Ovqatlanish

74

Non sifatiga doir gigiyenik ko’rsatkichlar

Non qolipga solib, pech o’txonasiga qo’yib, donali va tortib so-tiladigan qilib yopilishi mumkin. Yangi yopilgan non toza, tekis bo’ladi, yorilib ketgan va juda ko’tarilib chiqqan joylari bo’lmaydi. Non yuzidagi yoriqlar eni 1 sm dan ortiqroq bo’lib, non po’sti orqa-li bir yoki bir necha yo’nalishda o’tgan bo’lsa, bunday yoriqlarni yirik deb hisoblanadi. Non po’sti bir tekis, och jigarrang tusda bo’ladi. Bu uning yuzida non yopilayotgan paytdagi yuqori harorat ta'sirida kraxmaldan to’q rangli dekstrinlar paydo bo’hshiga bog’liq. Non ustki po’stining aniqligi 4 mm dan ortmashgi kerak. Uning ko’chib tushadigan bo’lishiga yo’l qo’yilmaydi.

Yangi non mag’zi yaxshi pishgan, qo’lga olib iylab ko’rilganida yopishmaydigan va nam bo’lib unnamaydigan bo’lishi kerak. Barmoq bosib ko’rilganidan keyin non mag’zi dastlabki shakliga kelib qoladi. Nonning xush ta'mli bo’Ushi muhim, javdar non sal nordonroq bo’lishi, bug’doy non esa nordon va chuchmal bo’lmasligi kerak. Nonning yot ta'mli va mineral aralashmalardan tish orasida g’ijirlab turadigan bo’lishiga yo’l qo’yilmaydi. Yangi yopilgan bug’doy yoki javdar non xushbo’y hidli bo’ladi.