz kelajak yo‘q. T., Sharq, 1998.
   
2. 
   I.A.Karimov. Amir Temur haqida so‘z. T., O‘zbekiston, 1996.
   
3. 
   Iqtisodiy ta’limotlar tarixi. Ma’ruzalar matni.T.,TDIU,1992.
   
4. 
   Iqtisodiy ta’limotlar tarixi. O‘quv qo‘llanma.T.,Fan,1997.
   
5. 
   Mayburd Ye.M.Vvedeniye v istoriyu ekonomicheskoy misli. M.,1996.
   
6. 
   Yadgarov Ya.S. Istoriya ekonomicheskix ucheniy.M.,1999.
   
7. 
   Razzoqov A.A. Iqtisodiyot bo‘yicha Nobel mukofoti laureatlari.T.,TDIU,1998.
   
8. 
   Karimov I.A. O‘zbekiston buyuk kela
   
9. 
   ajak sari. T., 1998.
   
10. 
    qur’oni Karim .T.,Cho‘lpon, 1992.
    
11. 
    Mor T.Utopiya.M.,1953.
    
12. 
    Kampanella T.Gorod solnsa.M.,1954.
    
13. 
    Sotsialno-utopicheskiye idei v Sredney Azii.T.Fan, 1983.
    
14. 
    Xayrullayev I.Farabi. T.Fan,1975.
    
15. 
    Forobiy. Fozil odamlar shahri.T.,1993.
    
16. 
    Ibn Xoldun. Lavhalar. Ijtimoiy fikr.1998,№1, 158-165-betlar.
    
17. 
    Yusuf Xos Hojib.qutadg‘u bilig. T.,1991.
    
18. 
    Kaykavus U.qobusnoma. T.,O‘qituvchi, 1986.
    
19. 
    G‘ulomov S. Ijtimoiy yo‘naltirilgan bozor iqtisodiyoti. T., Mexnat, 1997.
    
    1. 
       Xayrullayev. Forobiy. T., Fan, 1995.
       
       1. 
          Ibragimov. Biz kim O‘zbeklar. T., Sharq, 1999.
          
20. 
    Razzoqov, Sh.Toshmatov, N.O‘rmonov. «Iqtisodiy ta’limotlar tarixi» Darslik. T., Moliya, 2002.
    
21. 
    Islomov, E.Egamov. «Iqtisodiy ta’limotlar tarixi». O‘quv qo‘llanma. T., O‘zbekiston, 2003.
    
22. 
    R.Qarshiyev, A.To‘xtamishev. «Iqtisodiy ta’limotlar tarixi». O‘quv qo‘llanma. S., 2000.
    
23. 
    SH.Shodmonov va boshqalar. Iqtisodiyot nazariyasi. O‘quv qo‘llanma. T.: -O‘zbekiston. 2002y.
    
24. 
    Razzoqov A. va boshq. Iqtisodiy ta’limotlar tarixi. Darslik. T., Moliya, 2002. -5b.
    
25. 
    «Halq so
    
26. 
    «Halq so‘zi» 9 fevral, №28 (4438). I.A.Karimovning O‘zbekiston Respublikasi Vazirlar Mahkamasining majlisidagi Axboroti
    
27. 
    Islomov A. va boshq. Iqtisodiy ta
    
28. 
    Islomov A. va boshq. Iqtisodiy ta’limotlar tarixi. O‘quv qo‘llanma. T., O‘zbekiston, 2003. -7b.
    

29. 
    Islomov A. va boshq. Iqtisodiy⁴憒汩浯
    
30. 
    y ta’limotlar tarixi. O‘quv qo‘llanma. T., O‘zbekiston, 2003. -10b.
    

31. 
    Islomov A. va boshq. Iqtisodiy ta’limotlar tarixi. O‘quv qo‘llanma. T., O‘zbekiston, 2003 14-15b
    
32. 
    Amaliy iqtisodiyot: / O‘quv qo‘llanma/ Tarjimonlar I. Fozilov va boshqalar. «Sharq» 1996 -14 b
    
33. 
    Amaliy iqtisodiyot: / O‘quv qo‘llanma/ Tarjimonlar I. Fozilov va boshqalar. «Sharq» 1996 -20 b
    
34. 
    Islomov A. va boshq. Iqtisodiy ta’limotlar tarixi. O‘quv qo‘llanma. T., O‘zbekiston, 2003. -106b.