O'zbekiston respublikasi profi universitety

Flegmatik temperament. Flegmatik - xotirjam, hamisha bir tekisda, qat'iy 
va tirishqoq xizmatchidir. Flegmatikning reaktsiyasi bir oz sekinlashgan bo'ladi. 
Kayfiyati turg'un. Hissiy kechinmalari tashqi kam ifodalangan. Murakkab hayotiy 
vaziyatlarda flegmatik o'zini yetarlicha xotirjam va vazmin tuta oladi. U impulьsiv 
va keskin harakatlarga yo'l qo'ymaydi. Chunki unda tormozlanish jarayoni hamisha 
qo'zg'alish jarayonini muvozanatga solib turadi.
Flegmatik o'z kuchi va imkoniyatlarini to'g'ri hisobga olgan holda, boshlagan 
ishini oxiriga yetkazishda katta qat'iyatlilikni namoyon qiladi. Unda diqqatini va 
faoliyatini bir narsadan boshqasiga ko'chirilishi bir oz sekinlashtirilgan holda 
kechadi. Uning stereotiplari kam harakatchan, xulqi ko'p hollarda yetarlicha 
o'zgaruvchan emas.

---

87 
Flegmatik kuchni teng taqsimlash, sabr-toqat, diqqatning turg'unligi va 
chidam talab qiladigan faoliyat turlarida ko'proq muvaffaqiyatlarga erishishi 
mumkin. 
Melanxolik temperament. Melanxolik temperament - nerv sistemasining 
yaqqol tormozlangan tipidir. Melanxolik uchun hayotning har-bir hodisasi, uning 
uchun tormozlanuvchi bo'lib hizmat qilishi mumkin. U hech kimga va hech nimaga 
ishonmaydi, hech nimaga umid qilmaydi, hamma narsada faqat yomonlik va 
xavfni ko'radi.
Melanxolik 
o'ta 
ko'ngli 
noziklik 
(adolatsizlikka 
chidolmaslik), 
kechinmalarining chuqurligi (gohida arzimas sabablar tufayli ham) bilan farqlanib 
turadi. Uning hissiyoti oson yuzaga keladi, yomon kechiniladi, tashqi yaqqol 
ifodalanib turadi. Kuchli tashqi ta'sirlar uning faoliyatini qiyinlashtiradi.
U introvert - o'z kechinmalari bilan band, o'zi bilan o'zi ovora, begona 
odamlar bilan muloqot (aloqa)dan o'zini tutadigan, yangi sharoitlardan qochadigan 
bo'ladi. Hayotning ma'lum bir sharoitlarida unda tortinchoqlik, jur'atsizlik, 
qat'iyatsizlik va hatto qo'rqoqlik kabi sifatlar osongina shakllanishi mumkin. 
Qulay, turg'un sharoitlarda melanxolik ko'tarinki sezgirlik, reaktivlik, tez 
o'rganib olish, kuzatuvchanlikni talab qiladigan faoliyat turlarida yaxshi 
muvafaqqiyatlarga erishishi mumkin.