28
ISTAK
Dardlarim yaproqdayin birma - bir to'kilsaydi,
Hislarim yellar kabi olamga yoyilsaydi,
Orzularim bug'doydek un bo'lib to'kilsaydi,
She'rlarim qo'shiq bo'lib ellarga buyursaydi.
Dardim toshi kunba-kun ezib borar bag'rimni,
Sevgim senga ne azob, qo'y keltirma qaxrimni,
Umrim mening arosat, ne qilgayman qalbimni,
O'zim izlab xaqiqat, o'zim yutdim zahrimni.
Hislarimni sen kabi
bir bemorga inondim,
Inondim-u "Afsus" deb ming bor fikrimdan tondim,
Tuyg'ular
abas endi, "O'ldim" deya quvondim,
O'lsam hamki ruhim ila sevging o'tiga yondim.
Orzum edi qoshlaringning payvastasin silamoq,
Ko'kragingga boshim qo'yib, yuragingni tinglamoq,
Va shu ko'ngul dovonida ming yil baxtli yashamoq,
Endi hech darkor emas yuraklarni qiynamoq.
She'rlarimni do'stlarim
shoirlikdan yozmadim,
Muhabbatim qalam berdi, o'zgalardan olmadim,
Ellik yoshdan o'tsam hamki, yor ishqidan qolmadim,
O'zingdan tondi ko'nglim, lek sevgidan tonmadim.
Dardlarim yaproqdayin birma-bir to'kilsaydi ..........
