Fan nomi: Axborot xavfsizligi protokollari

Hujumlarning kalitlarni taqsimlash protokollariga ta’siri

№	Protokol nomi	Hujum turlari
1	Shamir protokoli	Kriptotahlilchi kriptotahlil usuli orqali kalitni aniqlashi mumkin
2	Nidxeym-Shreder protokoli	V ishtirokchi kalitni kim tomonidan yuborilganini bilmaydi Kriptotahlilchi bu kalitni ma’lum vaqtdan so‘ng qayta uzatishi mumkin Arbitr ma’lumotni kimdan kelganini va kimga yuborish kerakligi haqida hyech narsa bilmaydi A ishtirokchi ma’lumotni arbitrdan kelganiga to‘la ishonch hosil qilmaydi
3	Yahalom protokoli	Ishtirokchilar o‘rtasida o‘zaro identifikasiya ta’minlanmaydi
4	Diffi- Xellman protokoli	“O‘rtadagi kishi ” hujumiga bardoshli emas. Kriptotahlilchi bu ma’lumotlarni ma’lum vaqtdan keyin V ishtirokchiga qayta jo‘natishi mumkin
5	Hughes protokoli	“O‘rtadagi kishi ” hujumiga bardoshli emas
6	Katta halqumli qurbaqa protokoli	Kriptotahlilchi bu ma’lumotni V ishtirokchiga takroran uzatishi mumkin Ishtirokchilar ma’lumotni kimdan kelganini bilmaydi
7	DASS protokoli	V ishtirokchi ERIni tekshirish imkoniga ega bo‘lmaydi Tomonlar o‘rtasida o‘zaro identifikasiya ta’minlanmaydi
8	Vu – Lama protokoli	A ishtirokchi arbitrni identifikasiya qilmaydi Ishtirokchilar bir-birini identifikasiya qilmaydilar
9	Denning – Sakko protokoli	Protokol yakunlangandan so‘ng V ishtirokchi boshqa S ishtirokchi bilan aloqa o‘rnatishi uchun A ishtirokchining nomidan ish ko‘rishi mumkin

Kriptografik protokollarning bardoshliligini tahlillashda BAN-mantiqdan foydalanish mumkin. Berrouz — Abadi — Nidxem mantiqi (inglizchadada Burrows-Abadi-Needham logic) yoki BAN-mantiqi (inglizchada BAN logic) — axborot almashish protokollarini aniqlash va tahlillash

uchun foydalaniladigan qoidalar to‘plamidir [62]. Xususan, BAN-mantiq almashish jarayonida ishtirok etayotgan axborot haqiqiymi, eshitishdan himoyalanganmi va boshqalarni aniqlashda foydalanuvchilarga yordam beradi. Birinchidan, BAN-mantiq — bu istalgan muhitda (bu mis o‘tkazgich, optik tola yoki havo bo‘lishi mumkin) uzatiladigan axborotning konfidensialligi va haqiqiyligiga tahdid mavjud bo‘lishi mumkinligidir. BAN-mantiqning oddiy ketma-ketligi uch qadamdan iborat:

1. 
   Xabar manbasini tekshirish.
   
2. 
   Xabarning yangiligini tekshirish.
   
3. 
   Manbaning ishonchliligini tekshirish.
   

Autentifikasiya protokollarini tahlillashda BAN-mantiq boshqa barcha formal nazariyalar kabi aksioma va ta’riflardan foydalanadi. BAN-mantiq ko‘pincha axborot muhofazasi protokollarining formal bayoniga ilova qilinadi.
BAN-mantiq hal qilinadiganlar sirasiga kiradi: ya’ni gipotezadan BAN-mantiq yordamida keltirilgan xulosalarning to‘g‘riligini tekshiruvchi algoritm mavjud. BAN-mantiq boshqa formal tizimlarning asosi bo‘lib, ularning ba’zilari BAN-mantiqning zaif joylarini bartaraf etishga harakat qiladi.
Asosiy qoidalar va ularning xulosalari quyida keltirilgan (P va Q – tizim mijozlari, X - uzatiladigan xabar, K - shifrlash kaliti):

•