Matlab muhitining hisoblash imkoniyatlari Ish muhiti

8. Amallar prioritetlari (bajarilish tartiblari).
Matematik ifodalarda amallar aniqlangan bajarilish tartibiga ega:
- mantiqiy amallar bajarilish tartibi, arifmetik amallarga nisbatan yuqori,
- darajaga ko’tarish bajarilish tartibi ko’paytirish va bo’lish bajarilish tartibiga nisbatan yuqori,
- ko’paytirish va bo’lish bajarilish tartibi qo’shish va ayirish bajarilish tartibiga nisbatan yuqori.
Amalning bajarilish tartibini oshirish uchun aylana qabslaridan foydalanish kerak. Qavslarning ichma-ich tartibi chegaralanmagan.
9. O’zgarmaslar va tizimli o’zgaruvchilar.
O’zgarmas – bu unikal ismda (identifikator) namoyish qilingan sonli yoki belgili qiymatlarni dastlab aniqlashdir. Son (masalan, 1, -2 va 1.23) nomsiz sonli o’zgarmaslar hisoblanadi.
MATLAB da o’zgarmaslarning boshqa ko’rinishini tizimli o’zgarmaslar deb nomlash qabul qilingan, xamonki, bir tomondan, ular tizim yuklanganda beriladi, boshqa tomondan esa – qayta aniqlash mumkin. Tadbiq etilgan asosiy tizimli o’zgaruvchilar:
• i yoki j – mavhum birlik (-1 dan kvadrat ildiz);
• pi – p=3,1415926... soni;
• eps – quzg’aluvchan nuqtali sonlar ustida amallar xatoligi (2-52);
• realmin – quzg’aluvchan nuqtali sonning eng kichigi (2-1022);
• realmax – quzg’aluvchan nuqtali sonning eng kattasi (21023);
• inf – mashina cheksizlik qiymati;
• ans – oxirgi amallar natijasi saqlanadigan o’zgaruvchi;
• NaN – sonli bo’lmagan ma’lumot xarakterini ko’rsatish (Not a Number).
Tizimli o’zgaruvchilarni ishlatishga misollar:
>> 2*pi
ans = 6.2832
>> eps
ans = 2.2204e-016
>> realmin
ans = 2.2251e-308
>> realmax
ans = 1.7977e+308
>> 1/0
Warning: Divide by zero.
ans = Inf
>> 0/0
Warning: Divide by zero.
ans = NaN
Ko’rsatilgan kabi, tizimli o’zgaruvchilar qayta aniqlanishi mumkin. eps tizimli o’zgaruvchiga boshqa qiymatni berish mumkin, masalan eps=0.0001. Lekin eng asosiysi, ularning qiymatlari tizim yuklangandan keyin jimlik bo’yicha birdaniga beriladi.
Shuning uchun, oddiy o’zgaruvchilardan farqli ravishda, tizimli o’zgaruvchilarning aniqlanmay qolishi umuman mumkin emas.
Belgili o’zgarmas – bu apostrofga olingan belgilar ketma-ketligidir, masalan:
'Hello my friend!'
'2+3'
Agar apostroflar ichida matematik ifodalar joylashsa, ular hisoblanmaydi va odatda belgilar ketma-ketligi kabi qaraladi. Shu sababli '2+3' 5 qiymatni qaytarmaydi.