Mavzu: “Tilimiz Davlat”

O’qituvchi:
Do’stlarim so’zlarning ko’rkidir maqol.
Maqollar kattayu kichikka yoqar
Odobu axloqni o’rgatur bizga
Maqollar aytingiz, taklifim sizga.
1-o’quvchi. So’z qadrini bilmagan – o’z qadrini bilmas.
2-o’quvchi. Oshni ta’mi tua bilan- odam qadri so’z bilan
3-o’quvchi. Suv o’z yo’lin topar – so’z o’z egasin.
4-o’quvchi. Tilga e’tiborsiz – elga e’tiborsiz
5-o’quvchi. Tili shirinning do’sti ko’p bo’lur
6-o’quvchi. Do’sting ham til – dushmaning ham til

1-o’quvchi. O’zbek tili ona tili

Urug’ momom tili
Yashab turgan bobom tili
Hamma: Davlat tili, bo’ldi tilim
Quvonchlarga to’ldi dilim
2-o’quvchi. Ona tilim millatimning tayanchi
Ona tilin unutganlar ayanchdir
Ona tilim sen iftixor chashmasi
Yuragimning sira tuganmas ganji
Nazarbek:
Yasha, ey, o’zbek tilim – yaqin sening bayraming
Olam bo’ylab tashlagan – odimlarning qadaming
O’zbekiston nomini dunyoga tanit tilim
O’zbegim kalomini bilsin har el, har iqlim
Nishona:
O’zbek tili urib turgan yuragi
O’zbek tili yurtimning tarixi kelajagi
Buyuk Mahmud Qoshg’ariy ardoqlagan buyuk til
Shoir bobom Alisher “Xamsa” bitgan suyuk til
1-boshlovchi:
Jahonda 3000 dan ortiq til bo’lib biz uchun eng suyuklisi o’zbek tilidir.
Kuy chalinadi. Ona tili chiqib O’zbek tili milliy kiyimda boshida ezbek tili deb yozilgan kiradi.
O’zbek tili. Men o’zbek tiliman!
Ming jafolardan, qirg’inlardan talofotlardan omon chiqqan o’zbek xalqiga vafodor o’zbek tiliman. Buyuk Alisher bobom meni o’z g’azallaru, dostonu asarlari bilan hurmatga, e’zozga sazovor etdi.
Kelinglar o’zbek tilini hurmat qilaylik uning boyishiga hissa qo’shaylik. Ana o’shanda men rivojlamanam , obro’yga ega bo’laman, muomalada faol ishtirok etaman.
1-boshlovchi:
Yurtimizda bir qancha millat vakillari yashaydi, har biri o’z madaniyatiga urf- odatiga ega.
2-boshlovchi:
Xoh katta, xoh kichik bo’lsin bizga hamma tillar qadrlanadi.
(Sahnaga har xil millat vakillari musiqa sadolari ostida chiqadilar)