Samarqand iqtisodiyot va servis instituti bektemirov a., Omonov a. A., Xaydarov z. Sh., Niyozov z. D. Tijorat banklari aktiv va passivlarini boshqarish

10.2.1-jadval


Sberbank (Rossiya) moliyaviy natijalar boʻyicha 2018-yilga moʻljallangan
strategik rejasi va uni 2016-yilda bajarilishi²⁶

№	Koʻrsatkichlar	2016-yil	2018-yil
1	Kapitalning rentabelligi, %	21,0	18,0
2	Birinchi darajali kapitalni yetarliligi, %	12,3	min 10,0
3	Xarajatlarni daromadlarga nisbati, %	39,7	40 gacha
4	Xarajatlarni aktivlarga nisbati, %	2,6	2,5 gacha
5	Sof foydani oʻsishi, marta (2013-yilga
	nisbatan)	1,5	min 1,8
6	Aktivlarni oʻsishi, marta (2013-yilga
	nisbatan)	1,4	1,8

26. 
    Годовой отчет Сбербанка за 2016 год. www.cbrf.ru.
    

115
Xarajatlarni daromadlarga nisbati koʻrsatkichi boʻyicha 2018-yilga moʻljallangan reja koʻrsatkichi ham 2016-yilda bajarildi. Mazkur koʻrsatkichni 40 foizdan oshmasligi rejalashtirilgan edi. 2016-yilda esa, ushbu koʻrsatkichni haqiqatdagi darajasi 39,7 foizni tashkil etdi.

10.2.1-jadvalda keltirilgan maʻlumotlardan koʻrinadiki, xarajatlarni aktivlarga nisbatan darajasi boʻyicha 2018-yilga moʻljallangan reja koʻrsatkichi 2016-yilda bajarilmadi. Shuningdek, sof foydani va aktivlarni oʻsish surʻatlari boʻyicha 2018-yilga rejalashtirilgan koʻrsatkichlar ham bajarilmadi.

2018-yil uchun moʻljallangan reja koʻrsatkichiga muvofiq, sof foyda miqdori 2013-yilga nisbatan 1,8 martaga oshishi kerak edi. 2016-yilda mazkur koʻrsatkichni 2013-yilga nisbatan oʻsish surʻati 1,5 martani tashkil etdi.

Sberbank jami aktivlarini 2018-yil uchun 2013-yilga nisbatan oʻsish surʻati 1,8 marta qilib rejalashtirilgan edi. 2016-yilda ushbu koʻrsatkichni 2013-yilga nisbatan haqiqatdagi oʻsish surʻati 1,4 martani tashkil etdi.

Sberbankning 2014-2018-yillarga moʻljallangan rivojlantirish strategiyasida chakana mijozlar sonini oshirib borish rejalashtirilgan edi.

Xalqaro bank amaliyotida tijorat banklari depozit bazasini yetarliligini aniqlashda ikki usuldan keng foydalanilmoqda. Birinchi usul Xalqaro tiklanish va taraqqiyot banki (XTTB) ekspertlari tomonidan ishlab chiqilgan boʻlib, unda tijorat banklari depozit bazasining yetarliligi (DBE) quyidagi formula orqali aniqlanadi:

	TD