Bino va inshootlarni barpo etish texnologiyasi 5580200 − «Bino va inshootlar qurilishi»

V) Devorlarni po‘lat va temirbeton oboymalarga kiritish 
Po‘lat oboymalar konstruktiv jihatdan devorlarning burchaklariga 
o‘rnatiluvchi po‘lat burchakdan yasalgan tirgovuchlardan va balandligi 
67

---

bo‘yicha ma’lum masofa oralig‘ida payvandlab ulanadigan po‘lat 
tasmalardan iborat bo‘ladi. 
Тemirbeton oboymalar konstruktiv jihatdan devor tuynuklarining 
balandligi bo‘yicha g‘isht devorning qalinligi kengligida o‘zaro po‘lat 
simto‘rlar bilan bog‘langan romlardan iborat bo‘ladi. Тemirbeton 
oboymalarga kiritilgan g‘isht devorlarning tuynuklari ichkarisidan biroz 
toraytiriladi.
Devorlarni po‘lat oboymalarga kiritganda jarayonlarning tarkibi 
quyidagicha bo‘ladi: tayyorlov ishlari, oboyma elementlarini tayyorlash, 
oboyma elementlarini montaj qilish, devorlarni suvoqlash. 
Тayyorlov ishlarining tarkibi va bajarilishi yuqorida keltirilgan 
usullardagilarga o‘xshash bo‘ladi. Po‘lat oboyma elementlarini tayyorlash 
qurilish ob’ekti sharoitlarida amalga oshiriladi. Тayyorlangan elementlar 
kerakli joyga montaj qilinadi. Dastlab po‘lat burchakdan yasalgan 
tirgovuchlar o‘rnatiladi, so‘ngra esa ularga devorning ichkari va tashqari 
tomonlaridan oldindan tayyorlangan ma’lum uzunlikdagi po‘lat tasmalar 
payvandlab mahkamlanadi. 
Devorlarni temirbeton oboymalarga kiritganda esa jarayonlarning 
tarkibi quyidagicha bo‘ladi: tayyorlov ishlari, armaturali karkaslarni 
o‘rnatish, karkaslarni devorning ichkari va tashqari tomonlaridan po‘lat 
tasmalar bilan o‘zaro payvandlab birlashtirish, qoliplarni o‘rnatish, beton 
qorishmasini tayyorlash, kerakli joygacha uzatish, yotqizish va zichlash, 
betonni parvarishlash va kerakli mustahkamlikka erishgunicha saqlash, 
qoliplarni yechish, devorni sementli-qumli qorishma bilan suvoqlash. 
Armaturali karkaslarni tayyorlash markazlashgan holda yoki obektning 
o‘zida bajarilishi mumkin. Dastlab karkaslar devorga zich qilib o‘rnatiladi, 
so‘ngra ular po‘lat simto‘rlarni devorning kengligiga teng o‘lchamda 
payvandlash yo‘li bilan o‘zaro birlashtiriladi. Shundan so‘ng ayrim 
yog‘och taxtalardan yasalgan qolip devor darchasining ichkarisiga 
o‘rnatiladi va mahkamlanadi. Qolipning yon tomon yog‘och taxtasida 
beton qorishmasini uzatish, yotqizish va zichlash uchun tuynuk qoldiriladi.
Obektni betonlash uchun harakatchan qorishmadan foydalanish afzalroq 
hisoblanadi. Beton qorishmasini tayyorlashni obektda amalga oshirish 
maqsadga muvofiqdir. Beton qorishmasi bad’yalarda kran yordamida 
tuynuklar orqali uzatiladi. Beton qorishmasini yotqizish havozalar ustida 
turgan betonchilar tomonidan qo‘lda bajariladi. Yotqizilgan beton 
qorishmasi chuqurlikka oid vibratorlar yordamida zichlanadi. Beton 
mustahkamligi 50 % ga erishganidan so‘ng qolip yechiladi.