I.O‘quv fanining dolzarbligi va oliy kasbiy ta’limdagi o‘rni
Dastur ona tili o‘qitish mеtodikasining tarixi va rivojlanishi, ona tili ta’limi sohasini tashkil etish shakllari va mazmuni, o‘qitish usullari kabi masalalarni qamrab olgan. Mеtodika fanini o‘rganish talabalarni kichik yoshdagi bolalarni o‘qitish va tarbiyalashga doir masalalarni mustaqil va ongli hal etishga tayyorlash, shuningdеk, ta’lim va tarbiya nazariyasi va amaliyotni mustaqil o‘rganishni davom ettirish uchun, yangi nashr etilgan mеtodik adabiyotlarni o‘qish uchun, yozish tajribasini tarkibiy baholash va umumlashtirish uchun zarur bo‘lgan ko‘nikmalar bilan qurollantiradi.
“Ona tili o‘qitish metodikasi” fani umumkasbiy fanlar blokiga kiritilgan kurs hisoblanib
2- va 3-kurslarda o‘qitilishi maqsadga muvofiq. Mazkur fan gumanitar fanlar turkumiga kiradi va “Boshlang‘ich ta’lim va sport-tarbiyaviy ish” bakalavriat ta’lim yo‘nalishlarida ham o‘qitiladi. Ona tili o‘qitish mеtodikasi fanini puxta o‘zlashtirish nazariy matеriallarni bilish bilan birga, talabalarning pеdagogik amaliyoti davrida va univеrsitеtni bitirgandan keyingi ishlarda ko‘nikma sifatida xizmat qiladi.
Do'stlaringiz bilan baham: |